San Mateo 1
1
Jarewa kb'i' uri'jal Jesucristo
(Lc 3:23-38)
1Jarewa kb'i' uri'jal Jesucristo.#1:1 Cristo kel kub'ij jun chaytajnaq rmal Dios. Un tzij Mesías xaq jnam kilwi. Ri Jesucristo jare Re ri'y umam u David, soq jare Re ri'y umam u Abraham.
2U Abraham jare re uqaw u Isaac.
U Isaac jare re uqaw u Jacob.
U Jacob jare re uqaw u Judá rich'il nk'aj rachlal.
3U Judá jare re uqaw u Fares, soq jare re uqaw u Zera.#1:3 U Zera soq kb'ix Zara che. (Ni kchuch ke Tamar ub'i').
U Fares jare re uqaw u Esrom.
U Esrom jare re uqaw u Aram.
4U Aram#1:4 U Aram soq kb'ix Ram che. jare re uqaw u Aminadab.
U Aminadab jare re uqaw u Naasón.
U Naasón jare re uqaw u Salmón.
5U Salmón jare re uqaw u Booz. (Ni uchuch u Booz Rahab ub'i').
U Booz jare re uqaw u Obed. (Ni uchuch u Obed Rut ub'i').
U Obed jare re uqaw u Isaí.
6U Isaí jare re uqaw un rey David. Nun rey David jare re uqaw u Salomón. (Ni uchuch u Salomón jare nixoq che xu'on rixqil u Urías che).
7U Salomón jare re uqaw u Roboam. U Roboam jare re uqaw u Abías.
U Abías jare re uqaw u Asa.#1:7 U Asa soq kb'ix Asaf che.
8U Asa jare re uqaw u Josafat.
U Josafat jare re uqaw u Joram.
U Joram jare re uqaw u Uzías.
9U Uzías jare re uqaw u Jotam.
U Jotam jare re uqaw u Acaz.
U Acaz jare re uqaw u Ezequías.
10U Ezequías jare re uqaw u Manasés.
U Manasés jare re uqaw u Amón.
U Amón jare re uqaw u Josías.
11U Josías jare re uqaw u Joconías#1:11 U Joconías soq kb'ix Jeconías che. rich'il nk'aj rachlal. (Echi' ik'as ke, nk'aj mnaq xikchap b'i nk'aj aj Israel, xik'axij chpam un tinmit Babilonia).
12Echi' iy'o chik nk'aj aj Israel chla' Babilonia,
U Joconías xikje jun uk'jol Salatiel ub'i'.
Nu Salatiel jare re uqaw u Zorobabel.
13U Zorobabel jare re uqaw u Abiud.
U Abiud jare re uqaw u Eliaquim.
U Eliaquim jare re uqaw u Azor.
14U Azor jare re uqaw u Sadoc.
U Sadoc jare re uqaw u Aquim.
U Aquim jare re uqaw u Eliud.
15U Eliud jare re uqaw u Eleazar.
U Eleazar jare re uqaw u Matán.
U Matán jare re uqaw u Jacob.
16U Jacob jare re uqaw u Jse. U Jse jare re richjil i Mri'y. I Mri'y jare re uchuch Jesús, che kb'ix na Cristo#1:16 Cristo kel kub'ij jun chaytajnaq rmal Dios. Un tzij Mesías xaq jnam kilwi. che.
17Xa jala', kajljuj (14) ja mnaq i'axnaq chik, xaw xumaj loq ruk' u Abraham xuk'sa kan ruk' u David. Kajljuj (14) i'axnaq chik, xaw xumaj loq ruk' u David ast retal echi' xib'e nk'aj aj Israel chpam tinmit Babilonia. Tik'ri kajljuj (14) i'axnaq chik, xaw xumaj loq echi' xib'e nk'aj aj Israel jala Babilonia ast retal echi' xalax Cristo, xchay rmal Dios.
Ri Jesucristo xalaxik
(Lc 2:1-7)
18Jawa x'antjik echi' xalax Jesús, che kb'ix na Cristo#1:18 Cristo kel kub'ij jun chaytajnaq rmal Dios. Un tzij Mesías xaq jnam kilwi. che. Ri uchuch Mri'y ub'i'. Ni Mri'y uk'momch u'ab' k'ulnem ruk' u Jse. Per echi' mja kik'le'ik och uyab' ruk' ak'al, yab' ixoq chik. Jare Tyoxlaj Uxlab'xel xu'on che, che jala xuriqo. 19Nu Jse che ya mer kik'le' ruk', puro sk'umlaj achi chjuch Dios. Ena xub'ij puk'u'x: «Ustaj we kinya uk'ix chikuch kunjel mnaq, jare utz we el'al kinya kanoq, kink'le' t chik ruk'», xcha'.
20Per echi' jala kitjin che uchomxik, o jun ángel rech Qajaw Dios xuch'ab'ej puwram, xub'ij che: «Jse, at ri'y umam u David, xa max'ej awib' che uk'amik i Mri'y rech ka'an awixqil che. Un laj ral che kuril uwuch, ruk' Tyoxlaj Uxlab'xel pitnaq wi. 21I Mri'y kuril na uwuch jun ral ala, che Jesús#1:21 Piktzij ke, un b'i' Jesús kel kub'ij ajTo'lqe. kakoj na che ub'i'. Jala ub'i' kakojo, xa rmal che jare Re kyuresaj mnaq chpam kmak». Jala xub'ij un ángel che u Jse.
22Runjel wari' x'antjik rech k'alnik che puro qtzij su ub'im kan Qajaw Dios che jun ajb'il utzij Dios ujer. 23Jawa xub'ij:
«Nali che mja kuriq richjil, mal tela 'poj ali, ku'on na yab' ixoq, kikje na uyab' ruk' ak'al.
Tik'ri kuril na uwuch jun ral ala, che Emanuel koksax na che ub'i', xcha'». (Is 7:14)
(Un b'i' Emanuel, jare kilwi che «Dios o quk'»).
24Echi' xk'astaj u Jse che uwram, xu'ono su xub'ij un ángel rech Qajaw Dios che. Xuk'am b'i i Mri'y chirchoch rech ku'on rixqil che. 25Per xwar taj ruk', ast retal echi' xalax jun ral ala, y Jesús xukoj che ub'i'.
Iliyochaguliwa sasa
San Mateo 1: qucSAS
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
El Nuevo Testamento
en K'iche' de San Andrés Sajcabajá
© 2024 Asociación Educativa y Cultural Maya (AECM)
en colaboración con SIL Global