योहान 15இலிருந்து பிரபலமான வேதாகம வசனங்கள்

பகிர்

“ननाने अंगुर वेलितसंटोन आंदुन, मिमेट बारे पंगांनसंटोर आंदिर. बोर अय्ते नातोनि कलियसि मनंतुरो, नना बोरतोनि कलियसि मनंतनो, ओर वेल्‍लेन बेसता कबाह्‍क कींतुर. नाहगटाल वेरे आसि मंचि, मिमेट बतले किया परिर.

मिमेट नावातोनि बस्‍केळ्‍क कलियसि मंटु, अस्‍के ननागुडा इंका मीवातोनि बस्‍केळ्‍क कलियसि मनंतन. पंगा वेलिक अंटिस मनाकोंटे दान्क कायां हादों, अल्हेन मिमेटगुडा नावातोनि कलियसि मनाकोंटे बेसता कबाह्‍क किया परिर.”

मिमेट ना लोप्पो आनि नावा पोल्‍लें मीलोप्‍पो मनानय्ते, मीकु गावाले मत्‍तद बतल तल्‍किना, अद मीवाहाटीं कियमळ जर्गंता.

नाकुन मिमेट पेर्रा हिल्‍लिर, गानि मीकुन नना पेरतन. पेरसि, मिमेट बेसता कबाह्‍क कीसेक बेस पलम हियगोम, इंचि नना मीकुन निलाहतन. अल्हा कीते, मिमेट नावा पोरोल्ते बाबान बतल तल्किनागानि, अद मीकु दोर्कंता.

वरोर मनकल ओना दंटागानाहाटीं ओना जीवा हियमळकन्‍ना पेद्‍दा पावरम बद्‍दे आयो.

नावा पंगानाल बव पंगांक अय्ते कायां हादोंगो, अवुन ओर नरकिस पोहांतोर. आनि हादाना पंगान बारे, इंका बेस हादगोम इंचि अवुना कोस्‍सन कत्रिच्‍चंतोर.

“नना मीकुन बल्हा पावरम कीतनो, अल्हेन मिमेटगुडा वरोंक-वरोर पावरम कीकुंटु, इदे नावा आदेस आंदु.

मिमेट वेल्‍लेन बेसता कबाह्‍क कियानय्ते नावा बाबांक वेल्‍लेन महिमा दोर्कंता. दीनहेंदाल मिमेट नावा सिस्युल्क इंचि दिस अर्रंतिर.

येसु इल्‍हा वेहतोर. “निजम अंगुर वेलितसंटोन ननाने आंदुन. नावा बाबाल बारे अंगुर तोटातुन बेस हूळकुनानोर आंदुर.

बोर अय्ते नावातोनि कलियसि मन्‍नुरो, ओर्कुन कबळ्‍क ओज्जुवा पंगान पोहताप पोहचियमळ जर्गंता. पजा अव पंगां वत्‍तुतस्के, अवुन जमा कीसि तडमिते वाटसि बोळ्‍संतुर.

नावा कुसि मीलोप्‍पो मनना, आनि मीवा कुसि पुरागा आयना इंचि, नना मीकु इव पोल्‍लें वेहतन.”

नना नावा बाबाल वेहता आदेसकुनपोर्रो ताकसेके, ओना पावरमते निलसि मंतन. अल्हेन मिमेटगुडा नना वेहता आदेसकुनपोर्रो ताकतिरित्‍ते, नावा पावरमते निलसि मनंतिर.

मिमेट वरोंक-वरोर पावरम कीकुंटु, इद मीकु नावा आदेस आंदु.”

मिमेट दुनियातोर्क नच्‍चताप मनानय्ते, ओर मीकुन पावरम कीसि मन्‍नेर. गानि मिमेट दुनियातोर्क नच्‍चताप मंचेके हिल्‍लिर. नना मीकुन इद दुनियाताल पेरतन. अदुनहाटीं दुनियातोर मीकुन हय्सुर.