Rut 3
3
Rut o Boas vere vati sama trigu kai
1Lee aer iso, Noemi dale laa nii vine veu Rut ple kde'e, "Rut, tempu rata see, a leti mane iso ke let nee lee ko, odi ko lebo dia umo kai riko, i ko lebo mori t'nega. Ka ple mane?
2Se'i pun bloi mai. Ko veki nurat mane iso gala Boas ka? U ta prepara odi ko lebo loi trigu kai vere vine servisu noor sii kavovo. Boas familia o kiti, pio kau laki iso kee mate bali see. Buta kdee, atu dotu veki laa lee vati sama trigu kai. Boas mos veki laa ma'o. 3Kau manara ple kde'e: Ko la diu, posi mina megi i tama ropa is ke snotor odi ko laa lee vati sama trigu kai. Mas peni rata Boas ha'a-enu ma'o, odi Boas vek nan eto ko lee kno'o. 4Boas ha'a ma'o see, u la ena. Ko la lise pun bloi, Boas ena vere mane. Aipiil iso Boas ena see, ko laa lee u'u, lo'e nii lapeta i nee sinal la Boas,#3:4:Atu seri ke pna'a ubu k'dia la Biblia dale, kde'e mge'es sinal iso 1) pita Boas m'gees familia iso ke dia direitu posi mat la Rut, 2) Rut prontu se Boas manara kaben o u, dara nii direitu. i ko ena grai nii koe. Boas pna nii lisa, i u veki dale lee ko, seta bat ko tenki punu."
5Rut matar, "Bloi. A veki punu dara ple'u." 6Rut duu laa lee vati sama trigu kai. I Rut punu dara ma'o seta batu ni ina ba'i Noemi k'su.
7Aipiil iso Boas ha'a-enu ma'o see, u sinti beso. I Boas la ena lee trigu uu ser ke dotu putu bali nii bai seri. Peni rata Boas mat bue, Rut laa vel-vele lee Boas nii vati. I u lo'e lapeta lee Boas nii koe, i u ena lee u'u. 8I rae buta t'la, Boas kakoraa blee. U g'lelu, u kakoraa, pita dia vine iso ena bali grai nii koe. 9I Boas tugu la u, "Seni tas kde'e?"
Rut matar, "A Rut, kiti aat vine. Mas ama nai batu dia 'direitu selo t'gotu' a. [U'u signifika dale ama nai batu dia direitu odi kaben o a, odi nee ana o ubu ana la kau laki ke mate see.] See ple'u a negi la ama nai pita a o ama nai ni lapeta nuba nan kde'e, m'ges sinal iso tok de kiti manara kaben o a."#Ezequiel 16:8
10I Boas kakoraa, u mos dale, "A negi la NAI Maromak nee bensa laa ko! Ko lebo bali leti mane pio ana mane veki nan sa'e ser kee riku ka kiak ver kde'e, mas ko te punu iso u'u. Ko atu bloi, pita ko matani ko domin o respeitu la ko laki is ke mate bali nii familia. Ko lara bloi iso pnai kde'e, ha'e desi vali muno ko matani laa ama Noemi. 11Ple'u Rut te lebo mataku! A veki punu dara ko manara ma'o. Te lebo nurat dotu, pita atu ha'e ma'o vere sidade kde'e roo pna bali see dale, ko u'u vine iso ke lara bloi i manema. 12Mas veki dia lapa iso a let dale, a pi'o ko laki iso mate see noo nii familia, iso ke a 'dia direitu let selo t'gotu' ko. Mas dia atu selo iso ke grai desi a. I u ta dia direitu odi kaben o ko.#Rut 2:20 13I a nee daa ple kde'e: buta kde'e ko na peni le kde'e. Aer bat a laa soru o u. Se u prontu kaben o ko, tee dia lapa iso. Mas se u bra'i, a jura odi Maromak mori nii gala, a riko taa kaben o ko. Kiti lisa dale, a 'ta selo t'gotu' ko. Ko na ena lee kde'e rata rae aer.
14I Rut ena grai lee Boas nii koe. Lee aer busu lelo te sa'e veki, Rut blee se'e. Pita Boas dale bali see, "Te bloi see atu p'na buta kde'e dia vine mai lee vati sama trigu kai kde'e. 15Mai, lui ko lapeta odi a posi trigu." I Boas sukat trigu uu kalen poku vou-niso posi la Rut nii lapeta. I Boas bua lapeta sape la Rut nii dabaas. I Boas mos g'lelu laa nii aldeia.#3:15:Biblia o dale u'u Ebreu ta dale posi le sabai ha'e. Mas ribu loba rata Boas tenki ajuda bua posi la Rut ni dabaas. Dale u'u Ebreu kero dale, "u (mane Boas)" g'lelu la aldeia. Mas seri kero dale "u (vine Rut) ta g'lelu la aldeia.
16Aipiil iso Rut rata umo, ni ina ba'i Noemi tugu laa u, "Buta ple mane?"
Rut nee p'na ma'o seta batu Boas punu lee u, 17i Rut dale pita, "Boas ta nee trigu uu kde'e mai a. I Boas mos dale, 'Ko te lebo g'lelu la ko ina ba'i Noemi o limu ma'o.' "
18I Noemi matar, "Loba see! Agora ko tenki pasensia odi peni, pita loba bali see, Boas manara tetu dale u'u kde'e i u bra'i peni pita see. Loba riko Boas manara tetu dale u'u lee aer iso kde'e.
Iliyochaguliwa sasa
Rut 3: BTKD
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Wycliffe Timor-Leste © 2025 Wycliffe Bible Translators Inc
Rut 3
3
Rut o Boas vere vati sama trigu kai
1Lee aer iso, Noemi dale laa nii vine veu Rut ple kde'e, "Rut, tempu rata see, a leti mane iso ke let nee lee ko, odi ko lebo dia umo kai riko, i ko lebo mori t'nega. Ka ple mane?
2Se'i pun bloi mai. Ko veki nurat mane iso gala Boas ka? U ta prepara odi ko lebo loi trigu kai vere vine servisu noor sii kavovo. Boas familia o kiti, pio kau laki iso kee mate bali see. Buta kdee, atu dotu veki laa lee vati sama trigu kai. Boas mos veki laa ma'o. 3Kau manara ple kde'e: Ko la diu, posi mina megi i tama ropa is ke snotor odi ko laa lee vati sama trigu kai. Mas peni rata Boas ha'a-enu ma'o, odi Boas vek nan eto ko lee kno'o. 4Boas ha'a ma'o see, u la ena. Ko la lise pun bloi, Boas ena vere mane. Aipiil iso Boas ena see, ko laa lee u'u, lo'e nii lapeta i nee sinal la Boas,#3:4:Atu seri ke pna'a ubu k'dia la Biblia dale, kde'e mge'es sinal iso 1) pita Boas m'gees familia iso ke dia direitu posi mat la Rut, 2) Rut prontu se Boas manara kaben o u, dara nii direitu. i ko ena grai nii koe. Boas pna nii lisa, i u veki dale lee ko, seta bat ko tenki punu."
5Rut matar, "Bloi. A veki punu dara ple'u." 6Rut duu laa lee vati sama trigu kai. I Rut punu dara ma'o seta batu ni ina ba'i Noemi k'su.
7Aipiil iso Boas ha'a-enu ma'o see, u sinti beso. I Boas la ena lee trigu uu ser ke dotu putu bali nii bai seri. Peni rata Boas mat bue, Rut laa vel-vele lee Boas nii vati. I u lo'e lapeta lee Boas nii koe, i u ena lee u'u. 8I rae buta t'la, Boas kakoraa blee. U g'lelu, u kakoraa, pita dia vine iso ena bali grai nii koe. 9I Boas tugu la u, "Seni tas kde'e?"
Rut matar, "A Rut, kiti aat vine. Mas ama nai batu dia 'direitu selo t'gotu' a. [U'u signifika dale ama nai batu dia direitu odi kaben o a, odi nee ana o ubu ana la kau laki ke mate see.] See ple'u a negi la ama nai pita a o ama nai ni lapeta nuba nan kde'e, m'ges sinal iso tok de kiti manara kaben o a."#Ezequiel 16:8
10I Boas kakoraa, u mos dale, "A negi la NAI Maromak nee bensa laa ko! Ko lebo bali leti mane pio ana mane veki nan sa'e ser kee riku ka kiak ver kde'e, mas ko te punu iso u'u. Ko atu bloi, pita ko matani ko domin o respeitu la ko laki is ke mate bali nii familia. Ko lara bloi iso pnai kde'e, ha'e desi vali muno ko matani laa ama Noemi. 11Ple'u Rut te lebo mataku! A veki punu dara ko manara ma'o. Te lebo nurat dotu, pita atu ha'e ma'o vere sidade kde'e roo pna bali see dale, ko u'u vine iso ke lara bloi i manema. 12Mas veki dia lapa iso a let dale, a pi'o ko laki iso mate see noo nii familia, iso ke a 'dia direitu let selo t'gotu' ko. Mas dia atu selo iso ke grai desi a. I u ta dia direitu odi kaben o ko.#Rut 2:20 13I a nee daa ple kde'e: buta kde'e ko na peni le kde'e. Aer bat a laa soru o u. Se u prontu kaben o ko, tee dia lapa iso. Mas se u bra'i, a jura odi Maromak mori nii gala, a riko taa kaben o ko. Kiti lisa dale, a 'ta selo t'gotu' ko. Ko na ena lee kde'e rata rae aer.
14I Rut ena grai lee Boas nii koe. Lee aer busu lelo te sa'e veki, Rut blee se'e. Pita Boas dale bali see, "Te bloi see atu p'na buta kde'e dia vine mai lee vati sama trigu kai kde'e. 15Mai, lui ko lapeta odi a posi trigu." I Boas sukat trigu uu kalen poku vou-niso posi la Rut nii lapeta. I Boas bua lapeta sape la Rut nii dabaas. I Boas mos g'lelu laa nii aldeia.#3:15:Biblia o dale u'u Ebreu ta dale posi le sabai ha'e. Mas ribu loba rata Boas tenki ajuda bua posi la Rut ni dabaas. Dale u'u Ebreu kero dale, "u (mane Boas)" g'lelu la aldeia. Mas seri kero dale "u (vine Rut) ta g'lelu la aldeia.
16Aipiil iso Rut rata umo, ni ina ba'i Noemi tugu laa u, "Buta ple mane?"
Rut nee p'na ma'o seta batu Boas punu lee u, 17i Rut dale pita, "Boas ta nee trigu uu kde'e mai a. I Boas mos dale, 'Ko te lebo g'lelu la ko ina ba'i Noemi o limu ma'o.' "
18I Noemi matar, "Loba see! Agora ko tenki pasensia odi peni, pita loba bali see, Boas manara tetu dale u'u kde'e i u bra'i peni pita see. Loba riko Boas manara tetu dale u'u lee aer iso kde'e.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Wycliffe Timor-Leste © 2025 Wycliffe Bible Translators Inc