Noo Luke 10இலிருந்து பிரபலமான வேதாகம வசனங்கள்

பகிர்

Cur‐my‐ner, ta mish coyrt diu pooar dy chur fo chosh ard‐nieughyn as scorpionee, as ooilley pooar y noid; as cha jean nhee ’sy theihll, er aght erbee, skielley diu.

As dreggyr Yeesey, as dooyrt eh r’ee, Martha, Martha, t’ou ro‐imneagh as seaghnit mysh ymmodee nheeghyn: Agh un red ta ymmyrchagh. As ta Moirrey er reih yn ayrn vie shen, nagh bee er ny ghoaill ersooyl vo’ee.

As dreggyr eshyn as dooyrt eh, Ver oo graih da’n Chiarn dty Yee lesh ooilley dty chree, as lesh ooilley dty annym, as lesh ooilley dty niart, as lesh ooilley dty aigney; as da dty naboo myr dhyt hene.

Shen‐y‐fa dooyrt eh roo, Ta’n fouyr dy jarroo mooar, agh ta ny labreeyn beggan: guee‐jee shiuish er‐y‐fa shen er Chiarn y fouyr, eh dy chur magh labreeyn gys y fouyr echey.

Quoi nish jeu shoh nyn droor, t’ou uss dy smooinaghtyn, va ny naboo dasyn huitt mastey ny maarlee? As dooyrt eh rish, Eshyn ren myghin y hoilshaghey er, Eisht dooyrt Yeesey rish, Immee, as jean uss er yn aght cheddin.

Immee‐jee eisht: cur‐jee my‐ner, ta mish dyn goyrt shiu magh myr eayin mastey moddee‐oaldey.