Soma Biblia Kila Siku 4Mfano

Injili huleta upinzani kwa sababu ni habari njema na wanadamu ni waovu. Lakini Injili humbadilisha mtumishi wake, kwa hiyo Paulo alikabili upinzani huo kwa moyo mweupe (m.5f), akifanya kazi yake kwa ujasiri (twalithubutu katika Mungu kuinena Injili ya Mungu kwenu; 2:2) pasipo na nia danganyifu (maonyo yetu siyo ya ukosefu, wala ya uchafu, wala ya hila; 2:3 na m.6), bila kutafuta fedha wala heshima (hatukuwa na maneno ya kujipendekeza wakati wo wote; kama mjuavyo, wala maneno ya juujuu ya kuficha choyo; rudia pia m.6), na bila kuchoka (m.9). Hivyo twafunga vinywa vya wapinzani! Tafakari pia jinsi Paulo alivyowapenda Wathesalonike kama watoto wake mwenyewe (m.7f na 11), kwa kuwa Mungu alikuwa amewaita wawe watoto wake (m.12).