1 Mose 28இலிருந்து பிரபலமான வேதாகம வசனங்கள்

பகிர்

Tala, minu ndidi yaku, mandi kutanina mu fulu bibio bimawenda. Mandikuvutula diaka mu tsi yoyo, ndilendi kubika ko. Mandilungisa mamo mandikembi.»

Ayi tala Yave wuba vana yilu kikada ayi wukamba: «Minu ndidi Yave, Nzambi yi khaya aku Abalahami ayi Nzambi yi Isaki. Ntoto wawu wulekidi, mandi vana wawu kudi ngeyo ayi kudi nkuna aku.

Buna Yakobi wuvumvumuka ku tulu tuandi ayi kembi: «Kedika, Yave widi va fulu kiaki, vayi minu ndisi kudizaba ko.»

Buna Yakobi wudia ndefi, wukamba: «Ti Nzambi maka ba yami ayi wukhebidi mu kedika mu nzila yindilembo yendi ayi wupheni bidia ayi minlele mi vuata, ayi ti mvutukidi mu yenge ku nzo yi se diami, buna ngeyo, Yave, mawuba Nzambi ami. Ayi ditadi diadi dithedimisini va fulu kiaki madiba nzo Nzambi ayi mu bibio bimawuphana mandi vana buku ki kumi ki duka.»

Tala nkuna aku mawuba banga fundu fundu di ntoto. Nkuna aku welayalumuka ku ntotukilanga thangu, ku nlekilanga thangu, ku mongo nate ku wanda tsi. Mu nzila aku ayi mu nzila yi bana baku, mandi sakumuna makanda mamo.

Bosi wutedila fulu beni mu zina di Beteli, di bangudulu: «“Nzo Nzambi.”» Mu thama, zina di fulu kiokio diba Luzi.