Soma Biblia Kila Siku 06/2020Mfano

Wale ambao hawakucheza ni Yohana na wanafunzi wake. Yohana na wanafunzi wake walitumia sana kufunga (taz. m.18:Yohana alikuja, hali wala hanywi). Kwa hiyo walidai ana pepo. Wale ambao hawakulia ni Yesu na wanafunzi wake, maana kukaribia kwa ufalme wa Mungu ni neema kubwa, ni furaha ya ajabu (taz. m.19:Mwana wa Adamu alikuja, akila na kunywa… rafiki yao watoza ushuru na wenye dhambi!) Katika Mit 8:12-36 kuna unabii juu ya Yesu Kristo. Katika unabii huu Kristo anajitambulisha kwa kujiita "Hekima" kama anavyofanya hapa katika m.19b: Na hekima imejulikana kuwa ina haki kwa kazi zake. Kazi yake Yesu inamshuhudia yeye ni nani. Hata hivyo wengi hawakutubu, Yesu anasema katika m.20-24:Ndipo akaanza kuikemea miji ile ambamo ndani yake ilifanyika miujiza yake iliyo mingi, kwa sababu haikutubu...