<div class="version vid164 iso6393swh" data-vid="164" data-iso6393="swh">
 <div class="book bkMRK">
 <div class="chapter ch3" data-usfm="MRK.3">
 <div class="label">3</div><div class="s">Mtu Mwenye Mkono Uliopooza</div><div class="p"> 1 # 
 Mt 12:9-14; Lk 6:6-11 Akaingia tena katika sinagogi; na palikuwako huko mtu mwenye mkono uliopooza; 2wakamvizia ili kuona kama atamponya siku ya sabato; wapate kumshitaki. 3Akamwambia yule mtu mwenye mkono uliopooza, Simama katikati. 4Akawauliza, Ni halali siku ya sabato kutenda mema, au kutenda mabaya? Kuponya roho au kuiua? Wakanyamaza. 5#Yn 11:33Akawakazia macho pande zote kwa hasira, akiona huzuni kwa ajili ya ugumu wa mioyo yao, akamwambia yule mtu, Nyosha mkono wako. Naye akaunyosha; mkono wake ukawa mzima tena. 6#Mt 22:16Mara wakatoka wale Mafarisayo, wakawa wakifanya shauri juu yake pamoja na Maherodi, jinsi ya kumwangamiza.</div><div class="s">Watu wengi kando ya Ziwa</div><div class="p"> 7 # 
 Mt 12:15,16; Lk 6:17-19 Naye Yesu akajitenga, yeye na wanafunzi wake, akaenda baharini. Mkutano mkuu ukamfuata, kutoka Galilaya, na Uyahudi, 8#Mt 4:25na Yerusalemu, na Idumaya, na ng&#8217;ambo ya Yordani, na pande za Tiro na Sidoni, mkutano mkuu, waliposikia habari za mambo yote aliyokuwa akiyatenda, wakamwendea. 9#Mk 4:1; Lk 5:1-3Akawaambia wanafunzi wake ya kwamba chombo kidogo kikae karibu naye, kwa sababu ya mkutano, wasije wakamsonga. 10Maana aliponya wengi, hata wote waliokuwa na misiba wakamrukia wapate kumgusa. 11#Lk 4:41Na pepo wachafu, kila walipomwona, walianguka mbele yake, wakalia wakisema, Wewe ndiwe Mwana wa Mungu. 12#Mk 1:34Akawakataza sana, wasimdhihirishe.</div><div class="s">Yesu Awateua wale Kumi na Wawili</div><div class="p"> 13 # 
 Mt 10:1-4; Lk 6:12-16 Akapanda mlimani, akawaita aliowataka mwenyewe; wakamwendea. 14Akaweka watu kumi na wawili, wapate kuwa pamoja naye, na kwamba awatume kuhubiri, 15tena wawe na amri ya kutoa pepo. 16#Yn 1:42Akawaweka wale Thenashara; na Simoni akampa jina la Petro; 17#Lk 9:54na Yakobo, mwana wa Zebedayo, na Yohana nduguye Yakobo, akawapa jina la Boanerge, maana yake, wana wa ngurumo; 18na Andrea, na Filipo, na Bartholomayo, na Mathayo, na Tomaso, na Yakobo wa Alfayo, na Thadayo, na Simoni Mkananayo, 19na Yuda Iskariote, ndiye aliyemsaliti.</div><div class="s">Yesu na Belzebuli</div><div class="p">Kisha akaingia nyumbani. 20Mkutano wakakusanyika tena, hata wao wenyewe wasiweze hata kula mkate. 21#Yn 7:20; 8:48,52; 10:20Jamaa zake walipopata habari wakatoka kwenda kumkamata; maana walisema, Amerukwa na akili. 22#Mt 12:24-32; Lk 11:15-22; 12:10#Mt 9:34; 10:25Nao waandishi walioshuka kutoka Yerusalemu wakasema, Ana Beelzebuli, na, Kwa mkuu wa pepo huwatoa pepo. 23Akawaita, akawaambia kwa mifano, Awezaje Shetani kumtoa Shetani? 24Na ufalme ukifitinika juu ya nafsi yake, ufalme huo hauwezi kusimama; 25na nyumba ikifitinika juu ya nafsi yake, nyumba hiyo haiwezi kusimama. 26Na kama Shetani ameondoka juu ya nafsi yake, akafitinika, hawezi kusimama, bali huwa na kikomo. 27Hawezi mtu kuingia ndani ya nyumba ya mtu mwenye nguvu, na kuviteka vitu vyake, asipomfunga kwanza yule mwenye nguvu; ndipo atakapoiteka nyumba yake. 28Amin, nawaambia, Dhambi zote watasamehewa wanadamu, na kufuru zao watakazokufuru zote; 29#Lk 12:10bali mtu atakayemkufuru Roho Mtakatifu hana msamaha hata milele; ila atakuwa ana dhambi ya milele, 30#Mk 3:22kwa vile walivyosema, Ana pepo mchafu.</div><div class="s">Mfano wa Mpanzi</div><div class="p"> 31 # 
 Mt 12:46-50; Lk 8:19-21 Wakaja mamaye na nduguze; wakasimama nje, wakatuma mtu kumwita. 32Na makutano walikuwa wameketi, wakimzunguka, wakamwambia, Tazama, mama yako na ndugu zako wako nje, wanakutafuta. 33Akawajibu, akisema, Mama yangu na ndugu zangu ni akina nani? 34Akawatazama wale walioketi wakimzunguka pande zote, akasema, Tazama, mama yangu na ndugu zangu! 35Kwa maana mtu ye yote atakayeyafanya mapenzi ya Mungu, huyo ndiye ndugu yangu, na umbu langu, na mama yangu.</div>
 </div>
 </div>
</div>

Swahili Union Version (SUV): © Bible Society of Tanzania and Bible Society of Kenya, 1952, 1997. All rights reserved. lt/pgt ltpgtSwahili Union Version (SUV): Hakimiliki -1952, 1997: kwa: Chama cha Biblia cha Tanzania na Chama cha Biblia cha Kenya. Haki zote zimehifadhiwa.

<div class="version vid164 iso6393swh" data-vid="164" data-iso6393="swh">
 <div class="book bkMRK">
 <div class="chapter ch4" data-usfm="MRK.4">
 <div class="label">4</div><div class="s">Mfano wa Mpanzi</div><div class="p"> 1 # 
 <span class="ref" data-usfm="MAT.13.1+MAT.13.2+MAT.13.3+MAT.13.4+MAT.13.5+MAT.13.6+MAT.13.7+MAT.13.8+MAT.13.9+MAT.13.10+MAT.13.11+MAT.13.12+MAT.13.13+MAT.13.14+MAT.13.15+MAT.13.16+MAT.13.17+MAT.13.18+MAT.13.19+MAT.13.20+MAT.13.21+MAT.13.22+MAT.13.23+MAT.13.24+MAT.13.25+MAT.13.26+MAT.13.27+MAT.13.28">Mt 13:1-28; Lk 8:4-15 # 
 Lk 5:1-3
 Akaanza kufundisha tena kando ya bahari. Wakamkusanyikia mkutano mkubwa mno, hata yeye akapanda chomboni, akakaa baharini, mkutano wote ulikuwako juu ya nchi kavu kando ya bahari. 2Akawafundisha mambo mengi kwa mifano, akawaambia katika mafundisho yake, 3Sikilizeni; Tazama, mpanzi alitoka kwenda kupanda; 4ikawa alipokuwa akipanda, mbegu nyingine ilianguka kando ya njia, wakaja ndege wakaila. 5Nyingine ikaanguka penye mwamba, pasipokuwa na udongo mwingi; mara ikaota kwa kuwa na udongo haba; 6hata jua lilipozuka iliungua, na kwa kuwa haina mizizi ikanyauka. 7Nyingine ikaanguka penye miiba; ile miiba ikamea ikaisonga, isizae matunda. 8Nyingine zikaanguka penye udongo ulio mzuri, zikazaa matunda, zikimea na kukua, na kuzaa, moja thelathini, moja sitini, na moja mia. 9Akasema, Aliye na masikio ya kusikilia, na asikie.</div><div class="s">Makusudi ya Mifano</div><div class="p"> 10Naye alipokuwa peke yake, wale watu waliomzunguka, na wale Thenashara, walimwuliza habari za ile mifano. 11#1 Kor 5:12Akawaambia, Ninyi mmejaliwa kuijua siri ya ufalme wa Mungu, bali kwa wale walio nje yote hufanywa kwa mifano,</div><div class="q"> 12 # 
 Isa 6:9,10; Yn 12:40; Mdo 28:26 ili wakitazama watazame, wasione;</div><div class="q">Na wakisikia wasikie, wasielewe;</div><div class="q2">Wasije wakaongoka, na kusamehewa.</div><div class="p"> 13Akawaambia, Hamjui mfano huu? Basi mifano yote mtaitambuaje? 14Mpanzi huyo hulipanda neno. 15Hawa ndio walio kando ya njia lipandwapo neno; nao, wakiisha kusikia, mara huja Shetani, akaliondoa lile neno lililopandwa mioyoni mwao. 16Kadhalika na hawa ndio wapandwao penye miamba, ambao kwamba wakiisha kulisikia lile neno, mara hulipokea kwa furaha; 17ila hawana mizizi ndani yao, bali hudumu muda mchache; kisha ikitokea dhiki au udhia kwa ajili ya lile neno, mara hujikwaa. 18Na hawa ndio wale wapandwao penye miiba; ni watu walisikiao lile neno, 19#Mk 10:23,24na shughuli za dunia, na udanganyifu wa mali, na tamaa za mambo mengine zikiingia, hulisonga lile neno, likawa halizai. 20Na hawa ndio waliopandwa penye udongo ulio mzuri; ni watu walisikiao lile neno na kulipokea, na kuzaa matunda, mmoja thelathini, mmoja sitini, na mmoja mia.</div><div class="s">Taa chini ya Pishi</div><div class="p"> 21 # 
 Lk 8:16-18
 # 
 Mt 5:15; Lk 11:33 Akawaambia, Mwaonaje? Taa huja ili kuwekwa chini ya pishi, au mvunguni? Si kuwekwa juu ya kiango? 22#Mt 10:26; Lk 12:2Kwa maana hakuna neno lililositirika, ila makusudi lije likadhihirika; wala hakuna lililofichwa, ila makusudi lije likatokea wazi. 23Mtu akiwa na masikio ya kusikilia, na asikie. 24#Mt 7:2; Lk 6:38Akawaambia, Angalieni msikialo; kipimo kile mpimacho ndicho mtakachopimiwa, na tena mtazidishiwa. 25#Mt 13:12; 25:29; Lk 19:26Kwa maana mwenye kitu atapewa, naye asiye na kitu, hata kile alicho nacho atanyang&#8217;anywa.</div><div class="s">Mfano wa Mbegu Inayokua</div><div class="p"> 26Akasema, Ufalme wa Mungu, mfano wake ni kama mtu aliyemwaga mbegu juu ya nchi; 27#Yak 5:7akawa akilala na kuondoka, usiku na mchana, nayo mbegu ikamea na kukua, asivyojua yeye. 28Maana nchi huzaa yenyewe; kwanza jani, tena suke, kisha ngano pevu katika suke. 29#Yoe 3:13Hata matunda yakiiva, mara atapeleka mundu, kwa kuwa mavuno yamefika.</div><div class="s">Mfano wa Punje ya Haradali</div><div class="p"> 30 # 
 Mt 13:31,32,34; Lk 13:18,19 Akasema, Tuulinganishe na nini ufalme wa Mungu? Au tuutie katika mfano gani? 31Ni kama punje ya haradali, ambayo ipandwapo katika nchi, ingawa ni ndogo kuliko mbegu zote zilizo katika nchi, 32#Dan 4:12,21; Eze 17:23; 31:6lakini ikiisha kupandwa hukua, ikawa kubwa kuliko miti yote ya mboga, ikafanya matawi makubwa; hata ndege wa angani waweza kukaa chini ya uvuli wake.</div><div class="s">Matumizi ya Mifano</div><div class="p"> 33Kwa mifano mingi ya namna hii alikuwa akisema nao neno lake, kwa kadiri walivyoweza kulisikia; 34wala pasipo mfano hakusema nao; lakini akawaeleza wanafunzi wake mwenyewe mambo yote kwa faragha.</div><div class="s">Yesu Atuliza Dhoruba</div><div class="p"> 35 # 
 Mt 8:18,23-27; Lk 8:22-25 Siku ile kulipokuwa jioni, akawaambia, Na tuvuke mpaka ng&#8217;ambo. 36Wakauacha mkutano, wakamchukua vile vile alivyo katika chombo. Na vyombo vingine vilikuwako pamoja naye. 37Ikatokea dhoruba kuu ya upepo, mawimbi yakakipiga chombo hata kikaanza kujaa maji. 38Naye mwenyewe alikuwapo katika shetri, amelala juu ya mto; wakamwamsha, wakamwambia, Mwalimu, si kitu kwako kuwa tunaangamia? 39Akaamka, akaukemea upepo, akaiambia bahari, Nyamaza, utulie. Upepo ukakoma, kukawa shwari kuu. 40Akawaambia, Mbona mmekuwa waoga? Hamna imani bado? 41Wakaingiwa na hofu kuu, wakaambiana, Ni nani huyu, basi, hata upepo na bahari humtii?</div>
 </div>
 </div>
</div>

MarkoMfano

Andiko

Kuhusu Mpango huu

Mipangilio yanayo husiana