Uripiv-Wala-Rano-Atchin: Uripiv New Testament New Testament only

Naul On Nga Mimerr Uripiv

<div class="version vid525 iso6393upv" data-vid="525" data-iso6393="upv">
 <div class="book bkLUK">
 <div class="chapter ch17" data-usfm="LUK.17">
 <div class="label">17</div><div class="s">Jinibb nga muloli jinibb m&#771;inij m&#771;ijilaklak mivitan van renge nololien</div><div class="p"> 1Iesu owrai tevi jinibb sen nir owra &#8220;Nanu nga parloli jinibb parjilaklak parvitan van renge nololien parini ko wor, sete orongwos pijki. Iok ewretun, ko wi pia-sij wor niko renge m&#771;er nga pia-la nanu ngok nir parpelari! 2Erres p&#771;elak poro nga parsaro puwomu pingavil parla nev&#246;t nga milep ko san, ko parile dil renge m&#771;ernen nowen ko parjur&#246;ni ngalu renge dis mot, p&#771;iasie nga poro puloli nir nga welili ngel san p&#771;ijilaklak pivitan van renge nololien.</div><div class="s">Jinibb p&#771;itlasi tweni nololien se jinibb ko wor</div><div class="p"> 3&#8220;Kami kapmetmet lululweni kami lweni ko wor. Poro tuwam rreknga tasim puloli p&#771;isij tevim, ko nik kupwera lilane ko wor tevi ni. Ko poro nolon pulululwi, ko kuptelasi tweni nololien sen. 4Ko poro puloli p&#771;isij tevi nik pivavis kis renge nabong sansan bbong, ko ngok poro pulwi vini jim puwra nolon olululwi, ko ngok, nik kuptelasi tweni ko wor.&#8221;</div><div class="s">Nosurien se jinibb nga muosuri Atua</div><div class="p"> 5Ko aposol nir arwerai tevi Iesu arwera &#8220;Numal, kuploli nosurien se kem puruj kele wor van mare.&#8221; 6Ko Numal owra lweni tevir owra &#8220;Po, ko poro nosurien se kami puwelili bbong pirpe jelangi nubek,#Erpe iel, Luk orrongrrongvi nosurien ser erpe jelangi mastat; ko suri mastat ejki iel, namlingi nubek, nga puloli mining ne nale se Luk piplari limjer. ko kamrongwos kapwerai tevi nai sikmon nga milep ngel, &#8216;Nik lweni kuprrangi twenim ko kupan kuptur renge dis,&#8217; ko ni puloli kobbong pirpe nga kami kamwerai ngok ko tevi.</div><div class="s">Murrun se jinibb nga m&#771;imajing</div><div class="p"> 7&#8220;Ko isi niko renge kami poro jinibb ne majingen sen p&#771;imajing renge orsel p&#771;ilawlaw rreknga pimetmete sipsip, ko poro pulwi vini ngaim e, ko nik kupwerai tevi, &#8216;Erres, kupsaro pingavil, kuptajer ko pa kup&#771;aan.&#8217; 8Ejki rres nawon, nik kupwerai ma tevi &#8216;Nik kuploli nanen suk puto teraik, ko nik kupla netatuw som ko kuptatuwe ko kupselsale nanen suk daron nga inu b&#771;eaan e, ko beminmin jile mun pusuw. Ko vitunen vajin ko nik ko kupa-aan ko kupa-minmin.&#8217; 9Ko kami kamrrorrmi numal nen owra erres tevi jinibb ne majingen sen suri nga muloli nanu ngel nir nga ni muwrai? Ejki! Evi wor nanu nga puloli ko. 10Ko kami kele kapirpok, kaploli nanu jile nga inu nuwrai tevi kami nga kaplolir, ko ngok ololi kami kapwera vajin &#8216;Niko erres ko wor, kem ngel namivi bbong jinibb ne majingen som le, osorsan ko wor renge nabloli pirpok.&#8217; &#8221;</div><div class="s">Iesu ololi jinibb esngav&#246;l nga marmesi e mesien nga niber m&#771;im&#771;emaul arwokwok luwi</div><div class="p"> 11Ko daron nga marivel suri sel nga paran Jerusalem e, ko Iesu eptevir arivel rrurrngi renge liven ne Sameria ko Galili. 12Ko aran laut renge ngaim nen san. Ko jinibb nga marmesi e mesien nga niber m&#771;im&#771;emaul esngav&#246;l arini ji Iesu. Ko sete arini morie, artur bbong ngasu. 13Ko arverus van jin, arwera &#8220;Iesu, Numal, warru kuprrorrmi kem!&#8221; 14Ko Iesu oklu van emtenir, ko owrai tevir &#8220;Kami kapan ji batun jinibb ne sulsulen ko kaploli ni pununri kami.&#8221; Ko daron nga marok-ivel suri bbong sel malum e vini, ko nir jile arwokwok pa osuw. 15Ko san renge nir nga esngav&#246;l ngok m&#771;ilesi muwokwok ko olwi vini ko osr&#246;vi Atua drrelan ean mare jer. 16Ko daron nga mivini ji Iesu, ko ejipa van ngatan renge dan re b&#771;ela Iesu, ko owra erres tevi ni. Ko m&#771;ernen evi m&#771;eri Sameria ko. 17Ko Iesu osusi lweni owra &#8220;Nuwrate nga nuloli nir esngav&#246;l ko arres arwokwok luwi, ko nibeni nir esiw? 18Sete nir san orongwos pulwi vini pusr&#246;vi Atua, m&#771;erel bbong esan nga mivi jinibb neturvitan!&#8221; 19Ko ni owrai tevi m&#771;ernen, &#8220;Kuptur imare ko kupvijuri sel som, ko kupluwi. Nosurien som ololim kumwokwok ko kumrres.&#8221;</div><div class="s">Batun vanu se Atua pivini seveling</div><div class="p"> 20Ko Parasi sopor arsusi tevi Iesu arwera &#8220;Batun vanu se Atua pivini seveling?&#8221; Ko Iesu owra lweni tevir owra &#8220;Batun vanu se Atua sete orongwos pivini renge sel nga parlesi rengen. 21Sete jinibb san puwrai tevi nik, &#8216;Kuplesi ngel&#8217;, rreknga &#8216;Kuplesi ngokwan,&#8217; ejki. Batun vanu se Atua oto pa renge nolo jinibb.&#8221;</div><div class="s">Nabong se Jinibb Mawos pivini</div><div class="p"> 22Ko Iesu owrai tevi jinibb sen nir owra &#8220;Mian ko daron nen pia-vini nga kami kapmerreni kaplesi nabong se Jinibb Mawos, ko kami sete kamrongwos kaplesi. 23Ko jinibb nir arongwos parwerai tevi kami, parwera &#8216;Kaplesi ngokwan!&#8217;, rreknga &#8216;Kaplesi ngel!&#8217;; ko ngok kami sete kapan kapkulkulu pej te, pijki. 24Erpe navil nga mivil, daron nga mivil renge devje melrin ko mimor vaseni melrin p&#771;etp&#771;eti mivesane mijpari devjen, nga jinibb jijle nir marlesi. Ko ngok pia-irpok renge inu Jinibb Mawos renge daron nga bea-luwi vini. 25Ko womunen inu bornge p&#771;isij renge nanu pilep renge dul nga marmaur lelingen ngel parloli tevik.</div><div class="p"> 26&#8220;Erpe renge daron se Noa tuwi jinibb nir arlelea nawon, ko ngok pirpok ko renge nabong se inu Jinibb Mawos. 27Renge daron nen ko jinibb araan ko arminmin ko arlesi nesevin, ko armusus parunge nale se Noa, mianan mijpari daron nga Noa mian renge lolo drrav nga muwse; ko nuwi owlu ko ervei jinibb nir, ko armij p&#771;etp&#771;eti. 28Pirpe kele nabong se Lot. Jinibb araan ko arminmin ko arwulwul ko aruw ko arilili naim nir. 29Ko mian ko mijpari daron nga Lot mivel lingi Sotom e, ko nabb ko nev&#246;t nga marin arvitvitan renge melrin erpe naus nga mus, ko osli nir, arin p&#771;etp&#771;eti arivi niavin. 30Ngok nabong se inu Jinibb Mawos nga bevini rengen pusorsan tevi ko pirpok.</div><div class="p"> 31&#8220;Ko renge nabong nen, m&#771;er nga m&#771;ililik vare renge naim sen ko joron marto renge loloim, ni sete pian kele mun p&#771;ila twenir. Ko m&#771;er nga mutur renge orsel, ni sete puwlu luwi kele mun van renge naim sen nga p&#771;ila joron. 32Kaprrorrmi sev nga miplari ji nesen se Lot. 33Si nga mimrreni p&#771;ila se mauren sen, m&#771;ernen putor jabble mauren sen. Ko si nga ma mutor jabble mauren sen, ni pia-la lweni mauren sen. 34Ko inu nuwrai tevi kami, renge nat nga mupong nen, jinibb p&#771;ieru pormatur renge maling pisansan; ko parteka tweni tuwen, ko nuru tuwen nen p&#771;ilik jer. 35Ko nesevin p&#771;ieru porlik lat pisansan parvarrvarr; ko nuru tuwen parteka tweni, ko nuru tuwen p&#771;ilik jer. 36[Jinibb p&#771;ieru pormajing renge orsel; tuwen parteka tweni, ko nuru tuwen p&#771;ilik jer.]&#8221;#Nale nga muto re nolo [ ], rrek sete Luk oli, ko jinibb san ea-uli vitue daron nga muli tweni kopi san ne naul ngel. 37Ko jinibb sen nir arwera lweni tevi &#8220;Ngabe ko, Numal?&#8221; Ko Iesu owra lweni tevir owra &#8220;Lat nen kapa-lesi wos bbonge ko. Pirpe daron nga nanu san emij, ko num&#246;n nir nga marok-tasi parmot rrale; orongwos kaplesi wose kobbong ngasu.&#8221;</div>
 </div>
 </div>
</div>

Iesu owrai tevi jinibb sen nir owra “Nanu nga parloli jinibb parjilaklak parvitan van renge nololien parini ko wor, sete orongwos pijki. Iok ewretun, ko wi pia-sij wor niko renge m̃er nga pia-la nanu ngok nir parpelari! Erres p̃elak poro nga parsaro puwomu pingavil parla nevöt nga milep ko san, ko parile dil renge m̃ernen nowen ko parjuröni ngalu renge dis mot, p̃iasie nga poro puloli nir nga welili ngel san p̃ijilaklak pivitan van renge nololien.

“Kami kapmetmet lululweni kami lweni ko wor. Poro tuwam rreknga tasim puloli p̃isij tevim, ko nik kupwera lilane ko wor tevi ni. Ko poro nolon pulululwi, ko kuptelasi tweni nololien sen. Ko poro puloli p̃isij tevi nik pivavis kis renge nabong sansan bbong, ko ngok poro pulwi vini jim puwra nolon olululwi, ko ngok, nik kuptelasi tweni ko wor.”

Ko aposol nir arwerai tevi Iesu arwera “Numal, kuploli nosurien se kem puruj kele wor van mare.” Ko Numal owra lweni tevir owra “Po, ko poro nosurien se kami puwelili bbong pirpe jelangi nubek, ko kamrongwos kapwerai tevi nai sikmon nga milep ngel, ‘Nik lweni kuprrangi twenim ko kupan kuptur renge dis,’ ko ni puloli kobbong pirpe nga kami kamwerai ngok ko tevi.

“Ko isi niko renge kami poro jinibb ne majingen sen p̃imajing renge orsel p̃ilawlaw rreknga pimetmete sipsip, ko poro pulwi vini ngaim e, ko nik kupwerai tevi, ‘Erres, kupsaro pingavil, kuptajer ko pa kup̃aan.’ Ejki rres nawon, nik kupwerai ma tevi ‘Nik kuploli nanen suk puto teraik, ko nik kupla netatuw som ko kuptatuwe ko kupselsale nanen suk daron nga inu b̃eaan e, ko beminmin jile mun pusuw. Ko vitunen vajin ko nik ko kupa-aan ko kupa-minmin.’ Ko kami kamrrorrmi numal nen owra erres tevi jinibb ne majingen sen suri nga muloli nanu ngel nir nga ni muwrai? Ejki! Evi wor nanu nga puloli ko. Ko kami kele kapirpok, kaploli nanu jile nga inu nuwrai tevi kami nga kaplolir, ko ngok ololi kami kapwera vajin ‘Niko erres ko wor, kem ngel namivi bbong jinibb ne majingen som le, osorsan ko wor renge nabloli pirpok.’ ”

Ko daron nga marivel suri sel nga paran Jerusalem e, ko Iesu eptevir arivel rrurrngi renge liven ne Sameria ko Galili. Ko aran laut renge ngaim nen san. Ko jinibb nga marmesi e mesien nga niber m̃im̃emaul esngavöl arini ji Iesu. Ko sete arini morie, artur bbong ngasu. Ko arverus van jin, arwera “Iesu, Numal, warru kuprrorrmi kem!” Ko Iesu oklu van emtenir, ko owrai tevir “Kami kapan ji batun jinibb ne sulsulen ko kaploli ni pununri kami.” Ko daron nga marok-ivel suri bbong sel malum e vini, ko nir jile arwokwok pa osuw. Ko san renge nir nga esngavöl ngok m̃ilesi muwokwok ko olwi vini ko osrövi Atua drrelan ean mare jer. Ko daron nga mivini ji Iesu, ko ejipa van ngatan renge dan re b̃ela Iesu, ko owra erres tevi ni. Ko m̃ernen evi m̃eri Sameria ko. Ko Iesu osusi lweni owra “Nuwrate nga nuloli nir esngavöl ko arres arwokwok luwi, ko nibeni nir esiw? Sete nir san orongwos pulwi vini pusrövi Atua, m̃erel bbong esan nga mivi jinibb neturvitan!” Ko ni owrai tevi m̃ernen, “Kuptur imare ko kupvijuri sel som, ko kupluwi. Nosurien som ololim kumwokwok ko kumrres.”

Ko Parasi sopor arsusi tevi Iesu arwera “Batun vanu se Atua pivini seveling?” Ko Iesu owra lweni tevir owra “Batun vanu se Atua sete orongwos pivini renge sel nga parlesi rengen. Sete jinibb san puwrai tevi nik, ‘Kuplesi ngel’, rreknga ‘Kuplesi ngokwan,’ ejki. Batun vanu se Atua oto pa renge nolo jinibb.”

Ko Iesu owrai tevi jinibb sen nir owra “Mian ko daron nen pia-vini nga kami kapmerreni kaplesi nabong se Jinibb Mawos, ko kami sete kamrongwos kaplesi. Ko jinibb nir arongwos parwerai tevi kami, parwera ‘Kaplesi ngokwan!’, rreknga ‘Kaplesi ngel!’; ko ngok kami sete kapan kapkulkulu pej te, pijki. Erpe navil nga mivil, daron nga mivil renge devje melrin ko mimor vaseni melrin p̃etp̃eti mivesane mijpari devjen, nga jinibb jijle nir marlesi. Ko ngok pia-irpok renge inu Jinibb Mawos renge daron nga bea-luwi vini. Ko womunen inu bornge p̃isij renge nanu pilep renge dul nga marmaur lelingen ngel parloli tevik.
“Erpe renge daron se Noa tuwi jinibb nir arlelea nawon, ko ngok pirpok ko renge nabong se inu Jinibb Mawos. Renge daron nen ko jinibb araan ko arminmin ko arlesi nesevin, ko armusus parunge nale se Noa, mianan mijpari daron nga Noa mian renge lolo drrav nga muwse; ko nuwi owlu ko ervei jinibb nir, ko armij p̃etp̃eti. Pirpe kele nabong se Lot. Jinibb araan ko arminmin ko arwulwul ko aruw ko arilili naim nir. Ko mian ko mijpari daron nga Lot mivel lingi Sotom e, ko nabb ko nevöt nga marin arvitvitan renge melrin erpe naus nga mus, ko osli nir, arin p̃etp̃eti arivi niavin. Ngok nabong se inu Jinibb Mawos nga bevini rengen pusorsan tevi ko pirpok.
“Ko renge nabong nen, m̃er nga m̃ililik vare renge naim sen ko joron marto renge loloim, ni sete pian kele mun p̃ila twenir. Ko m̃er nga mutur renge orsel, ni sete puwlu luwi kele mun van renge naim sen nga p̃ila joron. Kaprrorrmi sev nga miplari ji nesen se Lot. Si nga mimrreni p̃ila se mauren sen, m̃ernen putor jabble mauren sen. Ko si nga ma mutor jabble mauren sen, ni pia-la lweni mauren sen. Ko inu nuwrai tevi kami, renge nat nga mupong nen, jinibb p̃ieru pormatur renge maling pisansan; ko parteka tweni tuwen, ko nuru tuwen nen p̃ilik jer. Ko nesevin p̃ieru porlik lat pisansan parvarrvarr; ko nuru tuwen parteka tweni, ko nuru tuwen p̃ilik jer. [Jinibb p̃ieru pormajing renge orsel; tuwen parteka tweni, ko nuru tuwen p̃ilik jer.]” Ko jinibb sen nir arwera lweni tevi “Ngabe ko, Numal?” Ko Iesu owra lweni tevir owra “Lat nen kapa-lesi wos bbonge ko. Pirpe daron nga nanu san emij, ko numön nir nga marok-tasi parmot rrale; orongwos kaplesi wose kobbong ngasu.”

கேளுங்கள் Luk 17