Ioane 14இலிருந்து பிரபலமான வேதாகம வசனங்கள்

பகிர்

“Ko te fīlēmū e tuku e au ma koutou; ko taku fīlēmū e tuku atu e au ki a te koutou. E hē kō tuku atua ki a te koutou e vē ona fai e tagata o te lalolagi. Nahe atuatuvale outou loto; nahe koutou mātataku.

Oi tali mai ai ia Iehu ki ei, “Ko au ko te ala ma te meamoni ma te ola; e hēai he tino e fano ki te Tamana, vaganā e kui mai ia te au.

Kua vāgana atu ia Iehu ki ona hoko, “Koutou nahe popole pe mātataku; talitonu ki te Atua, ma talitonu mai foki ki a te au.

Ko te Fehoahoani, te Agaga Paia, tē ka uga mai e te Tamana i toku igoa, ka ia akoakoa atua ki a te koutou nā mea uma lele, ma ka koutou manatua ai nā mea uma na lea atu ai au.

“Ko nā tino e talia e ki lātou aku fakatonuga ma uhitaki ki ei, ko ki lātou iēnā e alolofa mai ki a te au; ma ko nā tino e alolofa mai ki a te au, ka alofa ki ei toku Tamana; ma ka vēnā foki ona alofa au ki ei, ma kō fakailoa au ki a te ki lātou.”

Ko au ka tatalo ki te Tamana, ma ka ia fōki atua ki a te koutou hētahi Fehoahoani, ke fakatahi pea ma koutou ke pa ki te fakavavau. Ko ia ko te Agaga e fakailoagia te meamoni e uiga ki te Atua. E hē mafai ke talia ia e tagata o te lalolagi, auā e hē ki lātou kitea pe iloa ia. Kae e koutou iloa ia, auā e tūmau ia ma koutou, ma e i loto ia, ia te koutou.

Ho he mea lava e gogō atu koutou ki ei i toku igoa, e fai e au, kae ke fakailoa ai te mamalu o te Tamana, e ala i te Ataliki. Kāfai koutou e gogō mai ki a te au ki ho he mea i toku igoa, e fai e au.

“Kāfai koutou e alolofa mai ki a te au, tauhi la ki aku fakatonuga.

E lahi nā potu i te fale o toku Tamana, ma ko au e fano oi hāuni he mea ke nonofo ai koutou. E hē mafai au ke lea atu vēnei, anei ake e hēai.

Ma kāfai au e fano oi hāuni he mea ke nonofo ai koutou, ko au e toe hau oi kavatu koutou, kae ke i ei ai koutou fakatahi ma au, i te mea e i ei ai au.

Kua lea atu ia Toma ki a te ia, “Te Aliki, e hē ki mātou iloa te mea e fano koe ki ei, kae e vēhea la ona iloa e ki mātou te ala e fano ki ei?”