GENESIS 3இலிருந்து பிரபலமான வேதாகம வசனங்கள்

பகிர்

Ket idi ti babai nakitana nga ti cayo nasayaat a canen, ken macaayayo a buyaen ken cayo a macagargari a mamagsirib, pimmuros iti bungana ket nangan, casta met iniccanna ni asawana ket isu nakipagcaan met.

Itan ti uleg isu idi a casisicapan cadagiti amin nga animal iti daga nga inaramid ni Jehova Dios. Ket isu kinunana iti babai, Pudno aya a kinuna ti Dios, Saancay a mangan iti amin a cayo iti minuyongan?

Ket Siac pagginnuraencayto iti babai, ken ti caputotam ken ti caputotanna: daytoy sugatennanto ta olom, ket sica sugatemto ti mucodna.

Ket idi babai kinunana, Paaduecto unay dagiti ut-utmo ken ti panagsicugmo; iti adu a rigat ipasngaymonto dagiti annacmo; ket iti asawam isunto ti calicaguman, ket isu iturayannacanto.

Babaen ti linget ta rupam mangancanto ti taraon, aginga't dica agsubli iti daga; isu a nacabuclam: ta tapucca, ket iti tapuc agsublicanto.

Ket ken Adan kinunana, Gapu ta inanamungam ti sao ni asawam, ket nanganca iti cayo nga inbilinco kenca a kinunac, Dica manganto iti daydiay: nailunod ti daga gapu kenca; babaen ti rigat mangancanto kencuana iti isu-amin nga aldaw ti panagbiagmo

Ket kinunana kencuana, Siasino aya ti nangibaga kenca a silalamolamoca? Nanganca iti cayo nga imbilinco kenca a dica canen?

Ket pinagtalawna ti tao; ket insaadna iti daya ti minuyongan ti Eden ti Kerubin ken ti maysa nga sumilsilap a campilan a simmango iti amin a turong, tapno bantayanna ti dalan nga agturong iti cayo ti biag.

Ket pinanaganan di lalaki ni asawana iti Eva; gapu ta isu ti ina dagiti isu-amin a nabiag.