Soma Biblia Kila Siku 08/2020Mfano

Kazi ya kitume ambayo mtume Paulo aliifanya pale Korintho iliambatana na ushirika kati yake na wengine. Linganisha anavyowaambia Wafilipi: Natumaini katika Bwana Yesu kumtuma Timotheo afike kwenu karibu, nifarijiwe na mimi, nikiijua hali yenu.Maana sina mtu mwingine mwenye nia moja nami, atakayeiangalia hali yenu kweli kweli(Flp 2:19-20). Ushirika huo wa kazi ulikuwa ni wa karibu sana, hata Paulo anamwita Timotheo mwanangu hasa katika imani(1 Tim 1:2). Kazi ya kitume huleta matokeo mazuri ifanywapo kwa upendo na mshikamano. Watakatifu ni wale wote wanaomwamini na kumtegemea Yesu Kristo. Ndani ya kundi hili tunapewa wajibu wa kuwaleta wengine kwa Yesu Kristo.