San Lucas 5இலிருந்து பிரபலமான வேதாகம வசனங்கள்

பகிர்

Kalpasan ti panagsaona, kinunana ken ni Simon: “Ipatengngam ti bangka, ket iwayatyo ti iketyo ta agkalapkayo.”

“Maestro,” insungbat ni Simon, “nagpatpatnagkami a nagkalap. Awan pulos ti naalami. Ngem no kasta ti kunam, iwayatko dagiti iket.” Inwayatda dagiti iket. Adu ti naalada nga ikan ket dandani la mabsang ti iketda.

Ngem masansan nga agpakni ni Jesus kadagiti disso nga awan matagtagitao tapno agkararag.

Saanak nga immay tapno ayabak dagiti nalinteg ngem immayak agayab kadagiti managbasol ket iti kasta agbabawida.”

Idi makita ni Simon Pedro ti napasamak, nagparintumeng iti sangoanan ni Jesus ket kinunana, “Apo, adaywannak! Maysaak a managbasol.”

Simmungbat ni Jesus kadakuada: “Saan a dagiti nasalun-at ti makasapul iti mangngagas no di ket dagiti masaksakit.

Insang-atda dagiti bangka, pinanawanda amin, ket simmurotda ken ni Jesus.

Iti naminsan, adda ni Jesus iti maysa nga ili nga ayan ti maysa a lalaki nga agkukutel. Apaman a nakitana ni Jesus, nagpakleb iti sangoananna ket impukkawna kenkuana, “Apo, no kayatmo, mapaimbagnak.” Sinagid ni Jesus ti lalaki sana kinuna, “Kayatko! Umimbagkan.” Ket dagus a naikkat ti sakit ti lalaki.

Immad-adda ketdi a nagdinamag ni Jesus. Napan ti nakaad-adu a tattao nga agdengngeg kenkuana ken agpaagas kadagiti saksakitda.