Uripiv-Wala-Rano-Atchin: Uripiv New Testament New Testament only

Naul On Nga Mimerr Uripiv

<div class="version vid525 iso6393upv" data-vid="525" data-iso6393="upv">
 <div class="book bkMAT">
 <div class="chapter ch20" data-usfm="MAT.20">
 <div class="label">20</div><div class="s">Nale rrongrrongvi ne jinibb sopor nga marmajing tweni nowlir</div><div class="p"> 1Ko Iesu owrai kele tevir, &#8220;Renge batun vanu ne melrin, Atua pia-loli pusorsan tevi jinibb ngel le: Jinibb san naut nga milep sen san otoe. Ko nabong san emremra rorpong susu, owra p&#771;ilai jinibb ne majingen sopor nga parmajing renge orsel sen. 2Mian ko eskai jinibb sopor, osp&#771;e suri nowli nabong tevir, mian ko nir armarong renge nowli nabong nen; ko ni okoni nir vajin van re orsel sen. 3Ko re mete nial esiw sopon, ko ni otutur sopon kele; ko daron nga mututur e, ko elesi jinibb sopor kele artur nawon re maket. 4Ko owra tevir, &#8216;Kami kele kapan re orsel suk, ko nowlin sev nga pumomsawos bea-wuli kami ren.&#8217; 5Ko nir aran. Ko re mete nial esngav&#246;l drromon eru sopon, mian ko re kele mete nial itul sopon re nat mirivriv, otutur kele, ko ololi erpok kele. 6Ko mijpari re mete nial elim sopon rivriv, ko otutur kele; ko elesi jinibb sopor kele artur nawon, ko owrai tevir: &#8216;Erpese kamtur nawon iel mirpel nabong totoklai san?&#8217; 7Ko nir arwera lweni tevi: &#8216;Suri sete jinibb san elngi majingen re kem.&#8217; Ko ni owrai tevir: &#8216;Kami kele kapan re orsel suk.&#8217;</div><div class="p"> 8&#8220;Ko rivriv jer ko vajin, numal nga naut sen nen owrai tevi m&#771;er nga mok-metmete joron nir, &#8216;E, kupverus kortoni jinibb ne majingen nir, ko kupwulir. Ko kuptipatun</div><div class="m">kupwuli re nir nga marvivitu, pian pusuwsuw re nir nga marwowomu.&#8217; 9Ko nir nga martipatun majingen re mete nial elim sopon rivriv arini ko arlai nev&#246;t ser, osorsan tevi nowli nabong san totoklai. 10Mian ko nir vajin nga marini wowomu re majingen arini, arrorrmi rreknga nir nowlir parasi wor van mare wor. Ko ejki, nir erpok kele bbong, arlai nev&#246;t nga musorsan tevi nowli nabong san. 11Ko daron nga marlair e, ko nir arwor suri jinibb nga naut sen. 12Mian ko arwerai tevi: &#8216;E, erpese nir ngel arvivitu armajing bbong mete nial sansan, ko nik kuwlir osorsan tevi kem nga nammajing renge nabong totoklai, namrunge m&#771;isij renge nial nga milep?&#8217; 13Ko ni owra lweni tevi nir san, owra &#8216;Selek, sete nuloli esij tevim, suri nik kumarong pa tevi inu renge nev&#246;t ngok. 14Kupla nev&#246;t som ko kupiel. Inu numrreni bowli nga mivitu ngel pusorsan tevi nik. 15Rrek kulesi nga sete evi nanu nga m&#771;irres nga inu bololi sev nga memrreni re jorok? Ejki ma, erres ko wor. Rreknga nolom eleplep kobbong suri inu nolok erres.&#8217; &#8221; 16Ko Iesu owrai kele: &#8220;Pirpok ko, nir nga marvivitu mian ko para-wowomu, ko nir nga marwowomu, mian ko para-vivitu.&#8221;</div><div class="s">Iesu owra tweni vatolin nga ni pimij</div><div class="p"> 17Ko vitunen Iesu owra pulwi kele van Jerusalem e. Ko jinibb sen nir esngav&#246;l drromon eru arpitevi ni re sel. Marivel mian, ko Iesu etkai talev nir van re devje sel e, ko owrai tevir: 18&#8220;Kaplesi, rraman Jerusalem le ngel. Ko daron nga rrapa-jipari, ko para-teka kerasi inu Jinibb Mawos van ji jinibb sulsulen nga marlelep nir, ko ji jinibb nevisvisenien ne nale nesesreien nir. Ko para-wera inu ban re mijen, 19ko para-tekai inu van ji jinibb ne vare nir nga para-tetnije inu ko para-telmaji inu, ko para-rruloni inu para-wuse maure inu re nai pelaot. Ko mian ko re nabong itolin, Atua pia-loli inu bea-maur luwi kele re mijen.&#8221;</div><div class="s">Tasu se Jemes ko Jon ongoni nanu san ji Iesu</div><div class="p"> 20Mian ko vitunen Sepeti nesen sen eptevi natun nuru Jemes ko Jon, nga morivi pa jinibb se Iesu, arini ji Iesu ko arjipa jin. Ko vinnen owra pungoni nanu san ji Iesu. 21Ko Iesu owra tevi: &#8220;Kumrreni sev?&#8221; Ko vinnen owra lweni tevi ni: &#8220;Numrreni kupwera nale san nga natuk norman ngel nuru porivi jinibb nga morlelep jer renge batun vanu som, tuwen p&#771;isakel re nevrem rres, ko tuwen re nevrem mair.&#8221; 22Ko Iesu owra lweni: &#8220;O, sete komor-rongwose nanu nga komor-ngoni ngok. Kamru komor-vitere kopor-minmin re biles ne norongen nga m&#771;isij nga inu beminmin ren?&#8221; Ko nuru orwerai lweni tevi ni: &#8220;O-o, komru nomor-vitere.&#8221; 23Ko ni owra tevi nuru, &#8220;Kopora-minmin ko re biles nga inu beminmin ren. Ko re kopora-sakel re nevrek rres rreknga re nevrek mair, sete evi nanu nga inu bea-lai. Evi nanu nga Tata suk ko pia-lai tevi nuru nga mutobbtobbu tweni nuru pae musuw nga pia-lai tevi nuru.&#8221;</div><div class="p"> 24Ko daron nga nir esngav&#246;l marunge, arlolarsi niaken nen e nuru, suri nuru orwera poran mare porasi nir. 25Ko Iesu orongwose norrorrmien ser, ko everus kortoni nir jijle vini jin ko owrai tevir: &#8220;Kami kamrongwose numal nir se jinibb ne vare nir aron tertere jinibb ser, ko jinibb nga marlelep ser nir arok-rrowrrowe derteren ser elep. 26Sete pirpok re liv&#246; ne kami. Isi nga mimrreni pivi jinibb nga milep re liv&#246; ne kami, ni puloli lweni ko wor ni pivi jinibb nga welili, nga pivi jinibb ne majingen se kami. 27Ko isi nga mimrreni puwowomu re kami, ni pivi demij maur se kami. 28Osorsan tevi inu Jinibb Mawos, sete nuvini tweni nga jinibb parmajing se inu, ko nuvini tweni b&#771;emajing se nir, ko nga b&#771;elai mauren suk puto wani milnge delung nir re mijen, ko bowli lwenir.&#8221;</div><div class="s">Iesu ololi metrrorr eru orkulu luwi kele</div><div class="p"> 29Ko nir artutur mian, ko daron nga marivel lingi Jeriko, ko delung elep arvijuri ni. 30Ko renge devje sel, metrrorr eru orlilik ren. Ko daron nga morunge Iesu m&#771;iasi re sel, orkail orwera &#8220;Warru, Numal, metka se Devet, kuprrorrmi komru!&#8221; 31Ko delung nir artortori nuru, arwera &#8220;Kopor-p&#771;erp&#771;er!&#8221; Ko nuru orkail van mare lengleng kele, orwera kele: &#8220;Warru, Numal, metka se Devet, kuprrorrmi komru!&#8221; 32Ko Iesu otur murrong ko everus nuru ko owrai tevi nuru: &#8220;Komor-marong bololi sev tevi kamru?&#8221; 33Ko nuru orwera lweni tevi: &#8220;O, numal, nomor-marong mete komru porkulu luwi.&#8221; 34Ko Iesu orrorrmi lengleng nuru, ko ejpari mete nuru. Ko ngavilvil orkulkulu luwi erres vajin, ko orvijuri ni.</div>
 </div>
 </div>
</div>

Ko Iesu owrai kele tevir, “Renge batun vanu ne melrin, Atua pia-loli pusorsan tevi jinibb ngel le: Jinibb san naut nga milep sen san otoe. Ko nabong san emremra rorpong susu, owra p̃ilai jinibb ne majingen sopor nga parmajing renge orsel sen. Mian ko eskai jinibb sopor, osp̃e suri nowli nabong tevir, mian ko nir armarong renge nowli nabong nen; ko ni okoni nir vajin van re orsel sen. Ko re mete nial esiw sopon, ko ni otutur sopon kele; ko daron nga mututur e, ko elesi jinibb sopor kele artur nawon re maket. Ko owra tevir, ‘Kami kele kapan re orsel suk, ko nowlin sev nga pumomsawos bea-wuli kami ren.’ Ko nir aran. Ko re mete nial esngavöl drromon eru sopon, mian ko re kele mete nial itul sopon re nat mirivriv, otutur kele, ko ololi erpok kele. Ko mijpari re mete nial elim sopon rivriv, ko otutur kele; ko elesi jinibb sopor kele artur nawon, ko owrai tevir: ‘Erpese kamtur nawon iel mirpel nabong totoklai san?’ Ko nir arwera lweni tevi: ‘Suri sete jinibb san elngi majingen re kem.’ Ko ni owrai tevir: ‘Kami kele kapan re orsel suk.’
“Ko rivriv jer ko vajin, numal nga naut sen nen owrai tevi m̃er nga mok-metmete joron nir, ‘E, kupverus kortoni jinibb ne majingen nir, ko kupwulir. Ko kuptipatun
kupwuli re nir nga marvivitu, pian pusuwsuw re nir nga marwowomu.’ Ko nir nga martipatun majingen re mete nial elim sopon rivriv arini ko arlai nevöt ser, osorsan tevi nowli nabong san totoklai. Mian ko nir vajin nga marini wowomu re majingen arini, arrorrmi rreknga nir nowlir parasi wor van mare wor. Ko ejki, nir erpok kele bbong, arlai nevöt nga musorsan tevi nowli nabong san. Ko daron nga marlair e, ko nir arwor suri jinibb nga naut sen. Mian ko arwerai tevi: ‘E, erpese nir ngel arvivitu armajing bbong mete nial sansan, ko nik kuwlir osorsan tevi kem nga nammajing renge nabong totoklai, namrunge m̃isij renge nial nga milep?’ Ko ni owra lweni tevi nir san, owra ‘Selek, sete nuloli esij tevim, suri nik kumarong pa tevi inu renge nevöt ngok. Kupla nevöt som ko kupiel. Inu numrreni bowli nga mivitu ngel pusorsan tevi nik. Rrek kulesi nga sete evi nanu nga m̃irres nga inu bololi sev nga memrreni re jorok? Ejki ma, erres ko wor. Rreknga nolom eleplep kobbong suri inu nolok erres.’ ” Ko Iesu owrai kele: “Pirpok ko, nir nga marvivitu mian ko para-wowomu, ko nir nga marwowomu, mian ko para-vivitu.”

Ko vitunen Iesu owra pulwi kele van Jerusalem e. Ko jinibb sen nir esngavöl drromon eru arpitevi ni re sel. Marivel mian, ko Iesu etkai talev nir van re devje sel e, ko owrai tevir: “Kaplesi, rraman Jerusalem le ngel. Ko daron nga rrapa-jipari, ko para-teka kerasi inu Jinibb Mawos van ji jinibb sulsulen nga marlelep nir, ko ji jinibb nevisvisenien ne nale nesesreien nir. Ko para-wera inu ban re mijen, ko para-tekai inu van ji jinibb ne vare nir nga para-tetnije inu ko para-telmaji inu, ko para-rruloni inu para-wuse maure inu re nai pelaot. Ko mian ko re nabong itolin, Atua pia-loli inu bea-maur luwi kele re mijen.”

Mian ko vitunen Sepeti nesen sen eptevi natun nuru Jemes ko Jon, nga morivi pa jinibb se Iesu, arini ji Iesu ko arjipa jin. Ko vinnen owra pungoni nanu san ji Iesu. Ko Iesu owra tevi: “Kumrreni sev?” Ko vinnen owra lweni tevi ni: “Numrreni kupwera nale san nga natuk norman ngel nuru porivi jinibb nga morlelep jer renge batun vanu som, tuwen p̃isakel re nevrem rres, ko tuwen re nevrem mair.” Ko Iesu owra lweni: “O, sete komor-rongwose nanu nga komor-ngoni ngok. Kamru komor-vitere kopor-minmin re biles ne norongen nga m̃isij nga inu beminmin ren?” Ko nuru orwerai lweni tevi ni: “O-o, komru nomor-vitere.” Ko ni owra tevi nuru, “Kopora-minmin ko re biles nga inu beminmin ren. Ko re kopora-sakel re nevrek rres rreknga re nevrek mair, sete evi nanu nga inu bea-lai. Evi nanu nga Tata suk ko pia-lai tevi nuru nga mutobbtobbu tweni nuru pae musuw nga pia-lai tevi nuru.”
Ko daron nga nir esngavöl marunge, arlolarsi niaken nen e nuru, suri nuru orwera poran mare porasi nir. Ko Iesu orongwose norrorrmien ser, ko everus kortoni nir jijle vini jin ko owrai tevir: “Kami kamrongwose numal nir se jinibb ne vare nir aron tertere jinibb ser, ko jinibb nga marlelep ser nir arok-rrowrrowe derteren ser elep. Sete pirpok re livö ne kami. Isi nga mimrreni pivi jinibb nga milep re livö ne kami, ni puloli lweni ko wor ni pivi jinibb nga welili, nga pivi jinibb ne majingen se kami. Ko isi nga mimrreni puwowomu re kami, ni pivi demij maur se kami. Osorsan tevi inu Jinibb Mawos, sete nuvini tweni nga jinibb parmajing se inu, ko nuvini tweni b̃emajing se nir, ko nga b̃elai mauren suk puto wani milnge delung nir re mijen, ko bowli lwenir.”

Ko nir artutur mian, ko daron nga marivel lingi Jeriko, ko delung elep arvijuri ni. Ko renge devje sel, metrrorr eru orlilik ren. Ko daron nga morunge Iesu m̃iasi re sel, orkail orwera “Warru, Numal, metka se Devet, kuprrorrmi komru!” Ko delung nir artortori nuru, arwera “Kopor-p̃erp̃er!” Ko nuru orkail van mare lengleng kele, orwera kele: “Warru, Numal, metka se Devet, kuprrorrmi komru!” Ko Iesu otur murrong ko everus nuru ko owrai tevi nuru: “Komor-marong bololi sev tevi kamru?” Ko nuru orwera lweni tevi: “O, numal, nomor-marong mete komru porkulu luwi.” Ko Iesu orrorrmi lengleng nuru, ko ejpari mete nuru. Ko ngavilvil orkulkulu luwi erres vajin, ko orvijuri ni.

கேளுங்கள் Matiu 20