<div class="version vid1064 iso6393nnp" data-vid="1064" data-iso6393="nnp">
 <div class="book bkLUK">
 <div class="chapter ch14" data-usfm="LUK.14">
 <div class="label">14</div><div class="s1">Jisu-e Kakmix tuita Am&#252;i</div><div class="p"> 1Nyixta nazak nyix Jisu-e farisibu khama akhokya mixs&#252;n tuita hom to fongsax ang thung; kh&#252;naknue chix to khile hungo. 2Cha-chak fingle kak kya mixs&#252;n tuita Jisu hato ngui, 3ikoxle Jisu-e Wanlom tsingpabu hia farisibu ang th&#252;i: &#8220;Nazak nyix kaklak chiam&#252;im&#252;ikya li hex? Wanlom ma b&#252;le t&#252;ipuix?&#8221;</div><div class="p"> 4Ikoxle hwome kaxsu chid&#252;n. Ikoxle chixe ija mixs&#252;n to twonle am&#252;i ilaxle chix pao ang kox. 5#Mat 12.11.If&#252;ima chixe hwom ang th&#252;i: &#8220;Th&#252;tba, nang naosa chichangba maihu nazak nyixkha t&#252;k&#252;i khato d&#252;t, ikoxle nazak nyixkha changkoxchu ija nange nonokhaile m&#252;nad&#252;n&#252;i hex nyi?&#8221;</div><div class="p"> 6Hwome ibu bama chix kax to lan ang chitho.</div><div class="s1">Jonaikya hia W&#252;npwon Mankya</div><div class="p"> 7Mixw&#252;nbue ngwotnui am&#252;im&#252;i kop ang atinkya Jisu-e ng&#252;n, idaile ija kaxpan chixe hwom pangnu ang akax: 8#Wan 25.6,7.&#8220;Owawae nang tuiju nasom to ahyen pongma t&#252;ntong atsuakya ma thung ang taxth&#252;i: olele nang f&#252;i s&#252;chongkya kh&#252;nak tuita hopunue ahyenkya mix jangt&#252;i th&#252;iba, h&#252;nkhi ahyenkya mixe nang hato h&#252;ilaxle nang ang th&#252;i&#252;i, 9&#8216;Ikhama chix w&#252;i thung ang laxkox.&#8217; Ijama th&#252;nzak kake nang akiakya khato thung ang achexle pao&#252;i. 10Ikoxle otue nang nyak&#252;i hex, nguilaxle nang apexkya ngwotnui ma thungkox, &#252;ntoxle otue nang ahyenkya mix h&#252;i&#252;ihex, chixe nang ang th&#252;i&#252;i, &#8216;T&#252;inao, thakchi to dongkox.&#8217; Ile changkyae tomle fongsax ang thungle ngokyabu pomthoma ma nang achuak kya tuita ang achang&#252;i. 11#Mat 23.12; Luk 18.14.Chemth&#252;ikoxle owae ma al&#252;ile achen &#252;ihex, chix a ahixkya ang achang&#252;i; &#252;ntoxle opange ma al&#252;ile ahixkya ang changpuix, hwom achen&#252;i.&#8221;</div><div class="p"> 12If&#252;ima chixe ahyenkya mix angchu th&#252;i: &#8220;Otue nange fongkha &#252;ihex, nang zuikhuibu w&#252;i changlax, t&#252;inao w&#252;i changlax, kako homkha w&#252;i changlax, aluakya tomzi w&#252;i changlax, tax ahyen; ile changkoxle hwome nang chatle ahyen&#252;i, &#252;ntoxle ile nange chem fapuix ija ol&#252;ix achatle koxkya ang achang&#252;i. 13Otue nange fongkha&#252;i hex, mixshix-zasabu, chifai-chaknyaibu, &#252;ntoxle miksut nababu ahyenkox; 14ijama hwome nang to mohiman&#252;i; chemth&#252;ikoxle hwome nang ang ol&#252;ix achatle kox ang chitho&#252;i; ikoxle otsao kh&#252;nakbu chatle zo ningle Zange nang ang ol&#252;ix a chatle kox&#252;i.&#8221;</div><div class="s1">Fongkhat Achongkya Kaxpan</div><div class="r">(Mat 22.1-10)</div><div class="p"> 15&#220;ntoxle chix f&#252;i tomle fongsax ang thungle ngokyabu kha angkya kh&#252;nak tuitae ija atatkya zuma, chixe Jisu ang th&#252;i: &#8220;Zang Wangting fongs&#252;t ma hak angkyabu mohiman huanu!&#8221;</div><div class="p"> 16Jisu-e chix ang th&#252;i: &#8220;Kh&#252;nak tuita huanuma fongkha laxle p&#252;ntuxkya to kh&#252;naknu ahyenkya mixs&#252;n tuita t&#252;ikya. 17Pangnu achwon laxle fongsax &#252;ima, &#8216;Athaxpi oman, nguih&#252;i! chemth&#252;ikoxle s&#252;tling pangnu w&#252;i achwondaoa&#8217; le ahyen daokyabu se ang oda tsanle apao. 18Ikoxle hwom pangnue w&#252;i ata f&#252;ima ata-e le, &#8216;M&#252;nnguitsuak&#252;i, taxma ta th&#252;ikox&#8217; le th&#252;i ang s&#252;t. Owang angkya mixe th&#252;i: &#8216;Kue haxtok tuita shakle kopdaoa, ku a ija to hu ang pao angkya changle, s&#252;taxma ta th&#252;ikox.&#8217; 19Mama mixe th&#252;i: &#8216;Kue zangmo ang maihu han aga shakle kopdaoa, ku a ijabu wanle ano ang pao&#252;i, s&#252;taxma ta th&#252;ikox.&#8217; 20Ata mixechu w&#252;i th&#252;i: &#8216;Athax kue kako tankop daoa, ku h&#252;i ang m&#252;ntho&#252;i changa.&#8217;</div><div class="p"> 21&#8220;Da chatlaxle ibu pangw&#252;i hopupa hama w&#252;n. Opupa ang mongma, ilaxle chixe chix da f&#252;i akax, &#8216;Momlax! tingjang angkya hia osam osyen to ngokyabu mixshix-zasa, chifai-chaknyai, miksut naba hia ofai oshokbu hwople ap&#252;ih&#252;i.&#8217; 22If&#252;ima aluile homle chingole dae th&#252;i: &#8216;Opunu, nang kax ningle mokdaoa, ikoxle ngwotnui chatlechu t&#252;ihu le.&#8217; 23Chatlechu hopupae da ang th&#252;i: &#8216;Ja-lyet lomnu hia faokat-suiw&#252;n lom to paokox, ilaxle ku hom nax awang ang, t&#252;tale w&#252;i changlax hwom sele ap&#252;ikox. 24Chemth&#252;ikoxle kue th&#252;ipu, ami ahyendaokyabu owachu ku fongs&#252;t ma hak ang m&#252;nkox&#252;i!&#8217;&#8221;</div><div class="s1">F&#252;izuimix ang achangkya Otha</div><div class="r">(Mat 10.37-38)</div><div class="p"> 25Hanpak tuita ma kh&#252;naknu othom chongkya Jisu f&#252;i tomle aham ngoponge, chixe ak&#252;ile hulaxle hwom ang th&#252;i: 26#Mat 10.37.&#8220;Ku hato h&#252;ikya owachu, chixe manu mapa, ma kako hia susabu, mana manaobu ilaxle ma to al&#252;ile k&#252;nkya thak to ku to chiluaba, ku wangshem ang achang ang m&#252;ntho. 27#Mat 10.38; 16.24; Mrk 8.34; Luk 9.23.Ku f&#252;ito ma p&#252;nsak pai laxle chih&#252;ikya mix ku wangshem ang achang ang m&#252;ntsuak.</div><div class="p"> 28&#8220;H&#252;nzom khama owawae long katuk z&#252;n zingse jangtsuba, mwot ashuk aza tang ngun chit&#252;i hia t&#252;ipuixle awan ang, owangole chix thung &#252;ntoxle otha otukux s&#252;t&#252;ihex, ija ajangle kop angkya changle. 29Chixe ile chimok kop jangth&#252;iba, ocha zaile mokf&#252;ima chixe mwot ashuk ang chitho&#252;i; ilaxle ile changkya ang&#252;n-ng&#252;n noke chix chanyi&#252;i. 30Hwome th&#252;i&#252;i, &#8216;Ija mixs&#252;ne zing ang owang wanglanlaxle ashuk ang chitsuak langle!&#8217;</div><div class="p"> 31&#8220;Chichangba s&#252;pahi jatb&#252;n f&#252;ikya wanghom tuitae hozui wanghom zan to ka&#252;ima, chix f&#252;i azan ang jattsa kop laxle h&#252;ikya wanghom f&#252;i apong ang chitho&#252;i hia tho&#252;ihex le, pongwangma w&#252;i thung laxle ajangle kop angkya oli changle. 32Chixe chitho&#252;i ningle jangchangba oba atsaile t&#252;iponge w&#252;i achale, chix hato kaxho mix akatle, muam&#252;i angkya bama zangw&#252;n angkya changle. 33Ilailaile chix ma at&#252;it&#252;i bakle chiaw&#252;t tox jangth&#252;iba h&#252;nzom kha angkya owachu ku f&#252;izuimix ang achang ang m&#252;ntho.&#8221;</div><div class="s1">Mwot to Chithapkya Hum</div><div class="r">(Mat 5.13; Mrk 9.50)</div><div class="p"> 34&#8220;Hum am&#252;ikya, ikoxle ija tikya jang-am&#252;tdao th&#252;iba, chatle ija atik tsuak angkya olom m&#252;nt&#252;i. 35Athax ija a haxwan zongmachu m&#252;nm&#252;i &#252;ntoxle pangtsa s&#252;inui zongmachu m&#252;nm&#252;i; kh&#252;nake ija aw&#252;t&#252;i. Owa ma na zaipuix chixe apalax.&#8221;</div>
 </div>
 </div>
</div>

Nyixta nazak nyix Jisu-e farisibu khama akhokya mixsün tuita hom to fongsax ang thung; khünaknue chix to khile hungo. Cha-chak fingle kak kya mixsün tuita Jisu hato ngui, ikoxle Jisu-e Wanlom tsingpabu hia farisibu ang thüi: “Nazak nyix kaklak chiamüimüikya li hex? Wanlom ma büle tüipuix?”
Ikoxle hwome kaxsu chidün. Ikoxle chixe ija mixsün to twonle amüi ilaxle chix pao ang kox. Ifüima chixe hwom ang thüi: “Thütba, nang naosa chichangba maihu nazak nyixkha tüküi khato düt, ikoxle nazak nyixkha changkoxchu ija nange nonokhaile münadünüi hex nyi?”
Hwome ibu bama chix kax to lan ang chitho.

Mixwünbue ngwotnui amüimüi kop ang atinkya Jisu-e ngün, idaile ija kaxpan chixe hwom pangnu ang akax: “Owawae nang tuiju nasom to ahyen pongma tüntong atsuakya ma thung ang taxthüi: olele nang füi süchongkya khünak tuita hopunue ahyenkya mix jangtüi thüiba, hünkhi ahyenkya mixe nang hato hüilaxle nang ang thüiüi, ‘Ikhama chix wüi thung ang laxkox.’ Ijama thünzak kake nang akiakya khato thung ang achexle paoüi. Ikoxle otue nang nyaküi hex, nguilaxle nang apexkya ngwotnui ma thungkox, üntoxle otue nang ahyenkya mix hüiüihex, chixe nang ang thüiüi, ‘Tüinao, thakchi to dongkox.’ Ile changkyae tomle fongsax ang thungle ngokyabu pomthoma ma nang achuak kya tuita ang achangüi. Chemthüikoxle owae ma alüile achen üihex, chix a ahixkya ang achangüi; üntoxle opange ma alüile ahixkya ang changpuix, hwom achenüi.”
Ifüima chixe ahyenkya mix angchu thüi: “Otue nange fongkha üihex, nang zuikhuibu wüi changlax, tüinao wüi changlax, kako homkha wüi changlax, aluakya tomzi wüi changlax, tax ahyen; ile changkoxle hwome nang chatle ahyenüi, üntoxle ile nange chem fapuix ija olüix achatle koxkya ang achangüi. Otue nange fongkhaüi hex, mixshix-zasabu, chifai-chaknyaibu, üntoxle miksut nababu ahyenkox; ijama hwome nang to mohimanüi; chemthüikoxle hwome nang ang olüix achatle kox ang chithoüi; ikoxle otsao khünakbu chatle zo ningle Zange nang ang olüix a chatle koxüi.”


Üntoxle chix füi tomle fongsax ang thungle ngokyabu kha angkya khünak tuitae ija atatkya zuma, chixe Jisu ang thüi: “Zang Wangting fongsüt ma hak angkyabu mohiman huanu!”
Jisu-e chix ang thüi: “Khünak tuita huanuma fongkha laxle püntuxkya to khünaknu ahyenkya mixsün tuita tüikya. Pangnu achwon laxle fongsax üima, ‘Athaxpi oman, nguihüi! chemthüikoxle sütling pangnu wüi achwondaoa’ le ahyen daokyabu se ang oda tsanle apao. Ikoxle hwom pangnue wüi ata füima ata-e le, ‘Münnguitsuaküi, taxma ta thüikox’ le thüi ang süt. Owang angkya mixe thüi: ‘Kue haxtok tuita shakle kopdaoa, ku a ija to hu ang pao angkya changle, sütaxma ta thüikox.’ Mama mixe thüi: ‘Kue zangmo ang maihu han aga shakle kopdaoa, ku a ijabu wanle ano ang paoüi, sütaxma ta thüikox.’ Ata mixechu wüi thüi: ‘Athax kue kako tankop daoa, ku hüi ang münthoüi changa.’
“Da chatlaxle ibu pangwüi hopupa hama wün. Opupa ang mongma, ilaxle chixe chix da füi akax, ‘Momlax! tingjang angkya hia osam osyen to ngokyabu mixshix-zasa, chifai-chaknyai, miksut naba hia ofai oshokbu hwople apüihüi.’ Ifüima aluile homle chingole dae thüi: ‘Opunu, nang kax ningle mokdaoa, ikoxle ngwotnui chatlechu tüihu le.’ Chatlechu hopupae da ang thüi: ‘Ja-lyet lomnu hia faokat-suiwün lom to paokox, ilaxle ku hom nax awang ang, tütale wüi changlax hwom sele apüikox. Chemthüikoxle kue thüipu, ami ahyendaokyabu owachu ku fongsüt ma hak ang münkoxüi!’”


Hanpak tuita ma khünaknu othom chongkya Jisu füi tomle aham ngoponge, chixe aküile hulaxle hwom ang thüi: “Ku hato hüikya owachu, chixe manu mapa, ma kako hia susabu, mana manaobu ilaxle ma to alüile künkya thak to ku to chiluaba, ku wangshem ang achang ang müntho. Ku füito ma pünsak pai laxle chihüikya mix ku wangshem ang achang ang müntsuak.
“Hünzom khama owawae long katuk zün zingse jangtsuba, mwot ashuk aza tang ngun chitüi hia tüipuixle awan ang, owangole chix thung üntoxle otha otukux sütüihex, ija ajangle kop angkya changle. Chixe ile chimok kop jangthüiba, ocha zaile mokfüima chixe mwot ashuk ang chithoüi; ilaxle ile changkya angün-ngün noke chix chanyiüi. Hwome thüiüi, ‘Ija mixsüne zing ang owang wanglanlaxle ashuk ang chitsuak langle!’
“Chichangba süpahi jatbün füikya wanghom tuitae hozui wanghom zan to kaüima, chix füi azan ang jattsa kop laxle hüikya wanghom füi apong ang chithoüi hia thoüihex le, pongwangma wüi thung laxle ajangle kop angkya oli changle. Chixe chithoüi ningle jangchangba oba atsaile tüiponge wüi achale, chix hato kaxho mix akatle, muamüi angkya bama zangwün angkya changle. Ilailaile chix ma atüitüi bakle chiawüt tox jangthüiba hünzom kha angkya owachu ku füizuimix ang achang ang müntho.”


“Hum amüikya, ikoxle ija tikya jang-amütdao thüiba, chatle ija atik tsuak angkya olom müntüi. Athax ija a haxwan zongmachu münmüi üntoxle pangtsa süinui zongmachu münmüi; khünake ija awütüi. Owa ma na zaipuix chixe apalax.”

கேளுங்கள் LUK 14