Sə́tə lâghʼ yé ńkóʼ lə̂ yʉʼ yi ə́ ŋáʼá ńgwǒ tʉ́ gháʼate, ə́ ngʉ̌ a tə̂ʉ yʉʼ wó nǎa njwó ləfou tsəm yi wə́ ndəu ndesé. Ə́ mbǒu ndâʼ lə́ zʉ́ ngô: «N ngwo ŋə́ mətəʉ lə́ gho lə̂ ndághʼ ńsáʼ məlâʼ mwo mə́tsəm, ə́ pǒu ŋə́ məfuʼ mə́tsəm mi ə́ pə́ cər wó lə́ gho. Ńté ńgó pə́ lə ŋə̂ zə̂u pêi tsəm lə́ məŋ, mboʼ n nkə̂ ŋə́ zâa lə́ ŋuu yi n nkǒŋ. O lə̌i nkʉ́ʼtə́ sê mbi məŋ ńgúʼtə́ ghâa, mə́i məzə̂u mêi mə́tsəm wo cʉ́ʼ pə́ pə̂ mô.» Yěso pwôr lə́ zʉ́ ngô: «Pə́ ŋwaʼa cər ŋwaʼa Sê ngô: O ghwo lə̂ ngúʼtə́ pə́ ndaʼ Nde Sê zô, ə́ mbǒu fáʼ pə́ ndaʼ mbó zʉ́.»