ARING KELESING 16
16
Hagar dahin Ismael
1Sarai hawan Abram atih nusi' ha' nganak. Bi té' ji doh dipen na', kelunan pahu daha' Mesir, aran na' Hagar. 2Ken Sarai men Abram, “Ika' pah aleng jam Tuhan em ma'uk itu' anak. Avin anan sayu nah im tei tudu dahin dipen tu' anih, ja té' ji anak na' ek ala men akui si'.” Abram pah kelenghi dahun Sarai aleng hawan na' atih. 3En Sarai ala nah Hagar kelunan Mesir dipen na' atih, pelalau ma'uk iha' men Abram aleng laké' na', ja Hagar itung doh na'. Tegu anan Abram uh pulu duman melo' ha' tana Kanaan. 4Abram pah tei peji tudu dahin Hagar. Hagar pah pelalau mali. Bi tegu ha' jam iha' uh mali beka' na' peji'ek nah doh aya' na' anan.
5Lun ken Sarai men Abram, “Tusah aleng té' té' akui anih, sayu im pelemana' na'. Akui kah aleng pekisik ma'uk dipen kui anih men ika' dih, bi kerei inih iha' uh jam iha' mali, beka' iha' meté' peji'ek akui, Tuhan tua nah aleng jam petneng akui dahim.”
6Ken Abram men Sarai, “Dipen ka' anih té' alem usu ka' loh kah iha', no' tua kurim té' iha'.” Sarai pah pelalau na iha' behida usu na'. Hagar pah pelalau tei lap melek Sarai.
7Tegu anan Meliket Tuhan pepsuk dahin Hagar té' béh ji itung alem tana aleng ngahit, itung atih jeleng alan daha' tei ha' daléh Syur. 8Ken Meliket atih men iha', “U Hagar dipen Sarai, men ino' nei ka' nih, dahin hino' ka' seng tei?” Nyu'ei Hagar, “Té' pah akui nei tinih avin kui nei lap anih melek Sarai doh aya' kui dih.”
9Lun ken Meliket Tuhan men iha', “Uli nah im ha' doh aya' ka', sayu nah im nyepida tua té' iha'.” 10Ken Meliket Tuhan men iha', “Akui seng na pahu ka' kapan, ateng daha' em jam mujap kahum daha'.” 11Ken Meliket Tuhan atih men iha' la'an, “Kerei inih ika' uh mali, ika' pah seng nganak ji anak aké'. Sayu im na aran na' Ismael, avin Tuhan uh kelenghi marung tuk-tuk katé' ka'. 12Anak atih seng awi jam tuk keledei aleng jera', usu na' pah seng lawan kelunan lim, dahin usu kelunan ha' béh pah seng melawan iha' lahuh. Iha' seng murip em peji dahin daha' harin na'.”
13Hagar pah na aran Tuhan aleng tengaran dahin na' atih, ken na' nah, “Ika' nah El-Roi.” Avin ha' kuma', “Té' lan kah akui uh jam Tuhan hinih aleng uh nyineng akui.” 14Iha' nah daha' na aran luvang itung atih Lahai-Roi. Atih té' hang daléh Kadesy dahin Bered.
15 #
Gal 4:22
Nganak nah Hagar ji anak laké' aleng kenan Abram, Abram pah na aran anak atih Ismael. 16Tegu Hagar nganak Israel men Abram, urip Abram saya'-pulu-nem duman.
Iliyochaguliwa sasa
ARING KELESING 16: TDK1990
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible in Today's Dahun Kayan Version © Bible Society of Malaysia, 1990.