San Juan 6இலிருந்து பிரபலமான வேதாகம வசனங்கள்

பகிர்

Kinuna ni Jesus kadakuada, “Siak ti tinapay ti biag. Ti umay kaniak, dinto mabisinan, ket ti mamati kaniak, dinto mawaw.

Ti Espiritu ti makaited iti biag. Awan a pulos ti maited ti lasag. Espiritu ken biag dagiti insaok kadakayo.

“Dikay agbannog gapu iti taraon a madadael. Agbannogkayo ketdi gapu iti taraon nga agpaut iti biag nga agnanayon. Daytoy ti taraon nga itedto kadakayo ti Anak ti Tao, ta inted ti Dios Ama kenkuana ti yaanamongna.”

Ta pagayatan ni Amak nga amin a makakita ken mamati iti Anak adda biagna nga agnanayon. Ket pagungarekto ida inton maudi nga aldaw.”

“Daytoy ti kayat ti Dios nga aramidenyo: Patienyo ti imbaonna,” insungbat ni Jesus.

Umayto kaniak dagiti amin nga ited ni Amak. Ket ti umay kaniak, diakto pagtalawen.

“Apo,” insungbat ni Simon Pedro, “siasino pay aya ti papananmi? Adda kenka dagiti sao a makaited iti biag nga agnanayon.

Siak ti sibibiag a tinapay a naggapu sadi langit. No kanen ti siasinoman daytoy a tinapay, agbiagto nga agnanayon. Ket ti tinapay nga itedkonto isu ti lasagko. Wen, itedko tapno agbiag ti lubong.”

“Awan ti makaumay kaniak no saan nga allukoyen ti Ama a nangibaon kaniak; ket pagungarekto inton maudi nga aldaw.

Ta ti tinapay nga ited ti Dios isu ti bumaba manipud langit a mangted biag iti lubong.”

Siak ti tinapay ti biag.

Innala ni Jesus dagiti tinapay, nagyaman iti Dios, sana imbunong kadagiti nakatugaw a tattao. Kasta met ti inaramidna kadagiti ikan. Nangan dagiti tattao agingga a napnekda. Idi nabsogda aminen, kinuna ni Jesus kadagiti adalanna, “Urnongenyo dagiti natda ket awan ibellengyo tapno awan madadael.”

Nakapaggauden dagiti adalan iti aglima wenno innem a kilometro idi makitada ni Jesus a magmagna iti rabaw ti danum. Kasta unay ti butengda idi umas-asideg iti bangka. Ngem kinuna ni Jesus kadakuada, “Dikay agbuteng, siak ni Jesus!”