மாற்கு 12இலிருந்து பிரபலமான வேதாகம வசனங்கள்

பகிர்

அதற்கு இயேசு, “ ‘இஸ்ரயேலே கேள், நம்முடைய இறைவனாகிய கர்த்தர் ஒருவரே கர்த்தர். உன் இறைவனாகிய கர்த்தரை உன் முழு இருதயத்துடனும், உன் முழு ஆத்துமாவுடனும், உன் முழு மனதுடனும், உன் முழு பலத்துடனும் அன்பு செய்வாயாக’ என்பதே மிகவும் முக்கியமான கட்டளை. அதற்கு அடுத்த கட்டளை என்னவென்றால், ‘நீ உன்னில் அன்பாய் இருப்பது போலவே, உன் அயலானிலும் அன்பாய் இரு.’ இவற்றைவிட பெரிதான கட்டளை ஒன்றும் இல்லை” என்றார்.

அப்போது இயேசு தமது சீடர்களைத் தம்மிடம் அழைத்து அவர்களிடம், “நான் உங்களுக்கு உண்மையைச் சொல்கின்றேன், இந்த ஏழை விதவை மற்ற எல்லோரையும்விட அந்தத் காணிக்கைப் பெட்டியிலே அதிகமாய்ப் போட்டிருக்கிறாள். மற்றவர்கள் எல்லோரும் தங்கள் செல்வத்திலிருந்து எடுத்துக் கொடுத்தார்கள்; ஆனால் இவளோ தனது ஏழ்மையிலிருந்து தனது பிழைப்பிற்காக வைத்திருந்த எல்லாவற்றையுமே போட்டுவிட்டாள்” என்றார்.

இயேசு காணிக்கைகள் போடும் இடத்துக்கு எதிராக உட்கார்ந்து, திரண்டிருந்த மக்கள் ஆலயத்தின் காணிக்கைப் பெட்டியிலே பணத்தைப் போடுவதைப் பார்த்துக் கொண்டிருந்தார். பல செல்வந்தர்கள் அதிக பணத்தைப் போட்டார்கள். ஆனால் ஒரு ஏழை விதவையோ மிகவும் குறைவான மதிப்புடைய இரண்டு செப்பு நாணயங்களைப் போட்டாள்.

அவரை முழு இருதயத்துடனும், முழு ஆற்றலுடனும், முழுப் பலத்துடனும் அன்பு செய்வதும் தன் மேல் அன்பாயிருப்பது போல் தன் அயலானில் அன்பாய் இருப்பதுமே எல்லா தகன காணிக்கைகளையும் பலிகளையும்விட மிக முக்கியமானது” என்றான்.

அப்போது இயேசு அவர்களிடம், “அப்படியானால், சீசருடையதை சீசருக்கும், இறைவனுடையதை இறைவனுக்கும் கொடுங்கள்” என்றார். அவர் சொன்னதைக் கேட்டு, அவர்கள் வியப்படைந்தார்கள்.