Éxodo 13
13
1Te Cajwaltic, jich la yalbey te Moisés:
2—Ac'bonic spisil te sba anich'anic, melel spisil sba snich'nab te israeletic, ja' me cu'un. Ja' ni me jich spisil te sba yalatac te xchamsbalamique#Nm 3.13; Lc 2.23. —xi' te Diose.
3Te Moisés la yalbey te lume:
—Na'aic me in c'aal to, te bit'il ta swenta smuc'ul yu'el te Cajwaltic te la sloq'uesex tel ta Egipto ta bay ainex ta mozoile. Ma me xawe'ic te waj yich'oj levadura. 4Ja' me loq'uex bael a in c'aal to te u yu'un Abib. 5Jich yu'un ja' ni me te u te ya apasic q'uin yu'un sna'jibal te la yiq'uex bael Cajwaltic ta q'uinal te bay ya ataic te ya x'oquin leche soc chab c'oeme, te bay sq'uinal te cananeoetic, hititaetic, amorreoetic, heveoetic soc te jebuseoetique. Ja' te albil yu'un Cajwaltic te antiguo jme'il-tatiletic te ja' ya xc'otix ta awentaic te ja'exe. 6Juqueb me c'aal ya awe'ic waj te ma ba yich'oj levadura. Jich yu'un te sjuquebal c'aale ya me apasic q'uin a ta swenta yich'jibal ta muc' te Cajwaltique. 7Juqueb me c'aal ya awe'ic waj te ma ba yich'oj levadura. Ta spamal te aq'uinale ma me ayuc jtuluc te ay levadura yu'un, o ay yac'ojbey levadura te swaje. 8Jich me ya awalbeyic a te awal-anich'nabique: “Te bit'il jich ya jpastique, ja' me sna'jibal cu'untic te bila la spas Cajwaltic te la sloq'uesotic tel ta Egipto”, utaic me. 9Jich me c'oem ta awo'tanic te ay smarcail ta ac'abic o ta ati'baique. Jich me ya ana'ic te ja' ya sc'an ya awalic spisil ora te mandaliletic yu'un te Cajwaltique. Melel swenta smuc'ul yu'el sc'ab te la sloq'uesotic tel ta Egipto. 10Jich yu'un ya me sc'an ya yich' pasulayel swenta jujun ja'wil te bit'il nix te mero sc'aalelale.
11“C'alal ya xc'oex tey a ta bay sq'uinal cananeoetic te ya yac'beyex ta ac'abic te Cajwaltique, te bit'il yalojbeyex sc'oplal soc te antiguo ame'-atatique, 12ya me awac'beyic Cajwaltic te sbabial aquerem-nich'anique. Jich nix me te c'alal ya x'ayin yalatac te achambalamic, ja' me yu'un te Cajwaltique.#Lc 2.23. 13Spisil te sba yal te me' burra ya me ajel ta chij o tentsun, ja' me sjelol ya xc'ot. Teme ma jichuc ya awac'bey te Cajwaltique, ya me amilic te ch'in burroe. Jich ni me ya awac'beyic sjelolin chij te sba anich'anic te ya awac'beyic smajt'anin te Cajwaltique. 14Jich bit'il pajel cha'wej, teme ay ya sjojc'obeyex te anich'nabique: “¿Bi swentailuc te jich ya apase?” teme xie, albeya yaiyic: “Ja' me swentail te soc smuc'ul yu'el te Cajwaltic la sloq'uesotic tel ta Egipto te bit'il ayotic ta mozoil tey ae, 15soc te bit'il tulanaj yo'tan te faraón te ma la yac'otic loq'uele. Jich la yich' ejch'entesel ta lajel sba snich'anic te egipcioetic soc te sba yalatac te xchamsbalamique. Ja' me swentail te ya cac'beytic smajt'anin Cajwaltic teme stat te sba yal te jchambalamtic te ja' sjelol ya xc'ot te sba jnich'antique. 16Jich me c'oem te ay smarcail ta jc'abtic o ta jti'batique. Tey me ya ana'ic a te ja'exe, te soc smuc'ul yu'el sc'ab te Cajwaltic la sloq'uesotic tel ta Egipto”, utaic me —xi' te Moisese.
Tocal soc c'ajc'
17C'alal te faraón la yaq'uix loq'uel a te israeletique, ma teyuc la yic' bael Dios a ta bay be ya xc'ax bael ta slumal te filisteoetique, te ja' toj nax bael te jichuque. Ja' la sna' Dios teme ya xchebaj yo'tanic yu'un teme ya yilic ya xjajch' guerra, ya niwan sujt'ic bael ta Egipto yu'un. 18Ja' swentail te la yac'bey spas buelta ta sbelal muc'ul jochol taquin q'uinal te stojol bael Mar Rojo.
Te c'alal loq'uic bael israeletic ta Egipto, xtiq'uet nax loq'uel ta spisilic. 19Te Moisés la yich'bey bael sbaquel te José, yu'unix jich la yal jilel ta jamal a te c'alal cuxul to ae. Jich la yal:
—Ta mero melel ya sta yorail te ya awich'ic loq'uesel bael yu'un te Diose. Jich yu'un te c'alal ya xc'ot ta pasele, ya me awich'bonic loq'uel te jbaquele,#Gn 50.25; Jos 24.32. —xi'.
20Te israeletic loq'uic bael ta Sucot, c'o spasic scampamentoic ta Etam, ja' sti'il te muc'ul jochol taquin q'uinal. 21Ta c'aaleltic la sjoin te Cajwaltic, jich yilel te bit'il balal tocal te yac ta ic'aw ta beel. Ta ajc'ubal balal ta tilel jichuc c'ajc' xojobajem ta lec. Jich ju' yu'unic beel ta c'aal ajc'ubal. 22Te tocale ja' neel ta ic'aw ta c'aaleltic. Ja' nix jich te c'ajq'ue ja' neel ta ic'aw ta ajc'ubal.#Ex 40.34-38; Nm 9.15-23.
Iliyochaguliwa sasa
Éxodo 13: TZOXCH
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Biblia en Tzeltal de Oxchuc y Tenejapa © Sociedad Bíblica de México, A.C., 2001.
Éxodo 13
13
1Te Cajwaltic, jich la yalbey te Moisés:
2—Ac'bonic spisil te sba anich'anic, melel spisil sba snich'nab te israeletic, ja' me cu'un. Ja' ni me jich spisil te sba yalatac te xchamsbalamique#Nm 3.13; Lc 2.23. —xi' te Diose.
3Te Moisés la yalbey te lume:
—Na'aic me in c'aal to, te bit'il ta swenta smuc'ul yu'el te Cajwaltic te la sloq'uesex tel ta Egipto ta bay ainex ta mozoile. Ma me xawe'ic te waj yich'oj levadura. 4Ja' me loq'uex bael a in c'aal to te u yu'un Abib. 5Jich yu'un ja' ni me te u te ya apasic q'uin yu'un sna'jibal te la yiq'uex bael Cajwaltic ta q'uinal te bay ya ataic te ya x'oquin leche soc chab c'oeme, te bay sq'uinal te cananeoetic, hititaetic, amorreoetic, heveoetic soc te jebuseoetique. Ja' te albil yu'un Cajwaltic te antiguo jme'il-tatiletic te ja' ya xc'otix ta awentaic te ja'exe. 6Juqueb me c'aal ya awe'ic waj te ma ba yich'oj levadura. Jich yu'un te sjuquebal c'aale ya me apasic q'uin a ta swenta yich'jibal ta muc' te Cajwaltique. 7Juqueb me c'aal ya awe'ic waj te ma ba yich'oj levadura. Ta spamal te aq'uinale ma me ayuc jtuluc te ay levadura yu'un, o ay yac'ojbey levadura te swaje. 8Jich me ya awalbeyic a te awal-anich'nabique: “Te bit'il jich ya jpastique, ja' me sna'jibal cu'untic te bila la spas Cajwaltic te la sloq'uesotic tel ta Egipto”, utaic me. 9Jich me c'oem ta awo'tanic te ay smarcail ta ac'abic o ta ati'baique. Jich me ya ana'ic te ja' ya sc'an ya awalic spisil ora te mandaliletic yu'un te Cajwaltique. Melel swenta smuc'ul yu'el sc'ab te la sloq'uesotic tel ta Egipto. 10Jich yu'un ya me sc'an ya yich' pasulayel swenta jujun ja'wil te bit'il nix te mero sc'aalelale.
11“C'alal ya xc'oex tey a ta bay sq'uinal cananeoetic te ya yac'beyex ta ac'abic te Cajwaltique, te bit'il yalojbeyex sc'oplal soc te antiguo ame'-atatique, 12ya me awac'beyic Cajwaltic te sbabial aquerem-nich'anique. Jich nix me te c'alal ya x'ayin yalatac te achambalamic, ja' me yu'un te Cajwaltique.#Lc 2.23. 13Spisil te sba yal te me' burra ya me ajel ta chij o tentsun, ja' me sjelol ya xc'ot. Teme ma jichuc ya awac'bey te Cajwaltique, ya me amilic te ch'in burroe. Jich ni me ya awac'beyic sjelolin chij te sba anich'anic te ya awac'beyic smajt'anin te Cajwaltique. 14Jich bit'il pajel cha'wej, teme ay ya sjojc'obeyex te anich'nabique: “¿Bi swentailuc te jich ya apase?” teme xie, albeya yaiyic: “Ja' me swentail te soc smuc'ul yu'el te Cajwaltic la sloq'uesotic tel ta Egipto te bit'il ayotic ta mozoil tey ae, 15soc te bit'il tulanaj yo'tan te faraón te ma la yac'otic loq'uele. Jich la yich' ejch'entesel ta lajel sba snich'anic te egipcioetic soc te sba yalatac te xchamsbalamique. Ja' me swentail te ya cac'beytic smajt'anin Cajwaltic teme stat te sba yal te jchambalamtic te ja' sjelol ya xc'ot te sba jnich'antique. 16Jich me c'oem te ay smarcail ta jc'abtic o ta jti'batique. Tey me ya ana'ic a te ja'exe, te soc smuc'ul yu'el sc'ab te Cajwaltic la sloq'uesotic tel ta Egipto”, utaic me —xi' te Moisese.
Tocal soc c'ajc'
17C'alal te faraón la yaq'uix loq'uel a te israeletique, ma teyuc la yic' bael Dios a ta bay be ya xc'ax bael ta slumal te filisteoetique, te ja' toj nax bael te jichuque. Ja' la sna' Dios teme ya xchebaj yo'tanic yu'un teme ya yilic ya xjajch' guerra, ya niwan sujt'ic bael ta Egipto yu'un. 18Ja' swentail te la yac'bey spas buelta ta sbelal muc'ul jochol taquin q'uinal te stojol bael Mar Rojo.
Te c'alal loq'uic bael israeletic ta Egipto, xtiq'uet nax loq'uel ta spisilic. 19Te Moisés la yich'bey bael sbaquel te José, yu'unix jich la yal jilel ta jamal a te c'alal cuxul to ae. Jich la yal:
—Ta mero melel ya sta yorail te ya awich'ic loq'uesel bael yu'un te Diose. Jich yu'un te c'alal ya xc'ot ta pasele, ya me awich'bonic loq'uel te jbaquele,#Gn 50.25; Jos 24.32. —xi'.
20Te israeletic loq'uic bael ta Sucot, c'o spasic scampamentoic ta Etam, ja' sti'il te muc'ul jochol taquin q'uinal. 21Ta c'aaleltic la sjoin te Cajwaltic, jich yilel te bit'il balal tocal te yac ta ic'aw ta beel. Ta ajc'ubal balal ta tilel jichuc c'ajc' xojobajem ta lec. Jich ju' yu'unic beel ta c'aal ajc'ubal. 22Te tocale ja' neel ta ic'aw ta c'aaleltic. Ja' nix jich te c'ajq'ue ja' neel ta ic'aw ta ajc'ubal.#Ex 40.34-38; Nm 9.15-23.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Biblia en Tzeltal de Oxchuc y Tenejapa © Sociedad Bíblica de México, A.C., 2001.