San Lucas 10இலிருந்து பிரபலமான வேதாகம வசனங்கள்

பகிர்

Xkitakan, nejua onenmechmakak poder para impan nencholoskej on kouamej* niman on kolomej, niman para nenkitlaniskej nochi ipoder on totlauelikniu, niman xitlaj* mechchiuilis.

Pero Jesús okijlij: —Marta, Marta, sa tlamach tikomatstikaj niman timopajsoloua ikan miyek tlajtlamach*. Pero san se onkaj tlen kuajli yejuan más ueyi kijtosneki. Niman María okitlapejpenij on tlen más kuajli, niman xakaj kikuilis.

On temachtijketl ikan on tlanauatijli okinankilij: —Xtlajsojtla* moTEKO Dios ikan nochi moyojlo, ikan nochi moalma, ikan nochi mochikaualis niman ikan nochi motlamachilis, niman xtlajsojtla* motlaltikpakikniu no ijki ken tejua timotlajsojtla.

Antes yaskiaj okinmijlij: —On pixkilistli yoyekok niman sanoyej* ueyi tekitl onkaj. Pero xmiyekej nemij on pixkakej para pixkaskej. Yejua ika tej, xtlajtlanilikan iTEKO on pixkilistli para ma kinuajtitlani más tekitkej para pixkaskej.

Kemaj Jesús okitlajtoltij on temachtijketl ikan on tlanauatijli: —¿Katlejua de on yeyimej tlakamej tiknemilia ika okichiu ken itlaltikpakikniu itech on tlakatl yejuan okitlachtekilijkej? On temachtijketl ikan on tlanauatijli okijtoj: —On yejuan okiknelij. Kemaj Jesús okijlij: —Tla ijkon, xuiya niman no ijki xteikneli.

Nemejuamej xuiyan. Nemechtitlani ken borreguitos intsajlan lobos.