Umatiu 4
4
Agil-ale Ujeso he ugbaa-libeb
(Mak 1:12-13; Luk 4:1-13)
1Ukatia Kunyọng a kung teng Ujeso gbe ndo he ugbaa-libeb he usu bibibi u gil he. 2Ujeso a le kwu ha ati asi afee le besu asi afee faale lizi azele. Itung i maa fel ndo he. 3Usu bibibi angwu u gil bendi abọng-ale a ma be hwaa le he, de-e le: “Ndu shi akọ anyin a bel lizi ka-a he wo zi a, gbe wo de le wo yi Unwaa Unim a.”
4Ujeso a kung de-e le, “Be fee ndọ he kushia Unim le-iti le, undi-gye u kpan gba he lizi azele life-life a ye. Undi u kpan gba he igie iyang-yang angi Unim a kọng a.”#4:4 Iten lefee 8:3
5Usu bibibi a kung Ujeso gye le he he Ujeruselem. A te le he le pwọm he lishi kuto ushọm Unim, 6u de-e le, “Geb le nyin gye he itang, gbe wo de le wo yi Unwaa Unim a.
“ ‘Ki yi le be fee ndọ he kushia Unim le-iti le Unim u ba ndọ idengel ima le i kpa-a tyang.
I ba kwa-a he abwo ndọ he kusi,
he wo tye kubee ọ fe he kukọ ye.’#4:6 Agyam 91:11, 12 ”
7Ujeso a kung de-e le, “Be fee ndọ he kushia Unim le-iti le, undi u shi gil Ada Unim ye.”#4:7 Iten lefee 6:16
8Usu bibibi a ha mbee te le he le naa he lishi ukwel kusi, a tyung he biteng kusu igye puu le ifem abi. 9A de-e le, “Gbe wo keb he itang fe-m, mi kung abi puu ka-a.”
10Ujeso a kung de-e le, “Usu bibibi, gbe-m le he i nyin. Be fee ndọ he kushia Unim le-iti le undi-gye u fe Ada Unim, u fe-e ufe-ufe a.”#4:10 Iten lefee 6:13; Iten lefee 10:20
11Usu bibibi a ha tyang he. Idengel Unim i be kpel he.
Ujeso a kpi igie Unim abun-ale
(Mak 1:14-15; Luk 4:14-15)
12Nyọng Ujeso a gyo le Uherọd a kwu Ujọn fe he igaadye, a tem gbe gye he kubọng Ugalili. 13A kwu he lishi Unazaret ye. A le nde he lishi angi be ko le Ukapanum angi gwaa ha umbwo Ugalili. Itang angi ha i ma yi itang bendi Uzebulọn befe le Unaftali a. 14Ki ma shi nya a na Azaya utye-ugie kisọm Unim a ma kọng a. A ma de le,
15“Itang Uzebulọn befe le Unaftali
angi i yi le he igbindi umbwo Ujọdan,
kubọng Ugalili he kipi ashi bendi abe be yi Ijuus a ye be nde gbam,
16ha na bendi abe be yi he kifufeb
be nde kikung-gboo kikandi.
Kikung-gboo ki taa tyung bendi abe
be yi he kifufeb kigyang ashi kpatung.”#4:16 Azaya 9:1, 2
17Kung le ha he kunyọng kumen ana na Ujeso a ma keb abun-ale de bendi le: “Ma shi beshi le he biban bimen likọye kiteng kusu lifung-atabe ki fel kpee-kpee.”
Ujeso a ko ugbe-gbe bendi-utung bema
(Mak 1:16-20; Luk 5:1-11)
18Nya a na Ujeso a maa tan gbe he ungwu umbwo Ugalili, a nde bendi abe be kwu ikwan befee, abe be ko le Andru le Usaimọn angwu be mbee ko le Ipita. Be yi bebwaa-nam bende a. Be maa tyang kataa ha he umbwo kwa ikwan. 19Ujeso a de be le, “Ma be pwọm mi, mi hwọ amen na ma tan ko bendi ke-m.” 20Nya kukwo-kukwo be tyang litaa libel ndọ he itang pwọm he.
21A mbee tan te kushu le nde bebwaa-nam bende bendi befee, Ujems unwaa Uzebedi le unwaa-nam Ujọn. Be ma yi he afee kinọng lishọ utung ha Atyabel Uzebedi, be bwee litaa libel. Ujeso a kung ko abe. 22Nya kukwo-kukwo be gbe tyang kinọng kibel le Atyabel pwọm he.
Ujeso a mbee undi-lingbam
(Luk 6:17-19)
23Ujeso a ma tan mbee biteng puu he Ugalili hwọ bendi igie Unim he ishọm Unim angi Ijuus i kwu awu. U bun kisọm kinunung gbe le kiteng kusu Unim de be, u mbee bendi le he bitaa angbam atyetye-atyetye, angi a mbu abe. 24Bendi ashi angi he Usiria be gyo biwọm abi Ujeso u shi he Ugalili. Be be le bendi bebel abe be mbu bitaa angbam atyetye-atyetye le abe ikeb ibibi i ma yi ha abe, le abe be ngyọ lityo, le abe be hwo abee, be le be hwaa le Ujeso le u mbee abe. Ujeso a ma mbee abe puu. 25Bendi gbam be ma be le he kubọng Ugalili, le he kigie kubọng ashi ki yi ishokwo lihwo#4:25 He igie Igrik be ko le Udecapolis, le he Ujeruselem, le he kubọng Ujudia, le he igbindi umbwo Ujọdan be pwọm Ujeso.
Iliyochaguliwa sasa
Umatiu 4: KUIL
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.
Umatiu 4
4
Agil-ale Ujeso he ugbaa-libeb
(Mak 1:12-13; Luk 4:1-13)
1Ukatia Kunyọng a kung teng Ujeso gbe ndo he ugbaa-libeb he usu bibibi u gil he. 2Ujeso a le kwu ha ati asi afee le besu asi afee faale lizi azele. Itung i maa fel ndo he. 3Usu bibibi angwu u gil bendi abọng-ale a ma be hwaa le he, de-e le: “Ndu shi akọ anyin a bel lizi ka-a he wo zi a, gbe wo de le wo yi Unwaa Unim a.”
4Ujeso a kung de-e le, “Be fee ndọ he kushia Unim le-iti le, undi-gye u kpan gba he lizi azele life-life a ye. Undi u kpan gba he igie iyang-yang angi Unim a kọng a.”#4:4 Iten lefee 8:3
5Usu bibibi a kung Ujeso gye le he he Ujeruselem. A te le he le pwọm he lishi kuto ushọm Unim, 6u de-e le, “Geb le nyin gye he itang, gbe wo de le wo yi Unwaa Unim a.
“ ‘Ki yi le be fee ndọ he kushia Unim le-iti le Unim u ba ndọ idengel ima le i kpa-a tyang.
I ba kwa-a he abwo ndọ he kusi,
he wo tye kubee ọ fe he kukọ ye.’#4:6 Agyam 91:11, 12 ”
7Ujeso a kung de-e le, “Be fee ndọ he kushia Unim le-iti le, undi u shi gil Ada Unim ye.”#4:7 Iten lefee 6:16
8Usu bibibi a ha mbee te le he le naa he lishi ukwel kusi, a tyung he biteng kusu igye puu le ifem abi. 9A de-e le, “Gbe wo keb he itang fe-m, mi kung abi puu ka-a.”
10Ujeso a kung de-e le, “Usu bibibi, gbe-m le he i nyin. Be fee ndọ he kushia Unim le-iti le undi-gye u fe Ada Unim, u fe-e ufe-ufe a.”#4:10 Iten lefee 6:13; Iten lefee 10:20
11Usu bibibi a ha tyang he. Idengel Unim i be kpel he.
Ujeso a kpi igie Unim abun-ale
(Mak 1:14-15; Luk 4:14-15)
12Nyọng Ujeso a gyo le Uherọd a kwu Ujọn fe he igaadye, a tem gbe gye he kubọng Ugalili. 13A kwu he lishi Unazaret ye. A le nde he lishi angi be ko le Ukapanum angi gwaa ha umbwo Ugalili. Itang angi ha i ma yi itang bendi Uzebulọn befe le Unaftali a. 14Ki ma shi nya a na Azaya utye-ugie kisọm Unim a ma kọng a. A ma de le,
15“Itang Uzebulọn befe le Unaftali
angi i yi le he igbindi umbwo Ujọdan,
kubọng Ugalili he kipi ashi bendi abe be yi Ijuus a ye be nde gbam,
16ha na bendi abe be yi he kifufeb
be nde kikung-gboo kikandi.
Kikung-gboo ki taa tyung bendi abe
be yi he kifufeb kigyang ashi kpatung.”#4:16 Azaya 9:1, 2
17Kung le ha he kunyọng kumen ana na Ujeso a ma keb abun-ale de bendi le: “Ma shi beshi le he biban bimen likọye kiteng kusu lifung-atabe ki fel kpee-kpee.”
Ujeso a ko ugbe-gbe bendi-utung bema
(Mak 1:16-20; Luk 5:1-11)
18Nya a na Ujeso a maa tan gbe he ungwu umbwo Ugalili, a nde bendi abe be kwu ikwan befee, abe be ko le Andru le Usaimọn angwu be mbee ko le Ipita. Be yi bebwaa-nam bende a. Be maa tyang kataa ha he umbwo kwa ikwan. 19Ujeso a de be le, “Ma be pwọm mi, mi hwọ amen na ma tan ko bendi ke-m.” 20Nya kukwo-kukwo be tyang litaa libel ndọ he itang pwọm he.
21A mbee tan te kushu le nde bebwaa-nam bende bendi befee, Ujems unwaa Uzebedi le unwaa-nam Ujọn. Be ma yi he afee kinọng lishọ utung ha Atyabel Uzebedi, be bwee litaa libel. Ujeso a kung ko abe. 22Nya kukwo-kukwo be gbe tyang kinọng kibel le Atyabel pwọm he.
Ujeso a mbee undi-lingbam
(Luk 6:17-19)
23Ujeso a ma tan mbee biteng puu he Ugalili hwọ bendi igie Unim he ishọm Unim angi Ijuus i kwu awu. U bun kisọm kinunung gbe le kiteng kusu Unim de be, u mbee bendi le he bitaa angbam atyetye-atyetye, angi a mbu abe. 24Bendi ashi angi he Usiria be gyo biwọm abi Ujeso u shi he Ugalili. Be be le bendi bebel abe be mbu bitaa angbam atyetye-atyetye le abe ikeb ibibi i ma yi ha abe, le abe be ngyọ lityo, le abe be hwo abee, be le be hwaa le Ujeso le u mbee abe. Ujeso a ma mbee abe puu. 25Bendi gbam be ma be le he kubọng Ugalili, le he kigie kubọng ashi ki yi ishokwo lihwo#4:25 He igie Igrik be ko le Udecapolis, le he Ujeruselem, le he kubọng Ujudia, le he igbindi umbwo Ujọdan be pwọm Ujeso.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.