Soma Biblia Kila Siku Januari 2021Mfano

Wayahudi walimtahiri mtoto wa kiume siku ya nane toka alipozaliwa ili kumwingiza kati ya watu wa Mungu. Siku hizi tunamwingiza mtoto katika ufalme wa Mungu kwa njia ya ubatizo. Hata hivyo haitoshi kusema tu, “Nimebatizwa”, bali twahitaji kuishi maisha matakatifu tuliyopewa tulipobatizwa (2 Kor 5:17, Hata imekuwa, mtu akiwa ndani ya Kristo amekuwa kiumbe kipya; ya kale yamepita, tazama! Yamekuwa mapya). Kuingia mwaka mpya ni zawadi ya pekee kutoka kwa Mungu. Tunapewa nafasi hii ili tuyaache mabaya yote tuliyoyatenda mwaka jana na kukimbilia kwa Yesu, na hivyo kuanza mwaka mpya pamoja naye. Kuanza hivyo kutatusaidia kumaliza mwaka pamoja na Kristo vizuri.