Soma Biblia Kila Siku 02/2024Mfano

Mungu anapenda watu wake wakutane naye. Na kwa kuwa Yeye ni Mtakatifu, anamtuma Musa awaandae kwa kuwatakasa ili wakutane na Mungu. Watu wanatakiwa wajiandae kimwili na kiroho. Walimwitikia Mungu kwa kujitenga mbali na dhambi na mazoea ya kawaida ili wajitoe kwa Mungu. Mungu anawapenda na kuwapa heri watu wake. Ndiyo maana anawaandaa kabla hajakutana nao. Je, ni nini kinachotuandaa na kututakasa sisi ili kukutana na Mungu Mtakatifu? Yesu akijifananisha na mzabibu wa kweli, anasema juu ya wote walio kama matawi ndani yake,Ninyi mmekwisha kuwa safi kwa sababu ya lile neno nililowaambia(Yn 15:3). Roho Mtakatifu ndiye anayetutakasa kwa neno lake.