Matayo Matayo
Matayo
Anjula
Nji̱li̱ ndia Matayo ali moti̱ ka kitabo i̱ni̱ ka Ndagano Mpiaka ndia aongi̱be bhokotiana na mulimo na ku̱wa ndia Yesu. Kitabo poni ndia ali ka kitabo i̱ni̱ yoho andu̱lu̱ “nji̱li̱,” makulu si̱ “Makulu Mabhonga.” Ndibha bhahandika nji̱li̱ yoho andi Matayo na Maliko na Luka na Yohana, Yesu nalaku̱. Ndibha Bhasomi̱ soma bi̱yai̱ bhakai̱bi̱ bwile toto nji̱li̱ ndia Matayo bhahandikiliaku̱, no ali bhia mwaka nkagha Ki̱li̱si̱to nalabhokotiani̱. Na kikalo dhe bhakai̱bi̱, no ndibhetolo bhakyeli̱li̱kana bha nibhahandikilia ka Palesi̱tai̱ni̱ kedha ka tau̱ni̱ manyeta ndia ka Yelusalemu.
Mindia ahandika nji̱li̱ ndia Matayo yoho andi Matayo, mindia abhi̱ nku̱mesi̱ musolo Yesu ndia kamu̱eki̱mbe i̱yaga naye bhia mwegi̱ mindiaki. I̱naki ndietolo abhi̱ ndiye Levi̱. Matayo abhi̱ moti̱ ka bhaegi̱ ndibha Yesu komi̱ na bhebhali toli̱ mindia abhuhandikilia bhasomi̱ ndibha Bhayu̱daya. Yoho akienikiliana ka Ndia Bhahandika nkagha ka Ndagano Zali̱ei̱. Abha kakabha ani̱sa eti Yesu andi Masiya, mindia Mambombi̱ ambuwa zuna bhakpa, mindia bhanabbi̱ bhamuongabe. Matayo atodha nakihandika ndietolo bi̱yai̱ ndia agbei̱be kusali̱a ndia Mambombi̱. Bhayu̱daya yabheli̱li̱kanaga eti Masiya akibha sali̱a ka kusali̱a sa poli̱po, no Matayo nakiegendi̱a si̱ni̱ makanga yeli̱a ka kweli̱li̱kana ndiabho injo ka handika ndiaki du̱mbi̱ nakigia eti akibha kusali̱a mawelikana ndia Mambombi̱.
Nji̱li̱ ndia Matayo ali kitabo mabhonga sa teketa Ndagano Mpiaka nanga aongi̱be ndietolo poni ka Ndagano Zali̱ei̱. Alungesi̱ Ndagano bhali sa Bbai̱bbu̱li̱. Ndibha Bhasomi̱ soma bi̱yai̱ nabho bhahabhu̱li̱ eti Matayo akinga ongabe ndia ali ka kitabo ndia Musa (kitabo tano ndia kateketa sa Ndagano Zali̱ei̱).
Iliyochaguliwa sasa
Matayo Matayo: KWAMBA
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Wycliffe Bible Translators, Inc., 2025