Lucas 19இலிருந்து பிரபலமான வேதாகம வசனங்கள்

பகிர்

Biawãra mʉ, chi Ẽbẽra Ba B̶uad̶aba chi adua duanuurã karibai baita jʉrʉd̶e neesii.

Ãchiba jara duanasid̶au: «¡Ãrea biꞌia nii chi jomaurã Rey Dachi Akõre trʉ̃d̶e neeruu! ¡Jãabae Dachi Akõre ome jirukaraayuwãe duanad̶ai! ¡Bajãad̶e B̶uu chi Mechiu nii!»

Jesusba maumaa jarasii: —Id̶i Dachi Akõreba bichi maud̶e bichi ded̶ebena karibasii, Abrahamba ijãad̶a kĩra bichiba ijãa b̶uud̶eeba.

Maka b̶uud̶e Jesús aria neesiid̶e, ʉtaa ichiaped̶a jarasii: —Zaqueo, isa ed̶aa uche. Id̶i mʉ bichi ded̶e kãi b̶eed̶e wãaruu. Maabae chi Zaqueo kĩrajʉʉ ed̶aa neeped̶a Jesús ichi deemaa adoesii.

Ichi ded̶e neesid̶aud̶e Zaqueo Jesús daad̶e akʉ nub̶eeped̶a jarasii: —Mʉ Mechiu, mʉʉba chi nejarra uru b̶uud̶ebena chi nejarr barauwãe nureerãmaa kẽsa dead̶akaaruu. Maud̶e b̶es kimare aude wãyaa dead̶akai mʉʉba setad̶eeba waabenarãmaa aude id̶id̶a bad̶a.

Maud̶eeba waabenarã fariseorã aria duanuuba Jesusmaa jarasid̶au: —Jaradeabarii, ¡bichi baara nibabadaurã chũpeabiase! Maamina Jesusba ãchimaa jarasii: —Mʉʉba biawãra machimaa jarai maarã chũpeaduubʉrã, mo b̶iad̶ai.