JOHANA 16இலிருந்து பிரபலமான வேதாகம வசனங்கள்

பகிர்

Ndamwĩra maũndũ macio nĩ getha thĩinĩ wakwa mũgĩe na thayũ. Gũkũ thĩ mũrĩonaga thĩna; na no kĩũmĩrĩriei, niĩ nĩndoretie maũndũ ma gũkũ thĩ.

No rĩrĩ, ũcio Roho wa ma oka, we nĩakamũtongoria amuumĩrĩrie ũhoro-inĩ ũrĩa wa ma wothe; tondũ ndakaaragia na kwĩĩra gwake mwene, ĩndĩ maũndũ o mothe marĩa akaigua, nomo akoiga; na nĩakamuumbũrĩra maũndũ marĩa magoka thutha.

Mbere ĩno mũtirĩ mwahoya ũndũ na rĩĩtwa rĩakwa; hoyagai, na nĩmũrĩheagwo, nĩ getha gĩkeno kĩanyu gĩkinyanĩre.

No kaĩ ũguo ngũmwĩra nĩ ma, atĩrĩ, Nĩkũmwagĩrĩire niĩ thiĩ; amu ndaaga gũthiĩ, Mũteithia ndagoka kũrĩ inyuĩ; no ndathiĩ-rĩ, nĩngamũrekia oke kũrĩ inyuĩ. Nake aarĩkia gũũka, nĩakaiguithia kĩrĩndĩ kĩhooto ha ũhoro wa mehia, na wa ũthingu, na wa cira

O na inyuĩ nĩ kĩeha mũkĩrĩ nakĩo rĩu; no nĩngamuona rĩngĩ, ngoro cianyu ikene, na gĩkeno kĩu mũkagĩa nakĩo gũtirĩ mũndũ ũkamũtunya. Na mũthenya ũcio wakinya mũtirĩ ũndũ mũkanjũria. Ndamwĩra atĩrĩ, o ma, ma, Mwahoya Ithe witũ ũndũ o na ũrĩkũ, nĩakamũhe na rĩĩtwa rĩakwa.

Nda mwĩra atĩrĩ, o ma, ma, Inyuĩ mũkarĩra na mũcakae, ĩndĩ kĩrĩndĩ gĩa gũkũ thĩ nĩ gũkena gĩgakena; inyuĩ-rĩ, nĩ kĩeha mũkaigua, ĩndĩ kĩeha kĩu kĩanyu nĩgĩkagarũrũka gĩkeno.