Yohana 3இலிருந்து பிரபலமான வேதாகம வசனங்கள்

பகிர்

«Vɛnɛ́b í' nɛ́b aa zɔ̀ŋə yɛ́b bə yée sɔ̀ɔ̀n; kə̀ taàbìá, piià taà Wàà nə́ŋgùm oòra. Nɛ́ŋə̀ aa bàg Wàà aarə, bɔ̀b gá, zá dá gɔ̀ŋsə́ aa bɛ́d bə gá rə bɔbàá.

Vɛnɛ́b tùmà wàà oò zɔ̀ŋə yɛ́b bə, bɔ̀b oò fág nɛ́b bəd gá. Zá bɔ̀b nɛ́b aa zɔ̀ŋə yɛ́b bərə, boò bɔ̀b súúke kə̀ oòra.

Yéésù kè' í'ù: «Mə́ tə́ən kíìn baanàá, aarə nwɔŋ sɔ̀ɔ̀ná, nɛ́ŋə̀ nə́ŋ̀má bán Vɛnɛ́b gààd bé'ǹmbə̀ gá, bíd bə̀ lɛ̀bə̀ sɔ̀ŋ síngə́ roó.»

Kóó nɛ́ɛ̀réè, bàg wàà aarəì gə́, fágə́n kò'ù gá. Zá nɛ́ŋə̀ aa bàgə̀ síndə, fágə́n kò'ùwì gbòód. Kàandə, bàg Vɛnɛ́b Wàà nə́ŋgùm sé.

Aa yée nɛɛ̀n aa fágə́n vúgà rú roó' Laa nyɛdkè yaà zɔ̀ŋə yɛ́b ba, zá nɛ́b aa zɔ̀ŋə yɛ́b bərə, í' bə̀ kàn tígə́lá. Bə̀ í' laa nyɛdkè sé. Kàandə, in bəraa bə̀ tə́ ma'ǹ də, sɔ̀ɔ̀n sé.

Gbà'á oò bə̀ gə́, kàŋ oò dáá kə̀ númú ní, bít gbà'á mə́ gə́, oò bíd bòórú.»

Nɛ́b aa bə̀ tə́ invaksə́ ma'ǹ də gə́ kóólé, bə̀ dá laa nyɛdkè kíìn zeenàá, bə̀ yaà laa nyɛdkè bə gá. Kàandə, laa dá invaksə́ boò bəd kíìn i'nàá.

Kóó nɛ́ɛ̀réè, bàg Vɛnɛ́b Wààì gə́, bɔ̀b gɔ̀ŋsə́ aa bɛ́d bə gá rə yàá. Zá màn aa ləə Vɛnɛ́b Wàà síndə gə́, bɔ̀b gɔ̀ŋsə́ aarə gá. Nɛ́ŋə̀ aarə, Vɛnɛ́b nɔ̀m gbà'á dá kuùm oò yílú, zèd kə̀ zèrá.»

Kìínmbə̀ nɛɛ̀n aa Musa zá' bi' lɛgú, fɔ̀gú rə kíin sɔ̀ŋ, bə̀ dá nɛ́ŋə̀ aa bə̀ dɛ̀rə̀ Nɛ́ŋ Váàndo Wàà rə dáàn ma'ǹ kàani.

Báá í' Wàà oòra, pii taà in gə́ kóólé oò nɛɛ̀n tɛ́mú.