Salmos 1

Libro Uno

(Salmos 1-41)

1Lluꜗ laꜗ kihꜗ dsaˉñʉʉhˉ

hi̱ˉ saꜙ ngëꜙ läꜙ laꜗ nʉʉhꜚ kihꜗ dsaˉ hñaaˉ dsëꜗ,

niꜙ saꜙ ngëyꜙ kya̱a̱hˊ dsaˉ hi̱ˉ jmeeꜙ dsoˊkyeˉ,

hiꜙ niꜙ saꜙ jmeeyꜙ ko̱ˉjø̱hꜘ kya̱a̱hˊ hi̱ˉ miˉkwa̱hꜗ Dio.

2Jë̱ë̱ˉ baˊ dsëyˈ jmeeyꜙ läꜙko̱o̱ˉ jähꜘ ley kihꜗ Dio baˊ.

Läꜙjmɨɨˈ läꜙhwëˈ kye̱yˉ hʉʉˊdsëˉ

läꜙko̱o̱ˉ lleˋ juuꜗ kihꜗ Dio.

3Dsaˉñʉʉhˉ heꜘ la̱a̱ꜗ läꜙko̱hꜘ chahˈhmaˉ

heˉ naˉjnääˊ chaˊhooˊ jmɨɨˉ,

heˉ kwaꜙ mɨɨˈ läꜙjëꜙ ji̱i̱ˉ kihꜗ.

Hiꜙ mooˉ kihꜗ eehˉ tä̱ä̱ꜘ baˊ.

Hiꜙ läꜙjëꜙ heˉ jmeeyꜙ goˉhɨɨˈ lluꜗ jmahꜗ.

4Pero ka̱hꜘ baˊ laˈ kihꜗ hi̱ˉ hñaaˉ dsëꜗ.

Laꜗ kiyhꜗ läꜙko̱hꜘ tʉˊhløøˉ heˉ dsaˉlle̱e̱ꜘ kya̱a̱hˊ lleꜘ.

5Heˉja̱ˉ, waˊraˉ gaꜙtëꜘ jeeˊ llaˈ Dio taˊ,

saꜙ lä̱ä̱ꜘ niꜙ ja̱a̱ˉ hi̱ˉ hñaaˉ dsëꜗ.

Hiꜙ niꜙ saꜙ le̱e̱yꜘ kwa̱a̱t˜ jeeˊ kihˈ hi̱ˉ llu̱u̱ꜗ.

6Jëëhꜘ, jë̱ë̱˜ baˊ Dio hi̱ˉ llu̱u̱ꜗ haˉ jeeˊ gaꜙnääˊ.

Pero hi̱ˉ tä̱ä̱hˊ jwëꜘ hlɨɨhˈ he̱e̱ꜘ goˉte˜ baˊ.

Iliyochaguliwa sasa

Salmos 1: chz

Kuonyesha

Shirikisha

Nakili

Je, ungependa vivutio vyako vihifadhiwe kwenye vifaa vyako vyote? Jisajili au ingia

Mistari Maarufu ya Biblia kutoka
Salmos 1