Éxodo 12
12
Pascua
1Te Cajwaltic la sc'opon ta Egipto te Moisés soc Aarón, jich la yalbey:
2—Ja' in u to muc' me sc'oplal ya xc'ot awu'unic te ja' sbabial u yu'un te ja'wile. 3Albeya ta stsojbol alumal israeletic: “Ta slajunebal c'aal yu'un te u, juju-jtul ta apisilic ya me atsaquic juju-jcojt' chij o tentsun ta chajbalchajp na. 4Teme ma'yuc lec yajwal te jchajp na, te ma xlaj ta ti'el yu'un te chambalame, ya me yic' tel te mach'a nopol ay sna soque, ja' me ya sjoin sba ta sti'el soc. Ya me spucbey sbaic chican jayeb ta jtul ay, soc te jich yipal ya xju' yu'unic sti'ele. 5Te chambalam jujun me ja'wil ya'wilal, stat me, ma'yuc bila boloben ta sbaq'uetal, chican teme chij o tentsun. 6Ya to me scanantayic ja' to me ta xchanlajunebal sc'aalelal te ue. Jich ora ta spisilic juju-jtul israel ya me smilic te chambalam ta mal c'aalil. 7Pachaic me ta ora te xch'ich'el te chambalame, ya me abonic a te smarcoil te na te bay ya ati'ic te chambalame. 8Ta ajc'ubal me, wobil me ta c'ajc' ya ati'ic te ti'bale, te ya sjoin ta tuuntesel awu'unic te ch'aal itaj soc te waj te ma ba yich'oj levadura. 9Ma me ayuc stseel ya ati'ic. Scojt'ol te chambalame, te sjol, te yacan soc spisil bitic ay ta yutil xch'ujt', ya me yich' woel ta c'ajc'. 10Ma me xawijq'uitayic ta swenta yan c'aal. Teme ay to ya xjil jtebuque, ya me achiq'uic. 11Alapoj meix ac'u'ic soc axanabic, soc atsacoj meix anabate' ta ac'abic abi. Ti'aic ta animaltic te sbaq'uetal te chambalame, melel Pascua#Lv 23.5; Nm 9.1-5; 28.16; Dt 16.1-2; Mt 26.2-29; Mr 14.1-25; Lc 22.1-19; 1 Co 5.7. yu'un te Cajwaltique. 12Te ajc'ubal ya cale ya me xc'axon ta spamal Egipto ta yejch'entesel ta lajel sba-nich'aniletic ta juju-jchajp sna te egipcioetic, soc te sba yalatac te xchamsbalamique. Castigo ya xc'ot ta stojolic spisil te diosetic yu'un Egipto. Jo'on Ajwalilon jtuquel te la cale.
13“Te banti ayex soc te anaic, ja' me ya yac' ta na'el te ch'ich'e. Jich yu'un te c'alal ya xc'ax quejch'entes ta lajel te egipcioetic, ma me ayuc ya xlajex jtuluc te ja'exe. Ja' me ya quil te ch'ich'e, c'axel nax me ya xc'axon tey a. 14Ja' in c'aal to ya me sc'an ya ana'ulayic, ya me apasic muc'ul q'uin jujun ja'wil, yu'un quich'jibal ta muc', jo'on te Ajwalilone. Ja' mandalil sbajt'el q'uinal te ya xc'ax ta stojol ta cajalcaj alnich'anetic. 15Juqueb me c'aal ya awe'ic waj te ma ba yich'oj levadura. Ja' to me ta sba c'aalil bael, ma me ayuc mach'a ay levadura ta sna. Mach'auc me a te ya swe' waj te yich'oj levadura ta sjuquebal c'aal, jc'axel me ya yich' loq'uesel ta atojolic. 16Jich yu'un ta sba c'aalil soc ta sjuquebal c'aal, xchebal me c'aal ch'ul tsoblej awu'unic a. Ma me ayuc at'el a, ja' nax me teme ay chajbanel ya sc'an jtebuc te we'elile. 17Te bi c'aalil ya yich' we'el te waj te ma ba yich'oj levadura,#Ex 23.15; 34.18; Lv 23.6-8; Nm 28.17-25; Dt 16.3-8. jich me xapasulayic. Ja' me sna'jibal te jich c'aalil la jloq'uesex ta Egipto. Jich me xapasulayic, mandalil me sbajt'el q'uinal. Bebe jilel me ta stojol te alnich'anetic awu'unique. 18Ya me awe'ic te waj ma ba yich'oj levadura c'alal ta mal c'aal xchanlajunebal c'aal te sbabial u, ja' to me ta jun xcha'winic (21) yajtalul. 19Ma me ayuc mach'a ay levadura ta sna ta sba c'aalil ja' to c'alal ta sjuquebal c'aal. Mach'auc me a te ya swe' waj te yich'oj levadura, ya me yich' loq'uesel ta atojolic, manchuc me yan lum talem, o teme ja' nix yajwal te lume. 20Jich yu'un ya calbeyex ma me xawe'ic te waj yich'oj levadura. Bayuc ya x'ainex ma me xawe'ic”, uta me —xi' te Diose.
21Te Moisés la sticun ta iq'uel spisil te mamaletic ich'bilic ta muc' yu'un Israel. Jich la yalbey:
—Tsacaic jcojt' chij o tentsun, juju-jcojt' ta swenta juju-jchajp na. Milaic, ya xtuun yu'un te ya yich' pasel a te Pascua. 22Te xch'ich'el ya me ach'amic ta vasija. Tulaic tel sc'ab te hisopo, mulaic ta ch'ich', bonaic a te smarcoil anaique. Ma me ayuc mach'a ya xloc' ta sna c'alal ta sacubel q'uinal. 23Yu'un te c'alal ya xc'ax te Cajwaltic ta yejch'entesel ta lajel te egipcioetic, ja' me ya yil te ch'ich' bonbil a te smarcoil sti'il te nae. Jich me c'axel nax ya xc'ax ta bay te nae. Jich yu'un te Cajwaltic ma xyac' x'och ta anaic te lajele.#Heb 11.28. 24Ya me awich'ic ta muc' te mandalil soc ta cajalcaj bael te alnich'anetique, melel mandalil me sbajt'el q'uinal. 25Te c'alal ochemexix ta bay q'uinal te ya yac'beyex te Cajwaltic te yalojbey sc'oplale, jich me xapasulayic tey a. 26Teme ay ya yalbeyex te awal-anich'nabe: “¿Bi swentail awu'unic?” teme xie, 27cholbeya yaiyic: “Ja' te chambalametic ya jmiltic yu'un te Pascua, swenta yich'jibal ta muc' te Cajwaltique. Ja' sna'jibal te c'alal lajic te sba snich'nabic te egipcioetique. Yan te bay sna te jlumaltic israeletic, c'axel nax c'ax tey stuquel a, jich colotic soc te mach'atic ay cu'untique”, utaic me —xi' te Moisese.
Jich yu'un te israeletic la squejan sbaic ta sc'oponel te Diose. 28Jich bajt'ic ta spasel spisil te bila yaloj te Cajwaltique, jich bit'il albilix mandal ta stojol te Moisés soc te Aarone.
Lajic ba alaletic
29Ta olil ajc'ubal a te Cajwaltic la yejch'entes ta lajel sba snich'anic ta juju-jchajp sna te egipcioetique.#Ex 4.22-23. Spisilic soc te sba snich'an faraón te ya xnajc'aj ta smuc'ul nactijibe, asta te mach'a ay ta chucjibale. Soc uuc te sba yalatac te xchamsbalamique. 30Te faraón soc te sjo'tac ta ajwalil soc spisil te egipcioetic jajch'ic ta ajc'ubal, yu'un chicnaj tulan awetic soc woclajel ta spamal Egipto. Ta spisil naetic laj ba alaletic tey a. 31Jich yu'un ta ajc'ubal nax a, te faraón la sticun ta iq'uel te Moisés soc Aarón, jich la yalbey:
—Baaniquix, loc'aniquix bael ta jlumal. Ic'aiquix bael te alumal israeletique. Baan, ich'aic ta muc' te Awajwalique, jich bit'il yacalex ta yalel. 32Ic'aic me bael te achijic soc te awacaxic te bit'il sc'anoj awo'tanique. Baanic ta ora. Soc albonic wocol uuc a te Diose —xi' te faraón.
33Te egipcioetic jajch'ic ta sujel loq'uel te israeletic te yacuc loc'uquic bael ta ora ta bay slumal, yu'un la scuyic teme ya xlajic ta spisilique. 34Te israeletic la to sc'olic loq'uel smats'ul swajic te ma to pajubenuc, soc te swots'jibale. Spisil la spots bael ta sc'u'ic, la scajanic bael ta snejq'uelic. 35La sc'anbeyic bael egipcioetic te oro soc plata soc c'u'iletic jich bit'il pasotic ta mandal yu'un Moisés. 36Te Cajwaltic la yac'bey ta yo'tanic te egipcioetic te spasemal yo'tanic ya yac'beyic bael israeletic te bila ya sc'anbeyic baele. Jich ay bayal te bila la spojbeyic loq'uel te egipcioetique.#Ex 3.21-22.
Loq'uic bael israeletic ta Egipto
37Te israeletic loq'uic bael ta Ramsés, bajt'ic ta Sucot. Ta spisilic lajunwinic xcha'bajc' ta jmil (600,000) te winiquetic te staojix ya'wilalic ta soldadoile. Ma ba ajtaybil stuquel te antsetic soc te alaletique. 38Ay nix bayal ta jchajp yantic ants-winiquetic bajt'ic soc. Mero bayal te chijetic soc te wacaxetic. 39Ma ba ac'botiquix tiempo xchajbanel loq'uel swe'elic ta scaj te ora tenotic loq'uel yu'un te egipcioetique. La spaq'uic te swajic te ma ba yac'ojbey levadura, te loc' xan tel yu'unic ta Egipto.
40Te israeletic ainic ta Egipto lajuneb xcha'winic xcha'bajc' (430) ja'wil.#Gn 15.13; Gá 3.17. 41Te c'alal nax a ts'aquej te lajuneb xcha'winic xcha'bajc' (430) ja'wile, jich a loq'uic spisil ta Egipto te swinictac te Cajwaltique. 42Ja' in ajc'ubal to, te Cajwaltic yac ta yilel te yac ta loq'uel ta Egipto te israeletique. Te israeletic ya me scanantayic ja' in ajc'ubal to ta swenta yich'el ta muc' te Cajwaltic. Jich me ya spasic bael ta cajalcaj te yal-snich'nabique.
Mandaliletic yu'un Pascua
43Te Cajwaltic, jich la yalbey te Moisés soc Aarón:
—Ja' me mandaliletic yu'un Pascua: Ma me ayuc jtuluc jyanlum ya sti' te milbil chambalame. 44Yan teme abat te manbil ta taq'uine, ya me xju' sti' stuquel teme neel yich'oj circuncisión. 45Ma me ayuc jtuluc jyanlum winic, manchuc me c'axel nax ay, o nainem tey a, o ay ta le-at'el, ma me xju' ya sti' te chambalame. 46Jun nax me na ya yich' ti'el tey a te ti'bale. Ma me xju' ya yich' loq'uesel tel jtebuc ti'bal ta bay te nae, ni sbaqueluc ma me ayuc ta c'asel.#Nm 9.12; Jn 19.36. 47Ja' jich ya spasic ta stsojbolic te israeletique. 48Ja'uc me to, teme ay jyanlum winic nainem ta awolilique, teme ya sc'an spas te q'uin Pascua, te yu'un ya yich' ta muc' a te Cajwaltique, neel xawac'bey yich' circuncisión spisil winiquetic ta sna, jich me jun yo'tan ya xju' ya spas te q'uine, jich bit'il te mach'a mero israel-winique. Teme ma yich'ojuc circuncisión, ma me ayuc jich nax ya sti' te chambalame. 49Te mandalil pajal ay ta ch'uunel yu'un te mach'atic ayinem ta Israel soc te jyanlum winiquetic te ayic ta awolilique#Nm 9.14. —xi' te Diose.
50Spisil israeletic la spasic spisil jich bit'il yalojbey mandal Cajwaltic te Moisés soc te Aarón. 51Ja' me jich c'aalil a te loq'uesot ta Egipto yu'un Cajwaltic ta stsojbol te israeletique.
Iliyochaguliwa sasa
Éxodo 12: TZOXCH
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Biblia en Tzeltal de Oxchuc y Tenejapa © Sociedad Bíblica de México, A.C., 2001.
Éxodo 12
12
Pascua
1Te Cajwaltic la sc'opon ta Egipto te Moisés soc Aarón, jich la yalbey:
2—Ja' in u to muc' me sc'oplal ya xc'ot awu'unic te ja' sbabial u yu'un te ja'wile. 3Albeya ta stsojbol alumal israeletic: “Ta slajunebal c'aal yu'un te u, juju-jtul ta apisilic ya me atsaquic juju-jcojt' chij o tentsun ta chajbalchajp na. 4Teme ma'yuc lec yajwal te jchajp na, te ma xlaj ta ti'el yu'un te chambalame, ya me yic' tel te mach'a nopol ay sna soque, ja' me ya sjoin sba ta sti'el soc. Ya me spucbey sbaic chican jayeb ta jtul ay, soc te jich yipal ya xju' yu'unic sti'ele. 5Te chambalam jujun me ja'wil ya'wilal, stat me, ma'yuc bila boloben ta sbaq'uetal, chican teme chij o tentsun. 6Ya to me scanantayic ja' to me ta xchanlajunebal sc'aalelal te ue. Jich ora ta spisilic juju-jtul israel ya me smilic te chambalam ta mal c'aalil. 7Pachaic me ta ora te xch'ich'el te chambalame, ya me abonic a te smarcoil te na te bay ya ati'ic te chambalame. 8Ta ajc'ubal me, wobil me ta c'ajc' ya ati'ic te ti'bale, te ya sjoin ta tuuntesel awu'unic te ch'aal itaj soc te waj te ma ba yich'oj levadura. 9Ma me ayuc stseel ya ati'ic. Scojt'ol te chambalame, te sjol, te yacan soc spisil bitic ay ta yutil xch'ujt', ya me yich' woel ta c'ajc'. 10Ma me xawijq'uitayic ta swenta yan c'aal. Teme ay to ya xjil jtebuque, ya me achiq'uic. 11Alapoj meix ac'u'ic soc axanabic, soc atsacoj meix anabate' ta ac'abic abi. Ti'aic ta animaltic te sbaq'uetal te chambalame, melel Pascua#Lv 23.5; Nm 9.1-5; 28.16; Dt 16.1-2; Mt 26.2-29; Mr 14.1-25; Lc 22.1-19; 1 Co 5.7. yu'un te Cajwaltique. 12Te ajc'ubal ya cale ya me xc'axon ta spamal Egipto ta yejch'entesel ta lajel sba-nich'aniletic ta juju-jchajp sna te egipcioetic, soc te sba yalatac te xchamsbalamique. Castigo ya xc'ot ta stojolic spisil te diosetic yu'un Egipto. Jo'on Ajwalilon jtuquel te la cale.
13“Te banti ayex soc te anaic, ja' me ya yac' ta na'el te ch'ich'e. Jich yu'un te c'alal ya xc'ax quejch'entes ta lajel te egipcioetic, ma me ayuc ya xlajex jtuluc te ja'exe. Ja' me ya quil te ch'ich'e, c'axel nax me ya xc'axon tey a. 14Ja' in c'aal to ya me sc'an ya ana'ulayic, ya me apasic muc'ul q'uin jujun ja'wil, yu'un quich'jibal ta muc', jo'on te Ajwalilone. Ja' mandalil sbajt'el q'uinal te ya xc'ax ta stojol ta cajalcaj alnich'anetic. 15Juqueb me c'aal ya awe'ic waj te ma ba yich'oj levadura. Ja' to me ta sba c'aalil bael, ma me ayuc mach'a ay levadura ta sna. Mach'auc me a te ya swe' waj te yich'oj levadura ta sjuquebal c'aal, jc'axel me ya yich' loq'uesel ta atojolic. 16Jich yu'un ta sba c'aalil soc ta sjuquebal c'aal, xchebal me c'aal ch'ul tsoblej awu'unic a. Ma me ayuc at'el a, ja' nax me teme ay chajbanel ya sc'an jtebuc te we'elile. 17Te bi c'aalil ya yich' we'el te waj te ma ba yich'oj levadura,#Ex 23.15; 34.18; Lv 23.6-8; Nm 28.17-25; Dt 16.3-8. jich me xapasulayic. Ja' me sna'jibal te jich c'aalil la jloq'uesex ta Egipto. Jich me xapasulayic, mandalil me sbajt'el q'uinal. Bebe jilel me ta stojol te alnich'anetic awu'unique. 18Ya me awe'ic te waj ma ba yich'oj levadura c'alal ta mal c'aal xchanlajunebal c'aal te sbabial u, ja' to me ta jun xcha'winic (21) yajtalul. 19Ma me ayuc mach'a ay levadura ta sna ta sba c'aalil ja' to c'alal ta sjuquebal c'aal. Mach'auc me a te ya swe' waj te yich'oj levadura, ya me yich' loq'uesel ta atojolic, manchuc me yan lum talem, o teme ja' nix yajwal te lume. 20Jich yu'un ya calbeyex ma me xawe'ic te waj yich'oj levadura. Bayuc ya x'ainex ma me xawe'ic”, uta me —xi' te Diose.
21Te Moisés la sticun ta iq'uel spisil te mamaletic ich'bilic ta muc' yu'un Israel. Jich la yalbey:
—Tsacaic jcojt' chij o tentsun, juju-jcojt' ta swenta juju-jchajp na. Milaic, ya xtuun yu'un te ya yich' pasel a te Pascua. 22Te xch'ich'el ya me ach'amic ta vasija. Tulaic tel sc'ab te hisopo, mulaic ta ch'ich', bonaic a te smarcoil anaique. Ma me ayuc mach'a ya xloc' ta sna c'alal ta sacubel q'uinal. 23Yu'un te c'alal ya xc'ax te Cajwaltic ta yejch'entesel ta lajel te egipcioetic, ja' me ya yil te ch'ich' bonbil a te smarcoil sti'il te nae. Jich me c'axel nax ya xc'ax ta bay te nae. Jich yu'un te Cajwaltic ma xyac' x'och ta anaic te lajele.#Heb 11.28. 24Ya me awich'ic ta muc' te mandalil soc ta cajalcaj bael te alnich'anetique, melel mandalil me sbajt'el q'uinal. 25Te c'alal ochemexix ta bay q'uinal te ya yac'beyex te Cajwaltic te yalojbey sc'oplale, jich me xapasulayic tey a. 26Teme ay ya yalbeyex te awal-anich'nabe: “¿Bi swentail awu'unic?” teme xie, 27cholbeya yaiyic: “Ja' te chambalametic ya jmiltic yu'un te Pascua, swenta yich'jibal ta muc' te Cajwaltique. Ja' sna'jibal te c'alal lajic te sba snich'nabic te egipcioetique. Yan te bay sna te jlumaltic israeletic, c'axel nax c'ax tey stuquel a, jich colotic soc te mach'atic ay cu'untique”, utaic me —xi' te Moisese.
Jich yu'un te israeletic la squejan sbaic ta sc'oponel te Diose. 28Jich bajt'ic ta spasel spisil te bila yaloj te Cajwaltique, jich bit'il albilix mandal ta stojol te Moisés soc te Aarone.
Lajic ba alaletic
29Ta olil ajc'ubal a te Cajwaltic la yejch'entes ta lajel sba snich'anic ta juju-jchajp sna te egipcioetique.#Ex 4.22-23. Spisilic soc te sba snich'an faraón te ya xnajc'aj ta smuc'ul nactijibe, asta te mach'a ay ta chucjibale. Soc uuc te sba yalatac te xchamsbalamique. 30Te faraón soc te sjo'tac ta ajwalil soc spisil te egipcioetic jajch'ic ta ajc'ubal, yu'un chicnaj tulan awetic soc woclajel ta spamal Egipto. Ta spisil naetic laj ba alaletic tey a. 31Jich yu'un ta ajc'ubal nax a, te faraón la sticun ta iq'uel te Moisés soc Aarón, jich la yalbey:
—Baaniquix, loc'aniquix bael ta jlumal. Ic'aiquix bael te alumal israeletique. Baan, ich'aic ta muc' te Awajwalique, jich bit'il yacalex ta yalel. 32Ic'aic me bael te achijic soc te awacaxic te bit'il sc'anoj awo'tanique. Baanic ta ora. Soc albonic wocol uuc a te Diose —xi' te faraón.
33Te egipcioetic jajch'ic ta sujel loq'uel te israeletic te yacuc loc'uquic bael ta ora ta bay slumal, yu'un la scuyic teme ya xlajic ta spisilique. 34Te israeletic la to sc'olic loq'uel smats'ul swajic te ma to pajubenuc, soc te swots'jibale. Spisil la spots bael ta sc'u'ic, la scajanic bael ta snejq'uelic. 35La sc'anbeyic bael egipcioetic te oro soc plata soc c'u'iletic jich bit'il pasotic ta mandal yu'un Moisés. 36Te Cajwaltic la yac'bey ta yo'tanic te egipcioetic te spasemal yo'tanic ya yac'beyic bael israeletic te bila ya sc'anbeyic baele. Jich ay bayal te bila la spojbeyic loq'uel te egipcioetique.#Ex 3.21-22.
Loq'uic bael israeletic ta Egipto
37Te israeletic loq'uic bael ta Ramsés, bajt'ic ta Sucot. Ta spisilic lajunwinic xcha'bajc' ta jmil (600,000) te winiquetic te staojix ya'wilalic ta soldadoile. Ma ba ajtaybil stuquel te antsetic soc te alaletique. 38Ay nix bayal ta jchajp yantic ants-winiquetic bajt'ic soc. Mero bayal te chijetic soc te wacaxetic. 39Ma ba ac'botiquix tiempo xchajbanel loq'uel swe'elic ta scaj te ora tenotic loq'uel yu'un te egipcioetique. La spaq'uic te swajic te ma ba yac'ojbey levadura, te loc' xan tel yu'unic ta Egipto.
40Te israeletic ainic ta Egipto lajuneb xcha'winic xcha'bajc' (430) ja'wil.#Gn 15.13; Gá 3.17. 41Te c'alal nax a ts'aquej te lajuneb xcha'winic xcha'bajc' (430) ja'wile, jich a loq'uic spisil ta Egipto te swinictac te Cajwaltique. 42Ja' in ajc'ubal to, te Cajwaltic yac ta yilel te yac ta loq'uel ta Egipto te israeletique. Te israeletic ya me scanantayic ja' in ajc'ubal to ta swenta yich'el ta muc' te Cajwaltic. Jich me ya spasic bael ta cajalcaj te yal-snich'nabique.
Mandaliletic yu'un Pascua
43Te Cajwaltic, jich la yalbey te Moisés soc Aarón:
—Ja' me mandaliletic yu'un Pascua: Ma me ayuc jtuluc jyanlum ya sti' te milbil chambalame. 44Yan teme abat te manbil ta taq'uine, ya me xju' sti' stuquel teme neel yich'oj circuncisión. 45Ma me ayuc jtuluc jyanlum winic, manchuc me c'axel nax ay, o nainem tey a, o ay ta le-at'el, ma me xju' ya sti' te chambalame. 46Jun nax me na ya yich' ti'el tey a te ti'bale. Ma me xju' ya yich' loq'uesel tel jtebuc ti'bal ta bay te nae, ni sbaqueluc ma me ayuc ta c'asel.#Nm 9.12; Jn 19.36. 47Ja' jich ya spasic ta stsojbolic te israeletique. 48Ja'uc me to, teme ay jyanlum winic nainem ta awolilique, teme ya sc'an spas te q'uin Pascua, te yu'un ya yich' ta muc' a te Cajwaltique, neel xawac'bey yich' circuncisión spisil winiquetic ta sna, jich me jun yo'tan ya xju' ya spas te q'uine, jich bit'il te mach'a mero israel-winique. Teme ma yich'ojuc circuncisión, ma me ayuc jich nax ya sti' te chambalame. 49Te mandalil pajal ay ta ch'uunel yu'un te mach'atic ayinem ta Israel soc te jyanlum winiquetic te ayic ta awolilique#Nm 9.14. —xi' te Diose.
50Spisil israeletic la spasic spisil jich bit'il yalojbey mandal Cajwaltic te Moisés soc te Aarón. 51Ja' me jich c'aalil a te loq'uesot ta Egipto yu'un Cajwaltic ta stsojbol te israeletique.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Biblia en Tzeltal de Oxchuc y Tenejapa © Sociedad Bíblica de México, A.C., 2001.