San Lucas 8இலிருந்து பிரபலமான வேதாகம வசனங்கள்

பகிர்

Dagiti nagdisso iti nadam-eg a daga, iladawanda dagiti tattao a dumngeg iti mensahe, salimetmetanda iti naimbag ken natulnog a puso, ket agtalinaedda agingga iti agbungada.”

Dagiti nagdisso iti ayan dagiti siitan a mula, kayariganda dagiti tattao a dumngeg; ngem dagiti pakaringgoran ken kinabaknang ken ragragsak ditoy a biag, leppesenda ida ket saan a matangkenan dagiti bungada.

Dagiti nagdisso iti kabatoan, iladawanda dagiti tattao a dumngeg iti mensahe ken awatenda a siraragsak. Ngem saan nga umuneg ti mensahe kadakuada. Mamatida iti apagbiit, ngem suminada no dumteng ti tiempo a pannakasuot.

Kinuna ni Jesus kadagiti adalan, “Sadino ti yan ti pammatiyo?” Ngem gapu iti siddaaw ken amakda, kinunada iti maysa ken maysa: “Ania ti katataona daytoy? Bilinenna ti angin ken dagiti dalluyon, ket agtulnogda kenkuana!”

Dagiti nagdisso iti igid ti dalan, iladawanda dagiti tattao a dumngeg. Ngem umay ti Diablo ket ikkatenna ti mensahe iti pusoda tapno dida mamati ken maisalakan.

Ta awan ti nailemmeng a dinto mailatak, ket awan ti palimed a dinto maammoan ken maiparangarang.

Idi makita ti babai a naduktalanen, agtigtigerger a napan ken ni Jesus sa nagrukbab iti sangoananna. Iti imatang dagiti amin a tattao, impalawagna no apay a sinagidna ni Jesus ken ti pannakapaimbagna a dagus. “Anakko, pinaimbagnaka ti pammatim,” kinuna ni Jesus. “Agawidkan a sitatalna.”

Napan dagiti adalan ken ni Jesus ket riniingda. “Apo! Apo!” kinunada, “lumnedtayon.” Bimmangon ni Jesus ket binilinna ti angin ken dagiti nadawel a dalluyon. Nagtalnada ket nalinak manen ti dan-aw.