Juan 6இலிருந்து பிரபலமான வேதாகம வசனங்கள்

பகிர்

“Aku i paꞌaateng pangaꞌen ngayan nga magkabgay it kaꞌgenan,” maat ni Jesus. “Iyan pasakep it aken, ega na maat getmanan paꞌ, baw iyan nga mamayaꞌ nat aken, seked kaꞌnu-kaꞌnu ega na kumuꞌinum.

Mga ipagtulduꞌ ku ngaytu, egay beken nga uliꞌan, mga bagay pasar it kiyarurwa baw kaꞌgenan nga egay kaskedan. Yay matuud, mga bagay nga pagpaꞌiguꞌan it panulduꞌ ku ngaytu, iyan i mapisiꞌan it kaꞌgenan ngaytu. Egaytu makabgay it isi nga pagkaꞌnen.

Kaꞌilangan paꞌres kamu, ega sabap duꞌun it pangaꞌen nga magranggaꞌ, in daꞌga yay paꞌresan mi, pangaꞌen nga ega magranggaꞌ baw magkabgay it kaꞌgenan nga egay kaskedan. Ibgay tu it imyu it kanya nga Taga Langit nga Ipiyanganak it Taw, sabap kanya i binggayan it Diyus Amaꞌ it pudir.”

Sabap talagang itu i kaꞌirgan it Amaꞌ ku, iyan muꞌsa nga mamayaꞌ it aken nga Anak ya, baw sumarig it aken, begayan sira it kaꞌgenan nga egay kaskedan. Baw egnen ku sirang muꞌsa asan it umur nat banwa.”

“Ta itu bay ipagpabwat it Ampuꞌang Diyus, kaꞌilangan nga mamayaꞌ kamu it tiyaꞌeg ya nga paꞌasitu,” maat i tubag ni Jesus it kanira.

Pasakep it aken i kumpur ipagbegay it Amaꞌ it aken. Talagang egay imugawun ku nga maski siyu nga magpasakep it aken.

Katubag si Simon Pedro ngayti, “Ampuꞌan,” maat ya, “ay ari aduꞌunan namen it panulduꞌ mu gay magkabgay it kaꞌgenan nga egay kaskedan?

Aku i pangaꞌen ngaytu nga magbegay it kaꞌgenan, nga limnampud nga garing duꞌut langit. May kaꞌgenan nga egay kaskedan it in siyu-siyuy kumaꞌen kaytu. Iyan pangaꞌen ngaytu nga ibgay ku, nga megay it kaꞌgenan nga egay kaskedan kat muꞌsang katataawan, sadili kung bilug.”

Ka egay makapasakep it aken magpuyra it panakman kanya it Amaꞌ, nga kanyay nagtaꞌeg it aken. Baw iyan nga pasakep it aken, egnen ku kanyat paꞌuliꞌ asan it umur nat banwa.

Sabap yay paꞌaaten nga pangaꞌen nga begay it Ampuꞌang Diyus, kanya nga limnampud nga gimnaring duꞌut langit baw magbegay it kaꞌgenan nga egay kaskedan kat muꞌsang katataawan.”

Aku i pangaꞌen nga magbegay it kaꞌgenan.

Inangut ni Jesus i tina-tinapay ngayti. Pagkatupus yat nagpasalamat duꞌut Ampuꞌang Diyus, biyagiꞌ-bagiꞌ yay tina-tinapay baw seda-sedaꞌ ngayti. Piyamgayan i muꞌsang mga taw ngayti. Binggayan sirat kumpur ireg nira. Iyan namagkaꞌgen nay kadakel ngayti, maat ni Jesus it mga alagad ya, “Rinutun mi nagay mga naꞌpedan ngayan, isaꞌun ega maꞌaduꞌadut.”

Iyan naꞌlay na sirat begsay, lima u enem nang kilumitru i kaꞌalaid it nasakayan nira, naltegan nira si Jesus nga magpanaw duꞌut sagpaw it danum nga magꞌelep duꞌut sakayan. Namagꞌiꞌlam sirang banar. Temed maat yat kanira, “Ayaw kamut iꞌlam. Si Jesus aku naga bayni.”