Matius 20
20
Poiradan do Tulun Gaji Kumuri siri Kabun do Tuva Anggur
1Om ponudukno dii kavagu i Yisus, kaDisido, “Potingkuro naku i Kinoringan monguasa di tulunJo? Isido nopo nga irad do tulun sanganu di kabun tuva do anggur, do sinumarap mongoi mogium do tulun gojian do pokurion siri kabunjo om nosomunganjo dii i piipiro tulun. 2Om kopoiupakat nopo dii iolo do gojian di gaji do koubasanan sangadau, om suuo nogi dii disido iolo kumaraja siri kabunjo.
3Om pakaayaino dii kavagu di sanganu di kabun siri pasar di pukul sombilan minsarap, koontongno kavagu isido di tulun songingkakat auso kurion. 4Kadii disido diolo, ‘Ongoi kouno kumaraja silo kabun anggurku om gojianku ikovu maja diri nokokuri muju,’ ka. 5Om ongoino dii iolo. Om di pukul duabalas om di pukul tiga nogi di minsosodop, ongoino dii i sanganu di kabun, om iradi diri do loovonjo pokuri si disido i tongotulun di osomunganjo. 6Om ongoino kavagu i sanganu di kabun di pukul lima minsosodop, om koontong nopo dii isido di tongotulun do songingkakat, om kadisido, ‘Nokuro do au kou kumaraja, sumadapan kou noopo siti?’ ka.
7Nga kadiolo, ‘Songindada ikoi siti do auso gia gojionja,’ ka.
Kadisido diolo, ‘Jadi nong irad dino, ongoi kou pogi uup kumaraja si dogo do kabun anggur,’ ka, om ongoino dii iolo.
8Nga mintutuvong nopo dii, om pitangarno dii i sanganu di kabun di mandurjo do, ‘Loovopo kasangkat i tongotulun kumaraja do gojianku, om timpuunno mangagaji di tulun vagu sampai di tulun laid,’ ka.
9Om rikotno dii i tulun vagu, i tinumimpuun kumaraja di pukul lima, om tikid-tikid diolo nokotorima do gaji do sangadau. 10Nga panantaman nopo daa di tulun laid om oguu torimawon doisido, om rikotno dii iolo nga iri om iri i gaji sangadau i tinorima diolo. 11Nga ontok di tumorima iolo, mungos-ungos dii iolo di sanganu di kabun do kadiolo, 12‘Ikoi nogi tulun laid di noujan kumaraja tavagat, om asadapan ikoi osisidangan do tadau, om inongi dii pangagaji dagai, do iolo nopo om touri#20:12 touri: toudi rumikot do sanjajaam kumaraja,’ kadiolo.
13Nga kadi sanganu di kabun do jinumawap di iso tulun siri diolo do, ‘Apa, au okui mongorugi dika. Do nokopiakun kitono gia diri do gaji do sangadau i pangagajiku dika. 14Nga onuono iti gajinu om pogiduno siti, do kouvangankuno do mangagaji diolo tulun vagu irad diti nigajiku dikau koguu. 15Do suka-suka oku mamakai di siinku kondiri. Tumaaiko naku do opuavang#20:15 opuavang: aandai ginavo, obintaak om obintulung oku diolo?’ ka.
16Na! Iradno diri oguu i tulun kotouri do maino nga kopogulu do insan tadau. Om ii nogi tulun di kopogulu do maino nga kotouri do insan tadau,” kadi Yisus.
Kumointolu di Yisus Popoilo diri KapatajanJo
(Mar. 10:32-34; Luk. 18:31-34)
17Om koopod nopo dii i Yisus monuduk, om lombusno dii Isido om ikoi tongotulunJo. Om ontok do minampanau ikoi mongoi siri Bandar Yorusalim, angatai ikoino dii di Yisus iri opulu om duvo tulunJo sumompini. 18Kadisido, “Maino tumakad tokou mongoi soi Yorusalim. Om Ioku nopo diti nga i Sinumiliu do Tulun, om pojualon Okuno do tulun si di tongokotua do tulun Joudi, irino i tongokotua di imam, om i tongotulun monunuduk do Undang-undang Ugama do Joudi, om ukuman Oku nogi dino diolo do patajon. 19Om pataakon Oku diolo si di tulun do okonko bansa do Joudi, insasanawon Oku diolo, pinlapasan Oku diolo om posolibon Oku nogi dino diolo. Om ontok do tadau kotolu, om vijauon Oku nogi dino,” kadi Yisus dagai.
Pokionuon Diinojo di Yakub om i Yaya
(Mar. 10:35-45)
20Om rikotno dii siri di Yisus i savo di Jabidi minongovit di duvo tanakjo i Yakub om i Yaya, om singkotudno dii si gotuvang di Yisus do mitangar do kivaro pokitulungonjo. 21Om duatono dii di Yisus nong onu pokitulungon disido. Nga kadi tongondu, “Mokitulung oku daa Dika supaya poogomonNu iti duvo kojuvan tanakku iso ponong si gibangNu om iso ponong si vananNu ontok do momorintaKo do insan tadau,” ka.
22Nga jawapno dii i Yisus diolo, “Au oilaan muju ino pokionuon muju dino. Kasanggup kovi naku diri kasansaraan i opurimananKu do insan tadau?” ka.
Nga kadiolo, “Kasanggup ikoji,” ka.
23Kadii di Yisus diolo kavagu, “Kasanggup kou nogi diri kasansaraan i opurimananKu, nga okoniko Dogo do kuasa do momili nong isai poogomon siri gibang vananKu. Nga itino pinosodia diAmoKu#20:23 diAmo: diApa laaid do itaak Disido di tulun,” ka.
24Om korongou nopo dii ikoi iri opulu tulun di Yisus vokon, nga rinumaatan dii ikoi diri duvo misulod. 25Nga loovono dii di Yisus ikoi kasangkat do kaDisido, “Noilaan mujuno iri tulun di okonko bansa Joudi do ongogagajo iri tongopangkat diolo nga mongungulok diri tulunjo kondiri. Om iri tongokotua do porinta diolo nogi nga ongogagarang momorinta di tulun porintawonjo. 26Nga ikovu nopo om okonko irad dino do isaai nopo dikovu mokipangkat om misti sumiliu isido do susuuon muju. 27Om isaai nopo i uvang kopogulu om misti do sumiliu isido do susuuon muju. 28Irad nogi Dogo i Sinumiliu do Tulun do korikatanKu nopo siti nga okonko maganu Oku do susuuon, nga irino sumiliu Oku do susuuon do tulun, om itaakKu iti kojuvanKu do apatai do pongolukat di tulun toguu,” kadi Yisus.
Minongolingos i Yisus di Duvo Tulun Nobolou
(Mar. 10:46-52; Luk. 18:35-43)
29Om potolibaino dii di Yisus om ikoi i tongotulunJo siri Bandar Yoriku, om ontok do lumombus ikoi mantad siri, oguu dii marong i tongotulun moisususuut maja di Yisus. 30Nga kivaro dii duvo tulun bolou do mogom-ogom siri disan do ralan. Om karangaai nopo dii diolo do tumalib i Yisus, om luvapno dii iolo di Yisus irad diti, “Uu Tuan, Ikano i koturunan di Daud, kosianaino dagai!” ka.
31Nga i tulun kinoguuan monogur di tulun bolou do ka, “Onu iti nakalava muju! Otosno!” ka.
Nga makin nogi dii do lumuvap iolo di Yisus, do kadiolo, “Uu Tuan, Ikano i koturunan di Daud, kosianaino dagai!” ka.
32Karangaai nopo dii di Yisus i tulun bolou, om indadano dii Isido, om loovono dii iolo. KaDisido, “Onu pokitulungon muju Dogo?” ka.
33“Tuan, mokitulung ikoi mokilingos diti matoja supaya koontong ikoi,” kadiolo. 34Nga kosianai nopo dii i Yisus diolo, om kamawono dii i mato diolo, om turus dii do nokoontong iolo mongiduvo om vajano dii di Yisus.
Iliyochaguliwa sasa
Matius 20: LabukPKV
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 1995, Wycliffe Bible Translators, Inc. All rights reserved.
Matius 20
20
Poiradan do Tulun Gaji Kumuri siri Kabun do Tuva Anggur
1Om ponudukno dii kavagu i Yisus, kaDisido, “Potingkuro naku i Kinoringan monguasa di tulunJo? Isido nopo nga irad do tulun sanganu di kabun tuva do anggur, do sinumarap mongoi mogium do tulun gojian do pokurion siri kabunjo om nosomunganjo dii i piipiro tulun. 2Om kopoiupakat nopo dii iolo do gojian di gaji do koubasanan sangadau, om suuo nogi dii disido iolo kumaraja siri kabunjo.
3Om pakaayaino dii kavagu di sanganu di kabun siri pasar di pukul sombilan minsarap, koontongno kavagu isido di tulun songingkakat auso kurion. 4Kadii disido diolo, ‘Ongoi kouno kumaraja silo kabun anggurku om gojianku ikovu maja diri nokokuri muju,’ ka. 5Om ongoino dii iolo. Om di pukul duabalas om di pukul tiga nogi di minsosodop, ongoino dii i sanganu di kabun, om iradi diri do loovonjo pokuri si disido i tongotulun di osomunganjo. 6Om ongoino kavagu i sanganu di kabun di pukul lima minsosodop, om koontong nopo dii isido di tongotulun do songingkakat, om kadisido, ‘Nokuro do au kou kumaraja, sumadapan kou noopo siti?’ ka.
7Nga kadiolo, ‘Songindada ikoi siti do auso gia gojionja,’ ka.
Kadisido diolo, ‘Jadi nong irad dino, ongoi kou pogi uup kumaraja si dogo do kabun anggur,’ ka, om ongoino dii iolo.
8Nga mintutuvong nopo dii, om pitangarno dii i sanganu di kabun di mandurjo do, ‘Loovopo kasangkat i tongotulun kumaraja do gojianku, om timpuunno mangagaji di tulun vagu sampai di tulun laid,’ ka.
9Om rikotno dii i tulun vagu, i tinumimpuun kumaraja di pukul lima, om tikid-tikid diolo nokotorima do gaji do sangadau. 10Nga panantaman nopo daa di tulun laid om oguu torimawon doisido, om rikotno dii iolo nga iri om iri i gaji sangadau i tinorima diolo. 11Nga ontok di tumorima iolo, mungos-ungos dii iolo di sanganu di kabun do kadiolo, 12‘Ikoi nogi tulun laid di noujan kumaraja tavagat, om asadapan ikoi osisidangan do tadau, om inongi dii pangagaji dagai, do iolo nopo om touri#20:12 touri: toudi rumikot do sanjajaam kumaraja,’ kadiolo.
13Nga kadi sanganu di kabun do jinumawap di iso tulun siri diolo do, ‘Apa, au okui mongorugi dika. Do nokopiakun kitono gia diri do gaji do sangadau i pangagajiku dika. 14Nga onuono iti gajinu om pogiduno siti, do kouvangankuno do mangagaji diolo tulun vagu irad diti nigajiku dikau koguu. 15Do suka-suka oku mamakai di siinku kondiri. Tumaaiko naku do opuavang#20:15 opuavang: aandai ginavo, obintaak om obintulung oku diolo?’ ka.
16Na! Iradno diri oguu i tulun kotouri do maino nga kopogulu do insan tadau. Om ii nogi tulun di kopogulu do maino nga kotouri do insan tadau,” kadi Yisus.
Kumointolu di Yisus Popoilo diri KapatajanJo
(Mar. 10:32-34; Luk. 18:31-34)
17Om koopod nopo dii i Yisus monuduk, om lombusno dii Isido om ikoi tongotulunJo. Om ontok do minampanau ikoi mongoi siri Bandar Yorusalim, angatai ikoino dii di Yisus iri opulu om duvo tulunJo sumompini. 18Kadisido, “Maino tumakad tokou mongoi soi Yorusalim. Om Ioku nopo diti nga i Sinumiliu do Tulun, om pojualon Okuno do tulun si di tongokotua do tulun Joudi, irino i tongokotua di imam, om i tongotulun monunuduk do Undang-undang Ugama do Joudi, om ukuman Oku nogi dino diolo do patajon. 19Om pataakon Oku diolo si di tulun do okonko bansa do Joudi, insasanawon Oku diolo, pinlapasan Oku diolo om posolibon Oku nogi dino diolo. Om ontok do tadau kotolu, om vijauon Oku nogi dino,” kadi Yisus dagai.
Pokionuon Diinojo di Yakub om i Yaya
(Mar. 10:35-45)
20Om rikotno dii siri di Yisus i savo di Jabidi minongovit di duvo tanakjo i Yakub om i Yaya, om singkotudno dii si gotuvang di Yisus do mitangar do kivaro pokitulungonjo. 21Om duatono dii di Yisus nong onu pokitulungon disido. Nga kadi tongondu, “Mokitulung oku daa Dika supaya poogomonNu iti duvo kojuvan tanakku iso ponong si gibangNu om iso ponong si vananNu ontok do momorintaKo do insan tadau,” ka.
22Nga jawapno dii i Yisus diolo, “Au oilaan muju ino pokionuon muju dino. Kasanggup kovi naku diri kasansaraan i opurimananKu do insan tadau?” ka.
Nga kadiolo, “Kasanggup ikoji,” ka.
23Kadii di Yisus diolo kavagu, “Kasanggup kou nogi diri kasansaraan i opurimananKu, nga okoniko Dogo do kuasa do momili nong isai poogomon siri gibang vananKu. Nga itino pinosodia diAmoKu#20:23 diAmo: diApa laaid do itaak Disido di tulun,” ka.
24Om korongou nopo dii ikoi iri opulu tulun di Yisus vokon, nga rinumaatan dii ikoi diri duvo misulod. 25Nga loovono dii di Yisus ikoi kasangkat do kaDisido, “Noilaan mujuno iri tulun di okonko bansa Joudi do ongogagajo iri tongopangkat diolo nga mongungulok diri tulunjo kondiri. Om iri tongokotua do porinta diolo nogi nga ongogagarang momorinta di tulun porintawonjo. 26Nga ikovu nopo om okonko irad dino do isaai nopo dikovu mokipangkat om misti sumiliu isido do susuuon muju. 27Om isaai nopo i uvang kopogulu om misti do sumiliu isido do susuuon muju. 28Irad nogi Dogo i Sinumiliu do Tulun do korikatanKu nopo siti nga okonko maganu Oku do susuuon, nga irino sumiliu Oku do susuuon do tulun, om itaakKu iti kojuvanKu do apatai do pongolukat di tulun toguu,” kadi Yisus.
Minongolingos i Yisus di Duvo Tulun Nobolou
(Mar. 10:46-52; Luk. 18:35-43)
29Om potolibaino dii di Yisus om ikoi i tongotulunJo siri Bandar Yoriku, om ontok do lumombus ikoi mantad siri, oguu dii marong i tongotulun moisususuut maja di Yisus. 30Nga kivaro dii duvo tulun bolou do mogom-ogom siri disan do ralan. Om karangaai nopo dii diolo do tumalib i Yisus, om luvapno dii iolo di Yisus irad diti, “Uu Tuan, Ikano i koturunan di Daud, kosianaino dagai!” ka.
31Nga i tulun kinoguuan monogur di tulun bolou do ka, “Onu iti nakalava muju! Otosno!” ka.
Nga makin nogi dii do lumuvap iolo di Yisus, do kadiolo, “Uu Tuan, Ikano i koturunan di Daud, kosianaino dagai!” ka.
32Karangaai nopo dii di Yisus i tulun bolou, om indadano dii Isido, om loovono dii iolo. KaDisido, “Onu pokitulungon muju Dogo?” ka.
33“Tuan, mokitulung ikoi mokilingos diti matoja supaya koontong ikoi,” kadiolo. 34Nga kosianai nopo dii i Yisus diolo, om kamawono dii i mato diolo, om turus dii do nokoontong iolo mongiduvo om vajano dii di Yisus.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 1995, Wycliffe Bible Translators, Inc. All rights reserved.