Soma Biblia Kila Siku /Septemba 2023Mfano

Pasipo ufunuo utokao kwa Mungu watu huangamia. Mtu awe kiongozi wa familia, kanisa au taifa, asipoota ndoto ya Mungu waongozwao naye hupotea. Tabia ya mahali popote hutegemea hali ya anayeongoza. Kanisa nalo hufuata tabia ya kiongozi wake. Wewe unayewaongoza wengine, unachangia kwa kiwango gani katika kuwafanya wawe walivyo leo, wema au wabaya? Tuishi ili tuweze kusema alivyosema Paulo, “Mnifuate mimi kama mimi ninavyomfuata Kristo” (1 Kor 11:1; ling. 1 Pet 5:2-3,Lichungeni kundi la Mungu lililo kwenu, na kulisimamia, si kwa kulazimishwa, bali kwa hiari kama Mungu atakavyo; si kwa kutaka fedha ya aibu, bali kwa moyo.Wala si kama wajifanyao mabwana juu ya mitaa yao, bali kwa kujifanya vielelezo kwa lile kundi).