Ioane 3இலிருந்து பிரபலமான வேதாகம வசனங்கள்

பகிர்

Auā ko te alofa lahi o te Atua ki te lalolagi, na ia kaumaia ai tona Ataliki e tokatahi, kae ke nahe oti ai ho he tino e talitonu ki ei, kae ke maua e ia te ola e fakavavau.

Auā e hēki uga maia e te Atua tona Ataliki ke fakamahino ia tagata o te lalolagi, kae na uga mai ke fakaola, e ala ia te ia.

Kua tali mai ia Iehu, “E takutino atu e au ki a te koe te meamoni, e hēai he tino e mafai ke ia kitea te Mālō o te Atua, heiloga kua toe fānau fougia.”

Ko nā tino e talitonu ki te Ataliki, e hē fakamahinoa; ka ko nā tino e hē talitonu, kua uma to lātou fakamahinoga, auā kua hē talitonu ki lātou ki te Ataliki e tokatahi o te Atua.

Ko tēnei la te fakamahinoga: kua hau te mālamalama ki te lalolagi, kae ko tagata e fiafia ki te pōuli i lo te mālamalama, auā ko a lātou āmio e kino.

E tatau ke kāmata oi fakatāua lahi ia, kae fakaitiitia te tāua o oku.”

Ko nā tino e faia nā mea e kino, e inoino ki te mālamalama ma e hē mafai ke ōmamai ki te mālamalama, auā e hē fofou ke kitea a lātou āmio kino.

Ko ai lava e talitonu ki te Ataliki, e ia maua te ola e fakavavau; ko ai lava e hē uhitaki ki te Ataliki, e hē ia maua te ola, kae ka tūmau i lalo o te fakahalaga a te Atua.

Ma e vē ona hiki ake ki luga e Mohe te gata apamemea i te vao, e tatau foki te Ataliki o te Tagata ke hiki ake ki luga

Ko te Tamana e alofa ki tona Ataliki, ma kua ia tukuatua ki ei nā mea uma.