YOANE 12இலிருந்து பிரபலமான வேதாகம வசனங்கள்

பகிர்

Te naata sikai e pe maginau suasua, ega rausi au; go tokora waina kinau a doko asa, tokora wanogoe tea suasua aginau ma ega wo doko asa: te naata sikai e pe maginau suasua, Tamagu e pe wo dodomadagani a.

Tea waina e dodomi namauriana aneana e dape puoli ki nia; go tea waina e pilosi namauriana aneana maramana waia, ega wo pavaigoro e pa pa paki namauriana waina e du mau du.

Lomau, lomau, a noa ki mu, naga Napati ni whiit sikai e pe ta dowo paki natano po da mate mau, e pe sikina doko; ma e pe mate, e pe tau p̃arua ki nawana.

Kinau namarama sikai a umai paki maramana, naga sara naata waina eu saralomau au euga ta doko namaligo mau.

Go te naata sikai e pe rogo nanoaana aginau maga, po da pavaigoro ra mau, kinau a pe ta pasa p̃otae a mau: nalakena a da umai naga aga vasa p̃otae maramana mau, ma a umai naga aga mauti pauri maramana.

Nalakena tea wanogoe Maria e dape paund sikai ni naroro lolo ni nardo lomau ni naulu laapa, po puvurai ki nam̃ele ni Yesu asa, po kasi nam̃elena maga ki naloluna: go nasum̃a e pura ki nap̃o ni naroro lolo wanogoe.

eu puati naulu ni paama maga po dave pano naga euga sua e, go eu pioso, eu naga, Hosanna: tea waina e umai pae nagisa ni Yehovah e pei tea vasap̃iakiana, Nawota ki Israel.

Go Yesu e pasa dara ra, e naga, Aura e po umai waina Naatam̃oli Natuna ega vei tea samasamaniana asa.