Na Sailm 12
12
Salm 12.
Salvum me fac.
1Cuidiġ liom, a Ṫiarna, ó naċ ḃfuil fíréan fágṫa: ó ċuaiġ na fir ḟíora i laġad i measc Ṡíl Áḋaiṁ.
2Laḃraíonn gaċ duine díoṁaointeas lena ċoṁarsa: ní ḃíonn a mbéal aċ ag cur cluana, agus a gcroí cealgaċ ag cur i gcéill.
3Scriosfaiḋ an Tiarna gaċ béal bréagaċ: agus an teanga a ḃíos ag maíoṁ an díomais;
4Agus an dream a dúirt, Ġeoḃaiḋ ár dteanga an bua dúinn: tá cead cainte againn, cé atá ina Ṫiarna orainn?
5Aċ anois ó naċ ḃfaiġeann an dearóil faoiseaṁ ó ḃuaireaṁ: agus ó bíonn na boċtáin ag osnaíl ó ċroí.
6Éireoiḋ mé, a deir an Tiarna: agus fuasclóiḋ mé gaċ duine acu ón té éiríos ina aġaiḋ, agus taḃarfaiḋ mé suaiṁneas dó.
7Is briaṫra glana iad briaṫra an Tiarna: mar an airgead a ġlantar den ċré, agus a aṫloisctear faoi ṡeaċt sa tine.
8Coimeádann tú iad, a Ṫiarna: cuṁdóiḋ tú é ón aicme sin go bráċ.
9Níl áit naċ ḃfuil faoi ċosa luċt an oilc: nuair a éiríos siad in airde, cuirtear masla ar ċlann na ndaoine.
Iliyochaguliwa sasa
Na Sailm 12: OC1965G
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Cumann Gaelach na hEaglaise (Irish Guild of the Church) 1965