San Juan 13இலிருந்து பிரபலமான வேதாகம வசனங்கள்

பகிர்

Cham je̱'e̱ jembyu̶ ane̱'e̱mu̶ñ nmooygyu̶xy: Ko amíñ u̶xyu̶py mnaychojku̶gu̶xu̶ch. Du'un neby u̶u̶ch miich ndzojkku̶xyu̶ñ, nandu'un miich amíñ u̶xyu̶py naychojku̶gu̶x. Pu̶nu̶ mnaychojkku̶gu̶xp amíñ u̶xyu̶py, mu̶'it je̱'e̱ ja'ay du'un ku̶xyu̶ nejwu̶u̶ygyu̶xu̶ch ko miich ndiscípulos'ajtku̶xy.

U̶u̶ch it je̱' je̱'e̱ Yaj'u̶xpu̶jkpu̶ y je̱'e̱ Windzú̶n, neby je̱'e̱ mdeky miich tu̶ n'okpúju̶byu̶ ajku̶xy, nandu'unu̶tz miich je̱'e̱ mdeky amíñ u̶xyu̶py mbujku̶xu̶ch. U̶u̶ch tu̶ miich je̱'e̱ ijxpe̱jtu̶ñ tu'ug nmooygyu̶xy, neby miich mu̶baad nandu'un mduungu̶xyu̶ñ je̱'e̱ mu̶dyiibu̶ u̶u̶ch tu̶ nduñu̶ñ mu̶u̶d miich ajku̶xy.

Chi je̱'e̱ Jesús y'adzoowu̶: —Cham ka'p m'okwinju̶wu̶'u̶yñu̶ tii u̶u̶ch du'un nduumbyu̶ñ, peru̶ jiinu̶ je̱'e̱ mwinju̶wu̶'u̶wu̶chñu̶.

Janch tu̶y'ajtu̶ñ du'un nnu̶maaygyu̶xy ko ka'p je̱'e̱ tuumbu̶ jii ni tu'ug mu̶dyiibu̶ ni'igyu̶ mu̶j ni'igu̶ ka'p je̱'e̱ wyindzú̶nu̶ñu̶ba, y nan ka'p je̱'e̱ kexyo'oybyu̶ jii ni tu'ug mu̶dyiibu̶ ni'igyu̶ mu̶j ni'igu̶ ka'p je̱'e̱ mu̶dyiibu̶ naty tu̶ kyexyii.

Pu̶nu̶ mwinju̶wu̶u̶ygyu̶xypy je̱'e̱ n'ayuuk ndu̶y'ajtu̶ch, y pu̶nu̶ mguydyuungu̶xypy du'un, mu̶'it jootkujk m'ijtku̶xu̶ch.

Chi pyu̶du̶'ky ma najty jim y'adzuu'ajtku̶xyu̶ñ, y u̶xpu̶jky je̱'e̱ wyit y chi tuway tu'ug ñayyajmoxxodzu̶u̶yu̶. Mu̶'it je̱'e̱ nu̶u̶ palangaanu̶jooty pu̶daaky, y pujtu̶gu̶u̶yu̶ je̱'e̱ dyiscípulotu̶jk tyeky ajku̶xy y po'ttu̶u̶tzu̶ ajku̶xy mu̶u̶d je̱'e̱ tuway je̱'e̱ mu̶dyiibu̶ najty tu̶ ñayyajmoxxodzu̶'u̶yiiju̶ñ.