Yoane 15இலிருந்து பிரபலமான வேதாகம வசனங்கள்

பகிர்

Ĩngye indi ndĩna yʼebĩnyũ, nenyũ muli mitahi. Oyumatikene nage, nage nyimatikene naye, yo yukayira endũndĩ nene busana na Nyamuhanga. Kusangwa mutamatikene nage Simwangatoka erikolakĩ.

Mumatikane kwĩngye, nage ngandimatikana kwĩnywe. Ngoko Omutahi sialĩhetaya ebĩgũma ĩgowene, amatendimatikana nʼendĩna yʼebĩnyũ, litya nenyũ Simwangatoka erireta endũndĩ uku Nyamuhanga mutamatikene ũkwʼĩngye.

Mwamamatikana kwĩngye, nʼebĩnywa byage bĩkĩkala omo mitima yenyũ, mũbũlaye ekĩndũkĩ ekyo mwanzĩre, neryo mwasyakolerwakyo.

Simwetayisoga ngye, nĩkwa nayisoga nywe, kandi nabĩrĩbahĩra eriyatunda endũndĩ, kandi endũndĩ yenyũ iyatoka eribyaho. Neryo Tata asyabaha ekĩndũkĩ ekyo mũkabũlaya omo lĩna lyage.

Sihali mundu oyuwite olwanzo lũlengĩre olũ, ati omundu akasiga engebe yiwe busana nʼabĩra buwe.

Obuli mutahi owamatikene nage, owateheta kwʼebĩgũma, akatwago; kandi oko buli mutahi Owakahetaya ebĩgũma, akasara kugo kwʼebĩtawene, Omutahi oyo atoke eriheta kwʼebindi bĩgũma.

Ekihano kyage kiti: mwanzane, ngoko nabiribanza.

Mwamayira endũndĩ nene, Tata wage akasĩkĩbawa busana nʼekyo, kandi mũkakangaya ko muli biga bage.

Ĩngye indi mũlĩkĩ-rĩkĩ wʼebĩnyũ wʼekwenene, kandi Tata wage nĩ mũlĩmĩrĩ.

Omundu amatindamatikana nage, akagusawa eyĩhya ngʼomutahi, iniuma, Emitahi ngʼeyĩ ikakumirawa haguma, iyaguswa omo muliro iyahya.

Nabiribabwira emyatsi eyĩ, obutseme bwage bubye omo mitima yenyũ, kandi obutseme bwenyũ bũhĩkane.

Mwamakenga ebihano byage, mwasyĩkala omo lwanzo lwage, ngoko nage nabirikenga ebihano bya Tata wage, neryo nyĩkere omo lwanzo luwe.

Neryo ngabahana nyiti, Mwanzane.

Nga muli bʼekihugo, kumbe ekihugo kyangabanzĩre ngʼabakyo. Nĩkwa nayisoga nywe omo kihugo kino, kandi Simuli bakyo; kikaleka ekihugo ĩkyabakwa obusu.