मत्ती 19இலிருந்து பிரபலமான வேதாகம வசனங்கள்

பகிர்

यीशुऐ तिन्हां हेरिया बोलू, “मांहणु री तैंईंयैं ऐ मुश्किल सा पर परमेश्वर सैभ किछ़ केरी सका सा।”

होर तिन्हां दुई एक शरीर होंणा; तैबै ते दूई नैंई, पर ऐकै जान सी। ज़ुण परमेश्वरै ज़ोड़ै सी, तिन्हां बै मांहणु अलग मता केरा।”

यीशुऐ ज़वाब धिना, “कि तुसै शास्त्रा न नी पौढ़ू, कि दुनिया बनाणु आल़ै शुरू न ऐ मर्द बेटड़ी केरिया बणाऐ, ‘एसा बजहा न आपणै आमा-बापू बै छ़ौड़िआ मर्दा आपणी लाड़ी सैंघै एक देह होईया रौहणा’

यीशुऐ तिन्हां बै बोलू, “शोहरू बै मूँ हागै ऐणै रा हुक्म देआ, तिन्हां बै मता रोकदै, इन्हां मूँ हागै ऐणै दैआ किबैकि स्वर्ग रा राज्य ऐण्ढै लोका रा सा ज़ो शोहरू सांही सी।”

पर ज़ो ऐबरै आपणै आपा बै बड़ै बणा सी, काल रोज़ ते होछ़ै केरिनै, होर ज़ो होछ़ै सी ते काल रोज़ बड़ै केरिनै।

होर ज़ुणियै मेरी तैंईंयैं आपणै घौर या भाई होर बैहण होर आमा-बापू होर बाल-बच्च़ै या छेत छ़ौड़ै होलै। तेइबै शौऊ गुणा मिलणा होर हमेशा री ज़िन्दगी रा हकदार बणना।

यीशुऐ तेइबै बोलू, “अगर तू सिद्ध होंणा चाहा सा ता ज़ो किछ़ तेरा सा तेइबै बैचिया गरीबा न बौंड, होर तौभै स्वर्गा न धन मिलणा, होर एज़िया मूँ पिछ़ै औंढ।”

यीशुऐ तेइबै बोलू, “शोभला कि सा, एथै रै बारै न तू मुँभै किबै लागा सा पुछ़दा? किबैकि शोभला ता सिर्फ़ एकै सा! तैबै भी अगर तू हमेशा री ज़िन्दगी बै पाणा चाहा सा ता तू हुक्मा रा पालन केर।”

हांऊँ तुसाबै बोला सा, कि एक ऊँटा रा सिऊँणियै फ़ेटै निकलणा ऐतरा मुश्किल सा, तेथा न भी ज़ादा एक सेठ मांहणु रै स्वर्ग राज्य बै ज़ाणा मुश्किल सा।”

हांऊँ तुसाबै बोला सा कि ज़ुण व्यभिचार छ़ौड़िआ कौसी होरी बजहा न आपणी लाड़ी बै तलाक देआ सा होर होरी री बेटड़ी सैंघै ब्याह केरा सा, ता सौ व्यभिचार केरा सा।”

यीशुऐ आपणै च़ेले बै बोलू, “हांऊँ तुसाबै सच़ बोला सा, कि सेठा रा स्वर्ग राज्य बै ज़ाणा मुश्किल सा।