Juan 13இலிருந்து பிரபலமான வேதாகம வசனங்கள்

பகிர்

’Jee vitan jee taji ni̱ꞌ ɨɨn tu̱ꞌun jiáá ya̱ tátúníꞌ ni̱ꞌ nu̱u̱nꞌ rán, ya̱ kunu̱u̱nꞌ rán ɨɨn inka rá táꞌán rán. Kuéntáꞌ ñúnúunꞌ ni̱ꞌ ránoꞌó, jee suni sukuán kunu̱u̱nꞌ rán ɨɨn inka táꞌán rán. Chi retú nu̱u̱nꞌ viiꞌ ñúnúunꞌ rán ɨɨn inka táꞌán rán, yukuán jee kuniꞌ ntáká rá ñɨvɨ ya̱ maárán kúvi te̱e súkuáꞌa ni̱ꞌ ―nkachiꞌ Jesús.

Chi retú nuꞌuꞌ, ya̱ kúvi ni̱ꞌ I̱toꞌoꞌ rán, jín ya̱ kúvi ni̱ꞌ Mestrúꞌ rán, jee nna̱kete ni̱ꞌ jie̱ꞌe̱ꞌ rán. Jee suni sukuán íyó nakete rán jie̱ꞌe̱ꞌ ɨɨn inka táꞌán rán. Chi ɨɨn ichi kúvi ya̱ ntaji ni̱ꞌ nu̱u̱nꞌ rán, sáva kuéntáꞌ kua̱ꞌ nchi̱neí ni̱ꞌ ránoꞌó sukuán kuéntáꞌ musúꞌ, jee suni sukuán chineí rán jín rá táꞌán rán kuéntáꞌ musúꞌ.

Jee nna̱xiníkó Jesús, jee nkachiꞌ re̱ꞌ nu̱u̱nꞌ‑u: ―Ya̱ sáꞌá ni̱ꞌ vitan jee ntiáꞌan ki̱ku̱ꞌun iniꞌ nú maa vitan. Soo ne̱ kuéé ka̱ꞌ jee ki̱ku̱ꞌun iniꞌ nú maa.

Máá nááꞌ vá káchíꞌ ni̱ꞌ nu̱u̱nꞌ rán ya̱ ɨɨn ya̱ kúvi musúꞌ ntu̱ví kúñáꞌnú‑u ka̱ꞌ nu̱u̱nꞌ ñɨvɨ ya̱ kúvi i̱toꞌoꞌ‑o. Jee ñɨvɨ ya̱ jíka jín tiñu sáꞌá re̱ꞌ ya̱ njia̱ꞌa inka ñɨvɨ tiñu vá nu̱u̱nꞌ re̱ꞌ, jee ntu̱ví kúñáꞌnú ka̱ꞌ ñɨvɨ vá nu̱u̱nꞌ ñɨvɨ ya̱ nchu̱ichí‑i maa jín tiñu vá.

Retú jiáku̱ꞌun iniꞌ rán rá tu̱ꞌun yaꞌá, jee na̱ ka̱ꞌ va̱ꞌa ka̱ꞌ kúvi rán retú sikúnkuvi rán maa.

Jee sáá nkuvi nku̱xíní, jee nna̱kuiñɨꞌ re̱ꞌ, jee nxi̱tá re̱ꞌ saꞌma níji re̱ꞌ, jee nkeꞌen re̱ꞌ ɨɨn saꞌma xínáchi jee niꞌniꞌ re̱ꞌ maa chi̱ji re̱ꞌ. Jee kuíre nchuꞌun re̱ꞌ nute iniꞌ ɨɨn ñenkóꞌó, jee nka̱jiéꞌé re̱ꞌ nakete re̱ꞌ jie̱ꞌe̱ꞌ rá te̱e súkuáꞌa re̱ꞌ ráa, jee xínáchi re̱ꞌ jie̱ꞌe̱ꞌ ráa jín saꞌma vá ya̱ núꞌníꞌ chi̱ji re̱ꞌ.