Éxodo 18
18
Jetro tal yula'tay Moisés
1Te Jetro te sacerdote yu'un te madianetique, te snialmamal te Moisés, la yaiy stojol spisil te bitic la spas Dios soc Moisés soc te lum Israel te bit'il la yich' loq'uesel tel ta Egipto yu'un te Cajwaltique. 2Te Moisés wojey cha'jeyix te la sticun bael ta sna stat te yinam, ja' te Séfora sbiile. Te Jetro jich jun yo'tan la yic' sjoin soc 3te cheb yalataque.#Hch 7.29. Te jtule Gersón sbiil, yu'un la yal te Moisés: “Jyanlum winicon li'to”,#Ex 2.21-22. xi'. 4Te yane Eliezer sbiil, melel la yal xan: “Te Dios yu'un te jme'-jtate la scoltayon, ma la yac'on ta milel yu'un faraón”, xi'.
5Tey spasoj scampamento Moisés ta jochol taquin q'uinal ta bay sts'eel te wits yu'un te Diose. Tey bajt' a te Jetro, sjoinejbey bael te yinam te Moisés soc te cheb alaletic yu'une. 6Jich c'o yalbey te Moisés:
—Jo'on te anialmamalone. Tal quilat soc te awinam soc te cheb anich'nabe —xi' coel.
7Te Moisés loc' spatbey yo'tan te snialmamale, la squejan sba ta stojol soc la sbujts'iy. C'alal laj yo'tan ta spatbeyel sba yo'tan soc, ochic bael ta snailpac'. 8Te Moisés la xcholbey yaiy snialmamal ta spisil te bitic la spas Cajwaltic ta stojol te faraón, soc ta stojol te egipcioetic, ta xc'uxtayel te lum Israel. La yalbey xan spisil te swocolic te c'ot ta pasel ta be, soc spisil te bila la spasix Cajwaltic ta swenta scoltayelic.
9Te Jetro bin nax yo'tan yu'un te mero bayal yutsil yo'tan Dios te la yac'bey yil te israeletic te bit'il la scoltay loq'uel ta sc'ab te egipcioetique. 10Jich la yal:
—Bin nax yutsil te Cajwaltic te la scoltayex ja'ex te israelexe. La sloq'uesex ta sc'ab faraón soc te egipcioetic te ma'yuc ac'oplal ta yo'tanique. 11Ta ora to c'otix ta co'tan te mero muc' te Cajwaltique, ma'yuc bay yan diosetic ya spaj, melel te bit'il c'an stoy sbaic te egipcioetique, ma ju' yu'unic —xi'.
12Te Jetro te snialmamal Moisés la stsac jcojt' chambalam yu'un ya smil soc ya xchic'bey smajt'anin te Diose, soc yan milbil majt'aniletic la yac'. Te Aarón soc spisil te mamaletic ich'bilic ta muc' yu'un Israel, la sjoinic ta we'el te snialmamal Moisés ta stojol te Diose.
Moisés la sle jwentainwanejetic
(Dt 1.9-18)
13Ta yan c'aalil te Moisés la snajc'an sba ta xchajbanel aiyejetic yu'un te israeletique. Ta buen sab to a teq'uelic ta smaliyel te lume, ja' to c'alal mal c'aal. 14Ja'uc me to, la yil te snialmamal Moisés ta spisil bila yacal ta spasel soc te lume, jich la yalbey:
—¿Bi ya apas soc te lume? ¿Bistuc te atuquel nacalat ta chajbanwanej? Melel spisil te lum yacalic ta maliywanej ta sacubel q'uinal c'alal ta smalel c'aal —xi'.
15Te Moisés la sjac':
—Te lume ya xtal yilonic te bit'il ay bila ya xtal sjojc'oyic ta stojol Dios. 16Te c'alal ay c'opetic yu'unic, jich ya xtalic ta jtojol. Jich ya jchajban ta juju-jtul te mach'a melel ya xc'opoje. Jich ya cac'bey sna'ic te bila ya sc'an ya spasic ta stojol Dios soc te p'ijtesel yu'une —xi'.
17Jich yu'un te snialmamal te Moisés la yal:
—Ma lecuc te bila ya apase, 18ya me xlubat te ja'ate. Soc ya me xlub uuc te lum te ya smaliyate. Melel te at'ele muc' te ya xtal ta atojole, ma me xju' awu'un spasel atuquel. 19Aiybon awaiy stojol te consejo ya calbate. Ja' me ya scoltayat ta spasel te Diose. Ja'at me ya atejc'an aba ta c'op ta stojol Dios ta swenta te lume. Jich yu'un ja'at ya awac'bey ta sc'ab Dios te c'opetic yu'unique. 20Ya me awac'bey sna'ic te bila ya sc'an ya spasic ta stojol Dios soc te p'ijtesel yu'une, soc ac'beya sna'ic te bit'il ya sc'an ya x'ainic ta q'uinal soc te bitic ya sc'an ya spasique. 21Te ja'ate ya me atsa ta yolilic te alumal, winiquetic te ay sp'ijilic te yich'ojic ta muc' te Diose, te jun yo'tanic, soc te ma taq'uinuc sna'oj ta yo'tanique. Ac'beya yat'elic ta swentainel ta tsojboltsojp ta jmil (1000), ta jo'winic (100), ta lajuneb yoxwinic (50) soc ta lajuntul. 22Ja'ic me ac'a xchajbanic te lum ta spisil ora. Ta bay muc'ul c'opetic, ac'a yich'ic tel ta atojol. Yan te bay peq'uel sc'oplal, ac'a xchajbanic stuquelic. Jich me ya xcolat yu'un te ijc'atsil te ay ta awentae, ja' me ya scoltayat ta xcuchel c'oem. 23Teme ya ac'otes ta pasel in to, soc teme jich nix mandal yu'un te Diose, jich me ya xju' awu'un. Te lum jich me bin nax yo'tanic ya xbajt'ic ta snaic —xi' te Jetroe.
24Te Moisés la xch'uunbey sc'op te snialmamale. La sc'otes ta pasel spisil te bila la yale. 25La stsa winiquetic ta bay p'ijic ta yolil te israeletique. La yac'bey ta swentaic ta tsojboltsojp ta jmil (1000), ta jo'winic (100), ta lajuneb yoxwinic (50) soc ta lajuntul. 26Ja'ic la yaiyic chajbanwanej spisil ora. Ta bay mero chujc'ul te c'opetique, ba yaq'uic ta stojol Moisés. Spisil te bay peq'uel sc'oplale, la xchajbanic stuquelic. 27Te snialmamal te Moisés la spatbey jilel yo'tan, sujt' bael ta slumal.
Iliyochaguliwa sasa
Éxodo 18: TZOXCH
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Biblia en Tzeltal de Oxchuc y Tenejapa © Sociedad Bíblica de México, A.C., 2001.
Éxodo 18
18
Jetro tal yula'tay Moisés
1Te Jetro te sacerdote yu'un te madianetique, te snialmamal te Moisés, la yaiy stojol spisil te bitic la spas Dios soc Moisés soc te lum Israel te bit'il la yich' loq'uesel tel ta Egipto yu'un te Cajwaltique. 2Te Moisés wojey cha'jeyix te la sticun bael ta sna stat te yinam, ja' te Séfora sbiile. Te Jetro jich jun yo'tan la yic' sjoin soc 3te cheb yalataque.#Hch 7.29. Te jtule Gersón sbiil, yu'un la yal te Moisés: “Jyanlum winicon li'to”,#Ex 2.21-22. xi'. 4Te yane Eliezer sbiil, melel la yal xan: “Te Dios yu'un te jme'-jtate la scoltayon, ma la yac'on ta milel yu'un faraón”, xi'.
5Tey spasoj scampamento Moisés ta jochol taquin q'uinal ta bay sts'eel te wits yu'un te Diose. Tey bajt' a te Jetro, sjoinejbey bael te yinam te Moisés soc te cheb alaletic yu'une. 6Jich c'o yalbey te Moisés:
—Jo'on te anialmamalone. Tal quilat soc te awinam soc te cheb anich'nabe —xi' coel.
7Te Moisés loc' spatbey yo'tan te snialmamale, la squejan sba ta stojol soc la sbujts'iy. C'alal laj yo'tan ta spatbeyel sba yo'tan soc, ochic bael ta snailpac'. 8Te Moisés la xcholbey yaiy snialmamal ta spisil te bitic la spas Cajwaltic ta stojol te faraón, soc ta stojol te egipcioetic, ta xc'uxtayel te lum Israel. La yalbey xan spisil te swocolic te c'ot ta pasel ta be, soc spisil te bila la spasix Cajwaltic ta swenta scoltayelic.
9Te Jetro bin nax yo'tan yu'un te mero bayal yutsil yo'tan Dios te la yac'bey yil te israeletic te bit'il la scoltay loq'uel ta sc'ab te egipcioetique. 10Jich la yal:
—Bin nax yutsil te Cajwaltic te la scoltayex ja'ex te israelexe. La sloq'uesex ta sc'ab faraón soc te egipcioetic te ma'yuc ac'oplal ta yo'tanique. 11Ta ora to c'otix ta co'tan te mero muc' te Cajwaltique, ma'yuc bay yan diosetic ya spaj, melel te bit'il c'an stoy sbaic te egipcioetique, ma ju' yu'unic —xi'.
12Te Jetro te snialmamal Moisés la stsac jcojt' chambalam yu'un ya smil soc ya xchic'bey smajt'anin te Diose, soc yan milbil majt'aniletic la yac'. Te Aarón soc spisil te mamaletic ich'bilic ta muc' yu'un Israel, la sjoinic ta we'el te snialmamal Moisés ta stojol te Diose.
Moisés la sle jwentainwanejetic
(Dt 1.9-18)
13Ta yan c'aalil te Moisés la snajc'an sba ta xchajbanel aiyejetic yu'un te israeletique. Ta buen sab to a teq'uelic ta smaliyel te lume, ja' to c'alal mal c'aal. 14Ja'uc me to, la yil te snialmamal Moisés ta spisil bila yacal ta spasel soc te lume, jich la yalbey:
—¿Bi ya apas soc te lume? ¿Bistuc te atuquel nacalat ta chajbanwanej? Melel spisil te lum yacalic ta maliywanej ta sacubel q'uinal c'alal ta smalel c'aal —xi'.
15Te Moisés la sjac':
—Te lume ya xtal yilonic te bit'il ay bila ya xtal sjojc'oyic ta stojol Dios. 16Te c'alal ay c'opetic yu'unic, jich ya xtalic ta jtojol. Jich ya jchajban ta juju-jtul te mach'a melel ya xc'opoje. Jich ya cac'bey sna'ic te bila ya sc'an ya spasic ta stojol Dios soc te p'ijtesel yu'une —xi'.
17Jich yu'un te snialmamal te Moisés la yal:
—Ma lecuc te bila ya apase, 18ya me xlubat te ja'ate. Soc ya me xlub uuc te lum te ya smaliyate. Melel te at'ele muc' te ya xtal ta atojole, ma me xju' awu'un spasel atuquel. 19Aiybon awaiy stojol te consejo ya calbate. Ja' me ya scoltayat ta spasel te Diose. Ja'at me ya atejc'an aba ta c'op ta stojol Dios ta swenta te lume. Jich yu'un ja'at ya awac'bey ta sc'ab Dios te c'opetic yu'unique. 20Ya me awac'bey sna'ic te bila ya sc'an ya spasic ta stojol Dios soc te p'ijtesel yu'une, soc ac'beya sna'ic te bit'il ya sc'an ya x'ainic ta q'uinal soc te bitic ya sc'an ya spasique. 21Te ja'ate ya me atsa ta yolilic te alumal, winiquetic te ay sp'ijilic te yich'ojic ta muc' te Diose, te jun yo'tanic, soc te ma taq'uinuc sna'oj ta yo'tanique. Ac'beya yat'elic ta swentainel ta tsojboltsojp ta jmil (1000), ta jo'winic (100), ta lajuneb yoxwinic (50) soc ta lajuntul. 22Ja'ic me ac'a xchajbanic te lum ta spisil ora. Ta bay muc'ul c'opetic, ac'a yich'ic tel ta atojol. Yan te bay peq'uel sc'oplal, ac'a xchajbanic stuquelic. Jich me ya xcolat yu'un te ijc'atsil te ay ta awentae, ja' me ya scoltayat ta xcuchel c'oem. 23Teme ya ac'otes ta pasel in to, soc teme jich nix mandal yu'un te Diose, jich me ya xju' awu'un. Te lum jich me bin nax yo'tanic ya xbajt'ic ta snaic —xi' te Jetroe.
24Te Moisés la xch'uunbey sc'op te snialmamale. La sc'otes ta pasel spisil te bila la yale. 25La stsa winiquetic ta bay p'ijic ta yolil te israeletique. La yac'bey ta swentaic ta tsojboltsojp ta jmil (1000), ta jo'winic (100), ta lajuneb yoxwinic (50) soc ta lajuntul. 26Ja'ic la yaiyic chajbanwanej spisil ora. Ta bay mero chujc'ul te c'opetique, ba yaq'uic ta stojol Moisés. Spisil te bay peq'uel sc'oplale, la xchajbanic stuquelic. 27Te snialmamal te Moisés la spatbey jilel yo'tan, sujt' bael ta slumal.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Biblia en Tzeltal de Oxchuc y Tenejapa © Sociedad Bíblica de México, A.C., 2001.