Juan 10இலிருந்து பிரபலமான வேதாகம வசனங்கள்

பகிர்

Iyan inaat ku nga bilang mananakaw, egay beken nga pagꞌengden ya, kutakaw, kuꞌimatay baw manranggaꞌ. Temed aku, naꞌasitu aku isaꞌun iyan mga bilang tupa ku, mabgayan ku it kaꞌgenan, baw kaꞌgenan nga ibgay ku, talagang ega basta-basta.”

“Akuy subrang magayen nga manigꞌeper. Kamatuudan it magayen nga manigꞌeper, sabap lamang it mga tupa ibgay ya i pati ginawa ya.

Magpagneg it gaꞌmaran ku i mga tupa ku. Magkakilalaan ku sira, baw magdasun sira gasiꞌ it aken.

Pagbegayan ku sira it kaꞌgenan nga egay kaskedan baw seked it kaꞌnu-kaꞌnu daꞌsira maꞌilang. Baw daꞌsira maꞌagaw it maski siyu situt aken.

Aku i bilang puwirtaꞌan. Kumpur semled situt aken, ka aku nay pagpamayaꞌnen baw pagsarigan ya, siguradung maribri. Tarimaen ku kanyat magayen, nga subuk pagtarima it manigꞌeper it mga tupa it magseled, magliꞌwan, isaꞌun ega maꞌunu, in daꞌga maparagan yang pirmi i magagayen nga pagpasturan.

Aku i magayen nga manigꞌeper. In magꞌuꞌunu magkakilalaan akut Amaꞌ baw kanya kilala ku gasiꞌ, atkayan naga magkakilalaan ku i sadili ku nga mga tupa, baw magkakilalaan nira gasiꞌ aku. Baw talagang ibgay ku i ginawa ku sabap lamang it kanira.

Ka iyan Amaꞌ ku nga minggay it kanira situt aken, landaw kanya nga gunaan, nga egay kasbung. Talagang daꞌsira maꞌagaw it maski siyu duꞌun it Amaꞌ ku. Ka aku baw Amaꞌ ku, sang kagina-ginawaan lamang.”

Aku i magayen nga manigꞌeper. In magꞌuꞌunu magkakilalaan akut Amaꞌ baw kanya kilala ku gasiꞌ, atkayan naga magkakilalaan ku i sadili ku nga mga tupa, baw magkakilalaan nira gasiꞌ aku. Baw talagang ibgay ku i ginawa ku sabap lamang it kanira.

Egay taw nga makagtas it ginawa ku, in daꞌga ituy kaꞌirgan ku nga ibgay. Aku i magtatagpuꞌun it ginawa baw may guna ku nga ibgay i ginawa ku baw baiꞌen it sumaꞌup. Itu gasiꞌ i taꞌeg it aken nga garing duꞌun it Amaꞌ ku.”

Aypaꞌ saꞌup siꞌ nga inaat ni Jesus i mga taw, “Matuud i iꞌaat kut imyu, nga aku i bilang puwirtaꞌan nga paglapasan it mga tupa.

Temed in yay magꞌeper, pagtangdanan lamang nga ega tagpuꞌun it mga tupa, basta may maltegan yang magꞌaꞌabut nga bunglun, egay beken malagyu na yan. Tananan yang lagi i mga tupa ngayti. Aypaꞌ buwat it bunglun, temkeb na. Ta magtariwanak nay mga tupa ngayti.

“Kamatuudan talagay ipagsugid kut imyu,” maat ni Jesus. “Iyan nga magseled duꞌun it antur it mga tupa nga magpamtes, nga ega duꞌut puwirtaꞌan i paglapasan ka in ari-ari na lamang i pagguꞌrapan, ega yay belag, mananakaw yan u in daꞌga manigpanrangpas.