Mt 18இலிருந்து பிரபலமான வேதாகம வசனங்கள்

பகிர்

Parski la kot de ou trwa finn rasanble lor mo nom mo pou la omilie zot.”

Laverite mo dir zot ankor enn fwa, si de ant zot tom dakor lor later pou dimann ninport kwa, mo Papa dan lesiel pou akord zot.

Li apel enn ti zanfan, li met li omilie zot, e li dir, “Laverite mo dir zot, si zot pa sanze e vinn kouma zanfan, zot pa pou rant dan rwayom lesiel.

Dimoun ki pli gran dan rwayom lesiel li kikenn ki abes li e fer li vinn tipti kouma sa zanfan la.

Dimoun ki akeyir enn zanfan lor mo nom, li pe akeyir mwa osi.

Laverite, mo dir zot, tou saki zot atase lor later pou atase dan lesiel, e tou saki zot delarge lor later pou delarge dan lesiel.

Koumsamem mo Papa ki dan lesiel pou fer avek sakenn parmi zot, si zot pa pardonn zot bann frer ek ser avek tou zot leker.”

Si kikenn fer enn sa bann ti zanfan ki krwar dan mwa la tonbe, ti pou preferab atas enn gro ros dan so likou e zet li dan fon lamer.

Ki zot panse? Sipoze enn dimoun ena san mouton, e enn parmi perdi, eski li pa pou les sa katrovin-diznef mouton la lor montagn pou al rod sa enn ki finn perdi la?