ᤋᤥᤗᤡᤱᤛᤥᤔᤢ 13

ᤀᤒᤪᤠᤶᤔᤡᤴ ᤏᤢ ᤗᤢᤋᤧᤴ ᤛᤧᤴᤇᤡ᤹

1ᤂᤧᤸᤗᤧᤆᤥᤃᤢᤸᤗᤧ ᤀᤒᤪᤠᤶᤔᤡᤴ. ᤁᤢᤜᤡᤶᤛᤠᤔᤧᤴ ᤜᤧᤰᤁᤩᤠᤱ ᤂᤢᤏᤧ᤹ ᤁᤳᤋᤢᤒᤠ ᤁᤧᤖᤧᤰ ᤆᤡᤃᤰᤘᤠᤜᤠ᤹ᤏᤢ ᤗᤢᤋᤧᤴ ᤕᤠᤱᤛᤡᤱᤅᤠᤱ ᤔᤡᤛᤪᤗᤠᤶ ᤌᤠᤛᤡᤱᤅᤠᤱ ᤏᤣᤃᤣᤒ ᤗᤠᤈᤣ᤹ᤀᤥ ᤌᤠᤅᤧ॥ 2ᤕᤖᤡᤰ ᤜᤡᤶᤌᤰᤛᤠ ᤏᤢ ᤛᤠᤶᤔᤩᤠᤱ ᤕᤢᤵᤐᤠ ᤁᤳᤋᤢᤒᤠᤸᤗᤧ ᤆᤥᤃᤢᤸᤗᤧ ᤀᤒᤪᤠᤶᤔᤡᤴ ᤆᤠ᤹ᤖᤡᤰ ᤕᤠᤱᤛᤠᤁᤢᤴᤎᤣᤛᤠᤒᤠ ᤐᤥ᤺ᤰᤂᤧᤀᤠᤱ ᤘᤕᤧ॥

3ᤂᤢᤏᤧ᤹ ᤏᤣᤃᤣᤒᤗᤠᤶ ᤕᤖᤡᤰ ᤋᤧᤴᤜᤠ᤹ᤀᤥ ᤆᤳᤇᤡᤱᤗ ᤐᤣ᤺ᤸᤗᤧ ᤋᤃᤡ ᤒᤣᤌᤣᤗ ᤏᤢ ᤀᤤᤖᤧ ᤁᤢᤗᤢᤶᤔᤥ ᤂᤢᤏᤧ᤹ ᤛᤠ᤺ᤱᤃᤠᤜᤡᤶ ᤂᤡᤱᤛᤢᤀᤠᤱ ᤏᤧᤛ᤻ᤛᤧᤒᤠᤍᤧᤴᤏᤥ ᤁᤧᤖᤧ. 4ᤜᤧᤰᤁᤩᤠᤱ ᤀᤠᤶᤓᤠ ᤁᤴ ᤋᤧᤴᤏᤥ ᤀᤒᤪᤠᤶᤔᤡᤸᤗᤧ ᤋᤃᤡ ᤗᤧᤳᤋᤡ ᤋᤥ᤺ᤶᤔᤠᤍᤧᤴ ᤆᤥᤃᤢᤀᤠᤱ ᤏᤧᤛ᤻ᤛᤧ॥ ᤂᤧ᤹ᤕᤥ ᤀᤒᤪᤠᤶᤔᤡᤸᤗᤧ ᤕᤜᤘᤣ ᤍᤠᤱᤒᤠᤴ ᤐᤣᤗᤡ ᤑᤠᤰᤋᤢ॥

5ᤀᤒᤪᤠᤶᤔᤡᤴᤏᤢ ᤛᤥᤖᤡᤰ ᤁᤧᤒᤣ᤺ᤰᤐᤠ ᤗᤢᤋᤖᤧᤀᤠᤱ ᤔᤧᤸᤗᤢᤰ ᤔᤧ᤺ᤴᤍᤠᤜᤠ᤹ ᤏᤢ ᤐᤡᤳᤜᤠ᤹ ᤁᤳᤋᤢᤛᤡ ᤜᤧᤰᤁᤩᤠᤱ ᤛᤠ᤺ᤱᤃᤠᤜᤡᤶᤜᤠ᤹ᤀᤠᤱ ᤁᤳᤋᤢ॥ 6ᤂᤢᤴᤇᤡ᤹ ᤏᤧᤵᤈᤠᤱ ᤛᤥᤛᤥᤖᤡᤰ ᤕᤢᤱᤔᤠᤖᤧ ᤗᤠᤃᤡ ᤗᤠᤈᤣ᤺ᤸᤗᤧ ᤔᤧᤍᤧᤰᤋᤢᤴᤇᤡᤴ. ᤌᤣᤀᤠᤱᤓᤧᤸᤗᤧ ᤂᤢᤴᤇᤡ᤹ ᤔᤧᤸᤗᤢᤰ ᤔᤧ᤺ᤴᤍᤠᤰᤜᤠ᤹ ᤏᤢ ᤐᤡᤳᤜᤠ᤹ ᤆᤠ᤹ᤖᤡᤰ ᤕᤸᤗᤡᤰ ᤔᤧᤘᤕᤧ. ᤜᤧᤰᤁᤣ᤺ᤸᤗᤧ ᤂᤧᤱᤜᤠ᤹ ᤛᤥᤖᤡᤰ ᤘᤠ᤹ᤔᤠ ᤔᤧᤴᤇᤢᤰᤔᤏᤠ ᤐᤥ᤺ᤰᤂᤧᤇᤡ॥ 7ᤀᤒᤪᤠᤶᤔᤡᤴ ᤏᤢ ᤗᤢᤋᤧᤸᤗᤧ ᤂᤢᤴᤇᤡ᤹ ᤐᤡᤳ ᤔᤧ᤺ᤴᤍᤠ ᤁᤧᤃᤶᤒᤠᤜᤠ᤹ᤖᤧ ᤂᤢᤏᤡ᤹ ᤗᤢᤶᤔᤥ ᤂᤧᤔᤠ᤹ᤀᤠᤱ ᤐᤥ᤺ᤰᤛᤧ॥ ᤂᤧᤴ ᤕᤧᤶᤔᤥ ᤂᤧᤴ ᤗᤠᤈᤣ᤹ᤀᤥ ᤁᤏᤠᤏᤡᤜᤠ᤹ ᤏᤢ ᤐᤖᤡᤈ᤻ᤈᤡᤜᤠ᤹ᤀᤠᤱ ᤔᤧᤕᤢᤅᤧ॥

8ᤂᤧᤸᤗᤧᤆᤥᤃᤢᤸᤗᤧ ᤀᤒᤪᤠᤶᤔᤡᤸᤗᤧ ᤗᤢᤋᤧᤴ ᤔᤧᤳᤋᤢ “ᤂᤧᤏᤧ᤹ ᤏᤢ ᤀᤠᤴᤇᤡ᤹ ᤗᤢᤶᤔᤥ ᤜᤧᤰᤁᤩᤠᤱ ᤂᤧᤏᤧ᤹ ᤁᤧᤒᤡᤳ ᤁᤧᤔᤧ᤺ᤴᤍᤠᤰ ᤁᤧᤃᤶᤒᤠᤜᤠ᤹ ᤏᤢ ᤀᤠᤱᤃᤠ᤹ ᤀᤠᤒᤡᤳ ᤀᤠᤔᤧ᤺ᤴᤍᤠᤰ ᤀᤥᤃᤧᤔᤧᤵᤐᤠᤜᤠ᤹ᤖᤧ ᤂᤢᤏᤡ᤹ ᤗᤢᤶᤔᤥ ᤂᤧᤔᤠ᤹ ᤆᤥᤃᤡ ᤔᤣ᤺ᤴ. ᤌᤣᤀᤠᤱᤓᤧᤸᤗᤧ ᤀᤠᤴᤇᤡ᤹ᤃ ᤏᤡ᤺ᤳᤋᤠᤱᤒᤠ ᤁᤠ᤹ᤀᤡ ᤀᤠᤎᤠᤵᤛᤡ॥ 9ᤁᤧᤖᤧᤰ ᤗᤠᤈᤣᤴ ᤂᤧᤏᤧ᤹ ᤁᤧᤍᤃᤠᤱᤅᤣ ᤏᤧ᤹᤺॥ ᤀᤠᤴᤇᤡ᤹ ᤛᤧᤛᤡ॥ ᤂᤧᤏᤧ᤹ ᤑᤧᤱᤘᤠ ᤗᤧᤵᤔᤠᤱ ᤁᤧᤒᤣ᤺ᤰᤏᤡᤑᤠᤃᤪ ᤀᤠᤱᤃᤠ᤹ ᤆᤢᤰᤘᤠ ᤗᤧᤵᤔᤠᤱ ᤐᤣ᤺ᤰᤁᤠ. ᤂᤧᤏᤧ᤹ ᤆᤢᤰᤘᤠ ᤗᤧᤵᤔᤠᤱ ᤁᤧᤒᤣ᤺ᤰᤏᤡᤑᤠᤃᤪ ᤀᤠᤱᤃᤠ᤹ ᤑᤧᤱᤘᤠ ᤗᤧᤵᤔᤠᤱ ᤐᤣ᤺ᤰᤁᤠ॥”

10ᤗᤢᤋᤧᤸᤗᤧ ᤁᤢᤔᤡᤰᤁᤡᤴ ᤂᤡᤖᤡ ᤜᤡᤛᤢᤀᤠᤱ ᤀᤥᤔᤧᤳᤋᤢ. ᤜᤧᤰᤁᤩᤠᤱ ᤛᤥᤀᤖ ᤗᤧᤵᤔᤠᤱᤒᤠ ᤕᤷᤍᤏᤒᤠ ᤁᤧᤖᤧᤰ ᤋᤧᤶᤒᤣ᤺ᤴ ᤏᤡᤛᤢ॥ ᤕᤜᤘᤣ ᤍᤠᤱᤒᤠᤸᤗᤧ ᤁᤢᤓᤢᤱᤀᤡᤰ#᥇᥉:᥇᥆ ᤕᤜᤘᤣ ᤍᤠᤱᤒᤠᤸᤗᤧ ᤁᤢᤓᤢᤱᤀᤡᤰ—ᤁᤸᤗᤧ ᤀᤍᤏ ᤑᤢᤱᤀᤡᤰᤁᤧᤸᤗᤧ ᤁᤢᤕᤠ᤺ᤶᤒᤣᤀᤥ ᤐᤠ᤺ᤳᤋᤢ᤹॥ ᤀᤡᤃᤪ ᤔᤡᤛᤪ ᤗᤠᤈᤣᤴ ᤜᤧᤰᤁᤣ ᤂᤧᤴ ᤁᤧᤖᤧᤰ ᤆᤫᤠ᤺ᤳᤋᤡᤸᤗᤧ ᤘᤓᤡ᤺ᤴᤍᤢᤀᤠᤱ ᤏᤧᤛ᤻ᤛᤧ॥ (ᤁᤱᤃ ᤕᤜᤘᤣ ᤍᤠᤱᤒᤠᤸᤗᤧ ᤛᤍᤥᤔ ᤏᤢ ᤃᤔᤥᤖᤠ ᤐᤠᤱᤈᤢᤶᤔᤡᤴ ᤔᤧᤱᤔᤠᤏᤢ᤺ᤸᤗᤧ ᤋᤃᤡᤒᤠ ᤐᤠ᤺ᤴᤗᤥ॥) #ᤋᤥᤗᤡᤱ ᥈:᥇᥆ 11ᤂᤧᤸᤗᤧᤆᤥᤃᤢᤸᤗᤧ ᤗᤢᤋᤧᤸᤗᤧ ᤕᤷᤍᤏᤒᤠ ᤁᤠᤰ ᤋᤧᤶᤒᤣ᤺ᤴ ᤛᤣᤃᤢᤀᤠᤱ ᤏᤠᤶᤃᤧᤳ ᤐᤡᤛᤠᤱ ᤌᤠᤛᤡᤱ॥ ᤀᤰᤂᤣᤗ᤹ᤖᤡᤰ ᤂᤧᤴ ᤏᤧᤳᤇᤡ ᤔᤏᤠᤜᤠ᤹ ᤛᤧᤴᤍᤧᤇᤡ॥ 12ᤀᤒᤪᤠᤶᤔᤡᤴ ᤁᤏᤠᤏ ᤗᤠᤈᤣ᤹ᤀᤥᤀᤣ ᤕᤢᤅᤧᤗᤠᤖᤧ. ᤗᤢᤋᤧᤱᤃ ᤋᤧᤶᤒᤣ᤹ᤀᤥ ᤁᤧᤏᤧᤒᤠ ᤕᤧᤰᤕᤰᤜᤠ᤹ᤀᤥ ᤕᤢᤅᤧ॥ ᤜᤧᤰᤁᤩᤠᤱ ᤂᤧᤸᤗᤧ ᤛᤍᤥᤔ ᤕᤧᤰᤕᤰᤁᤡᤸᤗᤧ ᤁᤢᤒᤣᤛᤠᤱ ᤛᤠ᤺ᤱᤃᤠᤜᤡᤶ ᤂᤡᤱᤛᤢ॥ 13ᤛᤍᤥᤔᤒᤠ ᤔᤏᤠᤜᤠ᤹ ᤁᤢ᤹ᤀᤡᤁᤧᤓᤧᤶᤒᤠ ᤔᤧᤈᤥᤃᤧ. ᤜᤧᤰᤁᤩᤠᤱ ᤕᤜᤘᤣ ᤍᤠᤱᤒᤠᤸᤗᤧ ᤁᤢᤍᤰᤗᤧᤱᤘᤠᤀᤥ ᤆᤠ᤹ᤖᤡᤰ ᤗᤠᤕᤥ ᤔᤧᤈᤥᤃᤢ॥

ᤀᤒᤪᤠᤶᤔᤡᤴ ᤜᤣᤒᤪᤥᤏ ᤐᤣᤰ

14ᤗᤢᤋᤧᤴ ᤛᤧᤴᤍᤧᤒᤣᤀᤠᤱ ᤕᤜᤘᤣ ᤍᤠᤱᤒᤠᤸᤗᤧ ᤀᤒᤪᤠᤶᤔᤡᤴ ᤔᤧᤳᤋᤢ. “ᤂᤧᤏᤧ᤹ ᤁᤧᤕᤧᤵᤐᤠ ᤋᤧᤴᤏᤥᤗᤠᤶ ᤁᤧᤔᤡᤰᤁᤡᤴ ᤜᤡᤛᤧ᤹ᤀᤠᤱ ᤌᤠᤱᤃᤧᤳ ᤏᤢ ᤗᤠᤱᤃᤧᤳ. ᤏᤠᤶᤃᤧᤴ ᤏᤢ ᤏᤠᤶᤎᤠ ᤁᤧᤖᤧᤰ ᤐᤡᤛᤠᤱ ᤀᤥᤔᤳᤋᤧ᤹॥ 15ᤌᤣᤀᤠᤱᤓᤧᤸᤗᤧ ᤂᤧᤏᤧ᤹ ᤁᤧᤏᤡᤛᤢᤒᤠ ᤁᤧᤖᤧᤰ ᤋᤧᤴᤜᤠ᤹ ᤂᤧᤏᤧ᤹ ᤏᤢ ᤁᤧᤔᤢ᤹ᤀᤡᤍᤠᤱᤛᤠᤜᤠ᤹ ᤛᤍᤠᤍᤡᤱᤗᤧ ᤗᤠᤃᤡ ᤐᤡᤏᤡᤱ॥ #ᤛᤣ᤺ᤰᤕᤢᤰ ᥍:᥋ 16ᤀᤠᤱᤃᤠ᤹ ᤁᤧᤔᤢ᤹ᤀᤡᤍᤠᤱᤛᤠᤜᤠ᤹ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤂᤠᤶᤓᤢᤋᤪᤠᤴ ᤁᤢᤀᤡᤛᤡᤰ ᤑᤥᤛᤢᤱᤛᤡᤱ᤹॥ ᤁᤢᤓᤠᤖᤧ ᤂᤠᤶᤓᤢᤋᤪᤠᤴ ᤏᤡ᤺ᤵᤔᤠ ᤔᤧᤛᤢᤰᤋᤢᤏᤧᤓᤃᤪ ᤂᤧᤏᤧ᤹ ᤁᤧᤔᤢ᤹ᤀᤡᤍᤠᤱᤛᤠᤜᤠ᤹ᤀᤠᤱ ᤏᤡ᤺ᤵᤔᤠ ᤔᤧᤛᤢᤰᤋᤢᤛᤡᤖᤥ॥ 17ᤀᤠᤸᤗ ᤐᤥᤃᤧ᤹. ᤜᤧᤰᤁᤩᤠᤱ ᤗᤠᤈᤣ᤹ᤀᤥ ᤁᤧᤖᤧᤰ ᤐᤡᤛᤠᤱ ᤐᤣᤃᤧ᤹. ᤌᤣᤀᤠᤱᤓᤧᤸᤗᤧ ᤀᤠᤱᤃᤠ᤹ ᤂᤧᤴ ᤂᤧᤏᤧ᤹ ᤐᤡᤏᤧᤖᤥ॥”

18ᤂᤧᤒᤩᤠᤱ ᤀᤒᤪᤠᤶᤔᤡᤸᤗᤧ ᤁᤢᤛᤠ᤺ᤱᤃᤠ ᤜᤡᤶᤔᤡᤴ ᤆᤳᤋᤢ. ᤜᤧᤰᤁᤩᤠᤱ ᤔᤔᤪᤣᤒᤠ ᤕᤜᤡᤒᤠᤛᤡᤱᤜᤠ᤹ᤖᤧ ᤁᤢᤒᤣᤛᤠᤱᤒᤠ ᤜᤧᤒᤪᤥᤴᤏᤥ ᤕᤢᤱᤛᤧ ᤐᤣ॥ ᤂᤧᤵᤔᤥ ᤂᤢᤏᤧ᤹ ᤕᤜᤘᤣ ᤍᤠᤱᤒᤠᤸᤗᤧ ᤁᤢᤗᤠᤃᤡ ᤗᤳᤇᤠ ᤗᤧᤳᤋᤡ ᤋᤥ᤺ᤴᤔᤠᤍᤧᤴ ᤌᤡᤰ ᤆᤥᤃᤢ॥

Iliyochaguliwa sasa

ᤋᤥᤗᤡᤱᤛᤥᤔᤢ 13: LIFOTNT

Kuonyesha

Shirikisha

Nakili

Je, ungependa vivutio vyako vihifadhiwe kwenye vifaa vyako vyote? Jisajili au ingia

Jifunze Mengi Kuhusu ᤏᤡᤱᤘᤠ᤹ᤑᤢ ᤐᤠ᤺ᤴᤈᤠᤰ

ᤋᤥᤗᤡᤱᤛᤥᤔᤢ 13

Mistari Maarufu ya Biblia kutoka
ᤋᤥᤗᤡᤱᤛᤥᤔᤢ 13

Biblia:

Limbu

Tolea: ᤏᤡᤱᤘᤠ᤹ᤑᤢ ᤐᤠ᤺ᤴᤈᤠᤰ - LIFOTNT