Soma Biblia Kila Siku 6Mfano

Mashindano kati ya Paulo na Barnaba yalimhusu Yohana Marko ambaye hakudumu pamoja nao hadi mwisho wa safari (m.38: Huyo aliwaacha huko Pamfilia, asiende nao kazini). Ulegevu huu ulimfanya Paulo aamue wasimchukue kwenye safari hii ya pili. Ila Barnaba alitaka wampe nafasi tena. Labda uamuzi wa Paulo ulikuwa mzuri zaidi ila Barnaba hakuweza kukubali kwa sababu Marko ni binamu yake (Kol 4:10 unasema mjomba,lakini tafsiri iliyo sawa ni "binamu"). Hata hivyo Bwana alizidi kuwatumia kwa kazi yake na baadaye walishirikiana tena vizuri. Hiyo inathibitishwa na 1 Kor 9:6, Je! Ni mimi peke yangu na Barnaba tusio na uwezo wa kutokufanya kazi?Na Kol 4:10, Aristarko, aliyefungwa pamoja nami, awasalimu; na Marko, mjomba wake Barnaba, ambaye mmepokea maagizo kwa habari yake; akifika kwenu mkaribisheni. Na 2 Tim 4:11,Umtwae Marko, umlete pamoja nawe, maana anifaa kwa utumishi.