San Juan 10இலிருந்து பிரபலமான வேதாகம வசனங்கள்

பகிர்

“Je̱'e̱ me̱tzpu̶ mu̶'it je̱'e̱ je'eyu̶ myiñ ko naty mye̱e̱dza'añ ko naty jya'ayyaj'o'oga'añ, y ko naty tii yajwindu̶goya'añ; peru̶ u̶u̶ch tu̶ nmíñu̶ch neby je̱'e̱ jugy'ajtu̶ñ wiinu̶u̶xu̶u̶bu̶ mu̶baad mbaatku̶xyu̶ñ, y neby mu̶baad mu̶jku̶je̱e̱ mbaatku̶xyu̶ñ.

U̶u̶ch du'un u̶u̶ch neby je̱'e̱ oybyu̶ borreegu̶ kweentu̶'ajtpu̶ju̶ñ. Je̱'e̱ oybyu̶ borreegu̶ kweentu̶'ajtpu̶ u̶xtu̶ yejkypy jyugy'ajtu̶ñ je̱' mu̶u̶d je̱'e̱ byorreegu̶ kyu̶xpu̶

Je̱'e̱ nborreegu̶ju̶ch xyo'kmu̶doobu̶ch je̱'e̱ ajku̶xy, y u̶u̶ch n'ixy'ajtku̶xypyu̶ch je̱' y xypyanú̶kxku̶xpu̶ch je̱'.

U̶u̶ch je̱'e̱ jugy'ajtu̶ñ wiinu̶u̶xu̶u̶bu̶ nmo'owaangu̶xypy, y nimu̶naaxu̶u̶ kya'atu̶gooygyu̶xu̶ch y nan ni pu̶n u̶u̶ch je̱'e̱ ku̶'u̶jooty xykya'apu̶jku̶ch ajku̶xy.

U̶u̶ch je̱'e̱ du'un neby je̱'e̱ agaj'aaju̶ñ: pu̶n tu̶gu̶yu̶u̶by ma u̶u̶chu̶ñ, pyaadu̶py je̱'e̱ aanu̶mu̶ ni'idzooku̶ñ. Du'un je̱'e̱ y'ídu̶ch neby je̱'e̱ borreegu̶ mu̶dyiibu̶ jaboom jaboom jop jop pu̶dzu̶u̶mgu̶xpu̶ñ ma je̱'e̱ agaj'aguuyu̶ñ y ñú̶kxku̶xy ju̶kxpu̶ ojkpu̶, y tyu̶gu̶u̶ygyu̶xnu̶ tzuu tzuu.

“U̶u̶ch du'un u̶u̶ch neby je̱'e̱ oybyu̶ borreegu̶ kweentu̶'ajtpu̶ju̶ñ, y n'ixy'ajtypyu̶ch je̱'e̱ nborreegu̶ ajku̶xy y je̱' nan xy'ixy'ajtpu̶ch je̱'e̱ nandu'un ajku̶xy.

Je̱'e̱ mu̶dyiibu̶ u̶u̶ch je̱'e̱ Dios Teedy tu̶ xyajku̶'u̶du̶gu̶'u̶yu̶ñ mu̶j je̱'e̱ ni'igyu̶ ka'p du'un ni tiiju̶ñu̶ba, y ni pu̶n je̱'e̱ mu̶baad kya'apu̶jkku̶xyu̶ mu̶dyiibu̶ ku̶'u̶jooty myu̶dajtypyu̶ñ. U̶u̶ch y je̱'e̱ Dios Teedy tu'ugyu̶ u̶u̶ch du'un ajku̶xy.

Du'un neby u̶u̶ch je̱'e̱ nDeedy xy'ixy'atyu̶ñ, y u̶u̶ch nan n'ixy'ajtypyu̶ch je̱'e̱ nDeedy nandu'un; y nye̱ge̱e̱mbyu̶ch je̱'e̱ njugy'ajtu̶ñ mu̶u̶d u̶u̶ch je̱'e̱ nborreegu̶ kyu̶xpu̶ ajku̶xy.

Ni pu̶n u̶u̶ch je̱'e̱ njugy'ajtu̶ñ xykya'apu̶jku̶yu̶ch, pu̶nu̶ ka'p u̶u̶ch naty du'un nmu̶na'añ, u̶u̶ch je̱'e̱ ku̶'u̶m nye̱ge̱e̱mby. Nmu̶u̶du̶ch je̱'e̱ ane̱'e̱mu̶ñ u̶u̶ch, neby u̶u̶ch je̱'e̱ njugy'ajtu̶ñ nyé̱gu̶chu̶ñ y neby u̶u̶ch ja'adu'ook njuugypyú̶gu̶chu̶ñ. Du'un u̶u̶ch je̱'e̱ nDeedy tu̶ xy'ane'emy ko u̶u̶ch n'o'ogu̶ch y njuugypyú̶gu̶chu̶ch ja'adu'ook.”

Chi je̱'e̱ Jesús ja'adu'ook ñu̶maayu̶gu̶xnu̶ba: “Janch tu̶y'ajtu̶ñ du'un nnu̶maaygyu̶xy: U̶u̶ch je̱'e̱ du'un neby je̱'e̱ agaj'aa ma je̱'e̱ borreegu̶ tyu̶gu̶yu̶u̶ygyu̶xyu̶ñ.

peru̶ je̱'e̱ mu̶dyiibu̶ mu̶juy je'eyu̶ tuumb, ko je̱'e̱ pa'uk ixy chi je̱'e̱ borreegu̶ u̶x'yo'oy y kye'egy, je̱' ko ka'p je̱'e̱ jye̱'e̱ju̶ch je̱'e̱ borreegu̶ kweentu̶'ajtpu̶ y nan ka'p je̱'e̱ je̱' jye̱' je̱'e̱ borreegu̶. Y ko je̱'e̱ pa'uk je̱'e̱ borreegu̶ mach y chi ku̶xyu̶ yajpoyu̶'u̶gwa'kxtaay yajnu̶kxu̶ydyaaygyu̶xy xii ya.

Mu̶'it je̱'e̱ Jesús myu̶naañ: “Janch tu̶y'ajtu̶ñ du'un nnu̶maaygyu̶xy mu̶dyiibu̶ ka'p tyu̶gu̶yu̶u̶ygyu̶xy ma je̱'e̱ borreegu̶ agaj'aguuyu̶ñ, y tyu̶gu̶yu̶u̶ygyu̶xy wiingtuum, je̱'e̱ me̱tzpu̶ je̱'e̱ ajku̶xy.