LUCAS 7இலிருந்து பிரபலமான வேதாகம வசனங்கள்

பகிர்

Gapuna cunac kenca, dagiti basbasolna, nga adu mapacawanda, ta nagayat ti adu; ngem iti mapacawan ti bassit, bassit ti panagayatna. Ket kinunana kencuana: Dagiti basbasolmo mapacawanda.

Ket kinunana idi babai: Ti pammatim insalacannaca; incan a sitatalna.

Ket idinto nga agtatacder nga agsangsangit iti licudan dagiti sacsaca ni Jesus rinugianna a sinibugan ida cadagiti luluana ket pinunasanna ida cadagiti boocna ket inagagepanna ken sinapsapoanna ida ti bangbanglo.

Siac pay diac impapan a maicariac nga umay kenca: ngem agsaoca laeng ket ti adipenco umimbagto. Ta siac idinto a taoac a naisaad iti babaen ti turay adda met iturayac a solsoldado, ket cunac itoy: Inca, ket mapan; ket iti sabali; Umayca, ket umay; ket iti adipenco: Aramidem daytoy, ket aramidenna. Ket idi mangngeg ni Jesus dagitoy, nagsiddaawanna; ket simmango cadagiti tattao a sumursurot kencuana, ket kinunana: Cunac cadacayo, nga uray iti Israel diac pay nacasarac ti castoy a cadackel ti pammati.

Iti daydi nga horas inagasanna dagiti adu cadagiti sacsakit ken an-annayen, ken cadagiti espiritu a dakes: ket iniccanna ti pannacakita dagiti adu a bulsec. Ket simmungbat ni Jesus ket kinunana cadacuada: Incayo, ket saritaenyo ken Juan dagiti banbanag a nakita ken nangngegyo: a dagiti bulsec macakitada, dagiti pilay magnada, dagiti agcucutel nadalusanda, ket dagiti tuleng macangngegda, dagiti natay nagungarda, ket cadagiti napanglaw naicascasaba cadacuada ti naimbag a damag.