Serer Version Eglise luthérienne du Sénégal (Non-Drama)

NQAARIIT NE ROOG

<div class="version vid3751 iso6393srr" data-vid="3751" data-iso6393="srr">
 <div class="book bkGEN">
 <div class="chapter ch12" data-usfm="GEN.12">
 <div class="label">12</div><div class="ms1">ABRAHAM</div><div class="mr">(12&#8212;25)</div><div class="s1">Roog a xoya a Abram ndax ta xa&#436; saax um</div><div class="p"> 1O Yaal oxe a laya a Abram ee:</div><div class="m">&#171;Inooxi no saax of, kaam ee o inoox no mbaafaap of, waas mbind faap of, too ret no saax lakas le um lalkang#12:1 saax le um lalkang Abram a inoora Babilon, a ret saax laa Kanaan..#Pi 7:2-3; Heb 11:8 2Xam sutit na wo xeet fa maak#12:2 xeet fa maak feene refu ref xeet fee Isra&#8217;el., too xam barke&#8217;ong. Xam fi&#8217;ong o yaal gon maak, too a cur barke tigi o refkaa. 3We na salankang paax, xam barke a den, ndaa oxuu salooxoonga, xam salooxin. Qeet ke na adna fee fop na wo a mbarke&#8217;itkeel.&#187;#Gal 3:8</div><div class="p"> 4Abram a reta, ne o Yaal oxe a layit&#8217;uuna o ten, soo Lot a yoon fo ten. Abram a jeg&#8217;a xa kiid qar&#595;een &#595;etuu &#429;ik fo xa kiid xa &#421;etaq ye ta inoorna Xaraan. 5A xota a Saarayi fee o teem fa Lot fee o &#421;iy no nde&#595; um#12:5 o nde&#595; Abram refu Haran. fo kalal ke da njeg&#8217;ina fop fo fa&#599; we da njegit&#8217;ina Xaraan. A inooxa soo a ndet no saax le Kanaan.</div><div class="s1">Abram kam Kanaan fo kam Misira</div><div class="p">Ye Abramiin a mbadiidna no saax le Kanaan, 6Abram a xaa&#241;a saax le boo no mbi&#241; onqaa ne&#8217;eena Sikeem, a suur boo no ngari&#241; naa More. Na jamaane faaga Kaakanaan we no saax le a ngenoogu.</div><div class="p"> 7O Yaal oxe a fee&#241;ooxa a Abram, a layin ee: &#171;Saax leeke, xam ci&#8217;in xa taan of.&#187; Abram a maxana o Yaal oxe o sadaxand no mbi&#241; onqe ta fee&#241;oor&#8217;uuna.#Pi 7:5; Gal 3:16 8Cinj kaaga, a &#599;isa &#429;iif ke ten, ndax ta ret na xa coong axaa no batand naa Betel. A sipa &#429;iif um ndeer Betel refna no mudand fa Ay refna no batand. A maxana o Yaal oxe maaga o sadaxand, soo a &#436;ufginoor gon le no Yaal oxe. 9Abram a dakooxa ref na &#241;aa&#392;, a jagin no &#595;emb-roog o &#241;amaak.</div><div class="p"> 10Biim a yena kam saax le, soo Abram a ret Misira ndax ta moof maaga, yaam biim le kaa &#599;om&#8217;u lool no saax le. 11Yaa da mbaamnookna Misira, Abram a laya a Saarayi fee o teem ee:</div><div class="p">&#171;Ga&#8217;aa koy, andaam ee o tew o mosu refo, 12too yaa Miimisira we a nga&#8217;kang xan a lay ee: &#8249;O teem oo!&#8250; Maaga, xan a mbaraam soo a nqa&#436;ong o &#241;oow. 13Fat o lay ee o cigeen es refo, ndax um dalnel a paax, soo o tax um muc.&#187;#20:2; 26:7</div><div class="p"> 14Ye Abram a fadiidna Misira, Miimisira we a nga&#8217;a yee o teem kaa mos bo nen li&#421;. 15A kag ake no maat ne Firawon a nga&#8217;aan itam, soo a yegnin a Firawon fee. Maaga, o tew oxe a &#595;ise no mbind no maad ne Firawon fee. 16Abram o mat a dalne a paax yaam o tew oxe. A cooxe a ked fo xa siir fo xa paam fo fa&#599; goor fo rew fo xa paam xa tew fo keeleemb. 17O Yaal oxe a xawta a Firawon fee fo wiin mbind um xa &#429;omel xa maak yaam Saarayi fee o tew Abram. 18Maaga, Firawon fee a xoyna a Abram, a layin ee:</div><div class="p">&#171;Xar fi&#8217;axamo kene? Xar taxu layiraamo yee o teef oo? 19Xar taxu o lay ee o cigeen of oo boo a tax um fi&#8217;in nen o tees? Ndiiki koy, o teef oo xeene! Jangeen too naag col ret!&#187;</div><div class="p"> 20Firawon fee a hebla dag we ten da sutin saax le, ten fo o teem fo ke ta jeg&#8217;ina fop.</div>
 </div>
 </div>
</div>

O Yaal oxe a laya a Abram ee:
«Inooxi no saax of, kaam ee o inoox no mbaafaap of, waas mbind faap of, too ret no saax lakas le um lalkang. Xam sutit na wo xeet fa maak, too xam barke’ong. Xam fi’ong o yaal gon maak, too a cur barke tigi o refkaa. We na salankang paax, xam barke a den, ndaa oxuu salooxoonga, xam salooxin. Qeet ke na adna fee fop na wo a mbarke’itkeel.»
Abram a reta, ne o Yaal oxe a layit’uuna o ten, soo Lot a yoon fo ten. Abram a jeg’a xa kiid qarɓeen ɓetuu ƭik fo xa kiid xa ƥetaq ye ta inoorna Xaraan. A xota a Saarayi fee o teem fa Lot fee o ƥiy no ndeɓ um fo kalal ke da njeg’ina fop fo faɗ we da njegit’ina Xaraan. A inooxa soo a ndet no saax le Kanaan.

Ye Abramiin a mbadiidna no saax le Kanaan, Abram a xaaña saax le boo no mbiñ onqaa ne’eena Sikeem, a suur boo no ngariñ naa More. Na jamaane faaga Kaakanaan we no saax le a ngenoogu.
O Yaal oxe a feeñooxa a Abram, a layin ee: «Saax leeke, xam ci’in xa taan of.» Abram a maxana o Yaal oxe o sadaxand no mbiñ onqe ta feeñoor’uuna. Cinj kaaga, a ɗisa ƭiif ke ten, ndax ta ret na xa coong axaa no batand naa Betel. A sipa ƭiif um ndeer Betel refna no mudand fa Ay refna no batand. A maxana o Yaal oxe maaga o sadaxand, soo a ƴufginoor gon le no Yaal oxe. Abram a dakooxa ref na ñaaƈ, a jagin no ɓemb-roog o ñamaak.
Biim a yena kam saax le, soo Abram a ret Misira ndax ta moof maaga, yaam biim le kaa ɗom’u lool no saax le. Yaa da mbaamnookna Misira, Abram a laya a Saarayi fee o teem ee:
«Ga’aa koy, andaam ee o tew o mosu refo, too yaa Miimisira we a nga’kang xan a lay ee: ‹O teem oo!› Maaga, xan a mbaraam soo a nqaƴong o ñoow. Fat o lay ee o cigeen es refo, ndax um dalnel a paax, soo o tax um muc.»
Ye Abram a fadiidna Misira, Miimisira we a nga’a yee o teem kaa mos bo nen liƥ. A kag ake no maat ne Firawon a nga’aan itam, soo a yegnin a Firawon fee. Maaga, o tew oxe a ɓise no mbind no maad ne Firawon fee. Abram o mat a dalne a paax yaam o tew oxe. A cooxe a ked fo xa siir fo xa paam fo faɗ goor fo rew fo xa paam xa tew fo keeleemb. O Yaal oxe a xawta a Firawon fee fo wiin mbind um xa ƭomel xa maak yaam Saarayi fee o tew Abram. Maaga, Firawon fee a xoyna a Abram, a layin ee:
«Xar fi’axamo kene? Xar taxu layiraamo yee o teef oo? Xar taxu o lay ee o cigeen of oo boo a tax um fi’in nen o tees? Ndiiki koy, o teef oo xeene! Jangeen too naag col ret!»
Firawon fee a hebla dag we ten da sutin saax le, ten fo o teem fo ke ta jeg’ina fop.

கேளுங்கள் Mberaand 12