Juan 6இலிருந்து பிரபலமான வேதாகம வசனங்கள்

பகிர்

Jesusba jarasii: —Mau Mʉʉbʉ. Mʉ chi chokae b̶uabibarii panbʉ. Maud̶eeba chi mʉʉmaa neeruu waa jarrbisia b̶uabai maud̶e chi mʉʉd̶e ijãa b̶uu waa obisia b̶uabai.

Dachi Akõre Jauríburu chokae b̶uabiabarii. Nau kakuaba poyaa maka waukau. Mʉʉba machimaa jaradea b̶uu Dachi Akõre Jauriba dachi chokae b̶uabiabarii ʉ̃rʉbena.

Trajarã́sturu chiko b̶eraabarii nedod̶ai baita. Maumaarã trajásturu chi Dachi Akõre ome ewaricha chokae b̶uabibarii chiko nedod̶ai baita. Mau mʉ, chi Ẽbẽra Ba B̶uad̶aba deai. Dachi Akõreba mʉ mau baita b̶usii.

Mʉ Chachaba biawãra kʉ̃ria b̶uu ẽbẽrarãba mʉ ichi Warr kuitaad̶aped̶a ijãad̶ai ichi ome ewaricha chokae nuread̶amera. Makaburu mʉʉba ãchi nau baribai ewarid̶e chokae jiradubiai.

Dachi Akõreba waubi b̶uu traju naubʉ: mʉ, chi ichiba bʉid̶ad̶e ijãad̶ai panuu.

Chi mʉ Chachaba mʉʉmaa dea b̶uu ẽbẽrarã mʉʉmaa need̶ai; maarã duabʉikaabai.

Simón Pedroba panausii: —Dai Mechiu, dai ¿kaimaa wãd̶aima? Ab̶a bichiaburu daimaa jaradeabarii Dachi Akõre ome ewaricha chokae nuread̶amera.

Mʉ chi panbʉ, chi chokae b̶uabibarii, chi bajãad̶ebena need̶a. Barikiuba mau pan kooruubʉrã ewaricha chokae b̶uai. Chi mʉʉba dea b̶uu pan mʉ kakuabʉ. Mʉʉba mʉ kakua deai, mauba ẽbẽrarã chokae nuread̶amera.

Ab̶au bid̶a poyaa mʉʉd̶e ijãabai mʉ Chacha, chi mʉ bʉid̶aba ichi mʉʉmaa eneewẽebʉrã. Maamina mʉ Chachaba eneeruubʉrã nau iujãa baribai ewarid̶e mau ẽbẽra mʉʉba chokae jiradubii.

Mau Dachi Akõreba deabarii pan bajãad̶ebena need̶aba chi nau iujãad̶ebenarã chokae b̶uabiabarii.

Mʉ chi panbʉ, chi chokae b̶uabibarii.

Jesusba pan juad̶e adauped̶a Dachi Akõremaa ichíturu kid̶ibai asii. Maabae ichi baara nibabadaurãmaa jarasii ẽbẽrarãmaa dead̶akad̶amera. B̶eda sid̶a ara mau kĩra wausii jomaurãba ãchi kʉ̃ria kod̶amera. Jomaurãba jãwaa kosid̶aud̶e Jesusba ichi baara nibabadaurãmaa jarakuasii: —Chi ʉ̃rʉ b̶eed̶a joma araa pésturu ab̶a b̶istĩika bid̶a jirakuarãad̶amera.

Mar kẽsa 5 maebʉrã 6 kilómetro baaduud̶e Jesús unusid̶au bania ʉ̃rʉ tʉa uruu jãba kaita. Ãchimaa uruud̶eeba ãrea perasid̶au. Maamina Jesusba jarasii: —¡Mʉʉbʉ! ¡Perarã́sturu!